NEHEMIA 11:15 - KITTA' MATANGKASA'

^15-18 Tu Lewi: Semaya ana'na Hasub, cucunna Azrikam. Siapa area boe-boena ikambe iamintu Hasabya siagang Buni. Sabetai siagang Yozabad, sikamma tuniparalluanga, anjannangngi jama-jamang niaka ri pantaranganna Balla'Na Batara ri Yerusalem. Matanya ana'na Mikha, cucunna Zabdi, battu ri turungang Asaf. Iami pamimping mae ri sikamma pakelonga untu' pappala' doang sukkuru'. Bakbukya wakkele'na Matanya. Abda ana'na Samua, cucunna Galal, battu ri turungang Yedutun. Yangasenna nia' 284 jaina tau.

NEHEMIA 11:15 Iomraidhean Croise

1 PATTOTTORANG 9:14

Tu Lewi niaka ammantang ri kota Yerusalem, iamintu: Semaya ana'na Hasub; boe-boena iamintu Azrikam siagang Hasabya battu ri bija Merari Bakbakar, Heres siagang Galal Matanya ana'na Mikha; boe-boena iamintu Zikhri siagang Asaf Obaja ana'na Semaya; boe-boena iamintu Galal siagang Yedutun Berekhya ana'na Asa, cucunna Elkana, ammantanga ri kota Netofa.

1 PATTOTTORANG 9:19

Ia nisarea tugasa' anjagai pakke'bu' antamaya ri KemaNa Batara iamintu Salum siagang yangasenna bijanna, iamintu kammaya Korah. (Salum iamintu ana'na Kore, cucunna Ebyasaf.) Riolo boe-boena todong ke'nanga anggaukangi anjo tugasaka ri wattunna allayani ke'nanga ri KemaNa Batara.

NEHEMIA 11:14

Battu ri anne golonganga nia' 128 tusannaka baranina. Pamimpinna ke'nanga iamintu Zabdiel, ana'na Gedolim.