NEHEMIA 11:22 - KITTA' MATANGKASA'

²² Sikamma pangawasa' tu Lewi, ia ammantanga ri Yerusalem, iamintu Uzi ana'na Bani, cucunna Hasabya. Siapa area boe-boena iamintu kammaya Matanya siagang Mikha. Antama tongi golongang Asaf, ia tugasaka angngurusuki pamusika ri wattu passambayanganga ri Balla'Na Batara ri Yerusalem.

NEHEMIA 11:22 Iomraidhean Croise

2 SAMUEL 9:12

Nia' ana' bura'nena Mefiboset niareng Mikha. Sikontu anggota kaluargana Ziba a'jari kabusuki atanna Mefiboset.

EZRA 8:19

Nakiring tommi mae ri kambe tu niarenga Hasabya siagang Yesaya, battu ri golongang Merari, siagang ruampulo bija-bijanna ke'nanga.

NEHEMIA 11:14

Battu ri anne golonganga nia' 128 tusannaka baranina. Pamimpinna ke'nanga iamintu Zabdiel, ana'na Gedolim.

NEHEMIA 11:9

ri Yoël ana'na Zikhri siagang wakkele'na, Yehuda ana'na Hasenua.

NEHEMIA 12:42

ri bokona ke'nanga a'jappai Maaseya, Semaya, Eleazar, Uzi, Yohanan, Malkia, Elam siagang Ezer. Sikamma pakelonga akkelongi nipimping ri Yizrahya.

NEHEMIA 12:46

Battu ri jammanna iji Karaeng Daud siagang panrita musi' niarenga Asaf, nanagaukammo sikamma pakelonga akkelong-kelong mammujia appala' sukkuru' mae ri Allata'ala.

NEHEMIA 13:13

Kusuromi siapa are tau untu' anjannangngi anjo kamara'-kamara' parsadiaanga. Ia ke'nanga iamintu: Imang Selemya, Zadok iamintu tu panritaya ri Hukkunga, siagang Pedaya se're tu Lewi. Hanan ana'na Zakur siagang cucunna Matanya, kusarei tugasa' untu' ambantui ke'nanga. Kuassengi angkana sikamma anjo taua akkullei nipatappa' siagang lanaurusuki pambageanna anjo bahang-bahanga mae ri sipanjamanna ngaseng siagang lambusu'.

NEHEMIA 3:17

Ia bageang-bageang tembo' kalli' maraengannaya nabangungi tu Lewi. Areng-arenna anjo tu Lewi anjamaya iamintu: Rehum ana'na Bani. Hasabya, ammarentaya ri bageruanna kacamatang Kehila: ia najamaya iamintu tembo' kalli' niaka ri kacamatanna todong. Binui ana'na Henadad, ammarentaya ri bageruanna kacamatang Kehila. Ezer ana'na Yesua, ammarentaya ri Mizpa: ia anjamai tembo' kalli' ri panyingkulu' aganga sa'genna ri dallekang pammolikang sanjataya. Barukh ana'na Zabai: ia anjamai tembo' kalli' appakkaramula ri panyingkulu' aganga sa'genna pakke'bu' balla'na Imang Lompo niarenga Elyasib. Meremot ana'na Uria siagang cucunna Hakos: ia anjamai tembo' kalli' appakkaramula ri pakke'bu'na Elyasib sa'genna cappa'na anjo ballaka.

NEHEMIA 8:7

Le'baki anjo ambangummi nai' nampa massing ammenteng ngaseng ke'nanga ri tampa'na, nampa lalanna anjo nia'mo siapa are jaina tu Lewi ampakasingaraki battuanna anjo Hukkunga mae ri ke'nanga. Sikamma anjo tu Lewia iamintu: Yesua, Bani, Serebya, Yamin, Akub, Sabetai, Hodia, Maaseya, Kelita, Azarya, Yozabad, Hanan, siagang Pelaya.

LAMPA-LAMPANA 20:28

Paralluko anjagai kalennu. Kammayatompa paralluko anjagai sikontu jamaah le'baka Napassareang RohNa Allata'ala mae ri kau untu' lanujagai; nasaba' le'ba' mako niangka' a'jari tummarakai ri anjo jama'aka. Parallui nujagai anjo jama'aNa Allata'ala, sanrapang pakalawaki anjagai gimbala'na; nasaba' le'ba'mi Napa'jari Allata'ala anjo jama'aka a'jari pisakaNa lanri kamateanNa Ana' KalenNa.