NEHEMIA 12:27 - KITTA' MATANGKASA'

²⁷ Ri wattunna niresmikang tembo' kalli'na kota Yerusalem, nikio' ngasengi sikamma tu Lewia battu ri sikamma tampa' pammantanganna ke'nanga, sollanna akkulle ke'nanga amminawang ampakasuaraki anjo kajarianga siagang kelong-kelong appala' sukkuru', siagang gambusu' na kacapi.

NEHEMIA 12:27 Iomraidhean Croise

2 SAMUEL 6:12

Nalangngereki Karaeng Daud angkanaya Nabarakkaki Batara kaluargana Obed-Edom siagang sikontu barang-baranna lanri anjo Patti Parjanjianga. Jari a'lampami mange ri balla'na Obed-Edom angngallei anjo Pattia untu' napalette' mange ri Yerusalem siagang nasuarri lompoi.

1 KARAENG-KARAENG 8:63

Untu' koro'bang pappasiamakkang assaremi Salomo 22.000 sapi siagang 120.000 gimbala'. Kammaminjo karaenga siagang sikontu ra'yaka appare'mi pa'gaukang untu' angresmikangi Balla'Na Batara.

1 PATTOTTORANG 13:8

na Daud siagang sikontu bansa Israel a'joge'-joge'mi siagang akkelong-kelommi siagang lompo sumanga', untu' ampakala'biriki Allata'ala, narurungang kacapi, rebana simbala', siagang tarompe'.

1 PATTOTTORANG 15:12

Nakanamo Daud ri ke'nanga, “Ikau ngaseng anne pamimping bija-bija niaka lalang ri suku Lewi. Lanri kammana, ikau ngaseng siagang tu Lewi maraengannaya parallui nutangkasi kalennu, sollanna akkulle nupalette' Patti ParjanjianNa Batara, Allata'alana Israel, mange ri tampa' le'baka kupasadia.

1 PATTOTTORANG 15:16

Nasuro tommi Daud sikamma anjo pamimpinna tu Lewi sollanna nasuro siapa are jaina tau battu ri sukuna ke'nanga untu' akkelong siagang akkarena lalang kelong-kelong karannuang siagang kacapi na simbala'.

1 PATTOTTORANG 15:28

Sikontu umma' Israel a'lampa ngasengi anrurungangi anjo Patti Parjanjianga sa'genna ri Yerusalem, ma'rannu-rannu, sa'ra tarompe', napiri, simbala', kammayatompa sa'ra kacapi.

1 PATTOTTORANG 15:4

Nampa nasuro Daud turunganna Harun siagang tu Lewi a'rappungang.

1 PATTOTTORANG 16:42

Heman siagang Yedutun tugasa' tongi untu' tarompeka, simbala', siagang pakkakasa' musi' maraengannaya ia nipakea anrurungangi anjo kelong-kelong pammujia. Anggota-anggotana anjo bija-bijanna Yedutun nisarei tugasa' untu' anjagai sikamma pakke'bu' lompoa.

1 PATTOTTORANG 16:5

Asaf nipile a'jari pamimping lomoro' se're, nampa Zakharia wakkele'na. Yeiel, Semiramot, Yehiel, Matica, Eliab, Benaya, Obed-Edom siagang Yeiel nisare ngaseng tugasa' untu' akkarena kacapi. Asaf nisare tugasa' akkarena simbala',

1 PATTOTTORANG 23:5

nia' 4.000 nasare tugasa' a'jari pangawala', siagang 4.000 pole untu' ammuji Batara siagang pakkakasa' musi' niaka nipasadia.

1 PATTOTTORANG 26:31

Pamimpinna turunganna Hebron iamintu Yeria. Ri taung makapatampulona taung pamarentahanna Karaeng Daud, disalidikimi ri sesena turunganna Hebron. Lalang ri anjo panyalidikanga a'nyatai angkanaya jai ri ke'nanga tantara-tantara kassa', ammantanga ri Yazer lalang ri daera Gilead.

2 PATTOTTORANG 29:25

Situru' pitunju'-pitunju' Napassareanga Batara mae ri Daud tete ri Na'bi Gad, anjamaya untu' karaenga, siagang tete ri Na'bi Natan, nasaremi tugasa' karaenga sikamma tu Lewia untu' akkarena kacaping siagang gambusu' lalang ri Balla'Na Batara,

2 PATTOTTORANG 29:30

Karaenga siagang pamimping-pamimpinna ra'yaka nasuroi akkelong tu Lewia untu' angkelongangi kelong-kelong le'baka napare' Daud siagang Na'bi Asaf. Rannu kabusu'mi pa'mai'na sikontu taua nampa akkulantu' siagang anynyomba ri Allata'ala.

2 PATTOTTORANG 7:6

Sikamma imanga ammentengi ri tampa' le'baka nipattantu untu' pammantanganna ke'nanga; assidallekangi ke'nanga siagang tu Lewi ammujia ri Batara siagang musi' le'baka napare' Daud, nampa akkelong iamintu kelongang, “Mannannungangi PangamaseanNa!” situru' napassuroanga Daud. Sikamma imanga appasa'rai tarompe' nampa sikontu ra'yaka ammenteng kabusuki.

EZRA 6:16

Nampa naresmikammo tu Israel, sikamma imanga, tu Lewia, siagang sikontu tule'baka nipela', anjo Balla'Na Batara. Rannu ngasemmi pa'mai'na tu Israel.

NEHEMIA 11:20

Ra'ya' Israel, sikamma imanga siagang sikamma la'binna tu Lewia, ammantangi ri massing tampa'na ke'nanga, ri a'rupa-rupaya kota ri Yehuda.

NEHEMIA 12:43

Anjo alloa jai koro'bang nipassareang ri Batara. A'rannu-rannui ra'yaka lanri nipakasunggui ri Allata'ala. Sikamma bai'-bainea siagang ana'-anaka amminawang tongi assua'-suara', siagang kalangngerammi sa'genna bella sa'ra karannuanna ke'nanga.

NEHEMIA 8:17

Sikontu anjo ra'ya' ammotereka battu ri pa'rasangang pammelakkanga appare' ngasengi anjo balla'-ballaka, nampa ammantang ke'nanga anjoreng. Iaminne uru-uruna nigaukang appakkaramula ri jammanna Yosua ana'na Nun, nasanna' ngasemmo sungguna siagang sannanna nyawana ke'nanga.

PAMMUJI 149:3

Pujimi arenNa nu'joge'-joge', pujimi siagang kacapi na rabana!

PAMMUJI 30:1

Pammujina Daud. Kelong-kelong ri wattunna niresmikang Balla'Na Batara ri Yerusalem.

PAOLE 16:11

A'rannu-rannuko ri dallekanNa Karaeng Allata'alanu, ri anjo tampa' le'baka Napattantu, siagang ngaseng ana'-ana'nu, ata-atannu, kammayatompa tu Lewi, tubattu-battua, ana'-ana' kukanga siagang sikamma janda niaka ammantang ri kota-kotanu.

PAOLE 20:5

Nampa sikamma komandanga musti napabattu anne kana-kanaya mae ri sikamma tantaraya, ‘Niakka ri kau beru ambangung balla', mingka tenapa nappare' upacara kasukkurang? Punna nia', akkullei ammotere'. Saba' punna matei lalang pa'bundukang, tau maraeng lampammantangngi anjo ballaka.

FILIPI 4:4

Poro tuli rannu ngasengi pa'mai'nu, lanri le'ba'numo asse're siagang Batara. Sikalipi pole kukana: rannu mako!

PAPPICINI' 5:8

Ri wattu appakammana anjo Ana' Gimbalaka, su'ju'mi naung anjo appaka anu attallasa' siagang anjo ruampuloa angngappa' pamimping ri dallekanNa anjo Ana' Gimbalaka. Massing anna'galaki kacaping siagang mangko' bulaeng niaka kamanynyanna anjo ke'nanga, iamintu pappala' doanganna Umma'Na Allata'ala.