NEHEMIA 11:25 - KITTA' MATANGKASA'

^25-30 Jai ra'yaka ammantang ri kota-kota assiampika siagang kokonna ke'nanga. Siapa are tu battu ri suku Yehuda ammantang ri daera alla'na Bersyeba bageang timborang siagang Ka'bung Hinom bageang wara'. Ammantangi ke'nanga ri kota-kota siagang desa-desa ri tammulilina iamintu: Kiryat-Arba, Dibon, Yekabzeel, Yesua, Molada, Bet-Pelet, Hazar-Sual, Bersyeba, Ziklag, Mekhona En-Rimon, Zora, Yarmut, Zanoah, Adulam, Azeka, Lakhis.

NEHEMIA 11:25 Iomraidhean Croise

PA'JARIANG 23:2

matemi ri Hebron ri butta Kanaan. Si'na sikalimi pa'mai'na Abraham siagang nakarrukimi anjo kamateanna bainenna.

YOSUA 13:17

kammayatompa Hesybon na sikontu kota ri anjo lappara' tinggia iamintu: Dibon, Bamot-Baal, Bet-Baal-Meon,

YOSUA 13:9

Daerana ke'nanga iamintu antamaya Aroër (ri birinna Ka'bung Binanga Arnon), siagang kota niaka ri tangnga-tangngana anjo ka'bunga. Kammayatompa sikontu daera lappara' tinggia battu ri Medeba sa'genna mange ri Dibon

YOSUA 14:13

Jari nabarakkakimi Yosua anjo Kaleb ana'na Yefune, nampa napassareang mae ri ia kota Hebron a'jari butta pisakana.

YOSUA 14:15

Riolo anjo Hebron niarengi Arba. (Arba iamintu tau Kaminang Lompoa pakkaleanna ri sikontu bansa Enak.) Na amang siagang salewangammo anjo pa'rasanganga, tena nanisusai ri pa'bundukang.