NEHEMIA 11:1 - KITTA' MATANGKASA'

¹ Sikamma pamimping siagang ra'ya' ammantanga ri Yerusalem a'goccangi lomoro' untu' ampilei tasse're battu ri sampuloa kaluarga, musti ammantang ri kota Matangkasa' Yerusalem. Tenaya nipilei akkullei ammantang ri kota-kota maraenganga.

NEHEMIA 11:1 Iomraidhean Croise

1 PATTOTTORANG 26:13

Massing-massing pa'rappungang passibijang ia lompoa yareka ca'dia, ammeso' ngasengi lomoro' nigoccang untu' angngassengi angkanaya ri bageang pakke'bu' lompoang kereanga mae ke'nanga latugasa'.

1 PATTOTTORANG 8:28

Iaminjo kapala-kapala kaluarga siagang pamimping-pamimping niaka nicata' lalang ri pattottoranna ke'nanga. Iami ke'nanga ammantang ri kota Yerusalem.

1 PATTOTTORANG 9:1

Sikontu Tu Israelka nicataki situru' massing kaluargana ke'nanga. Anjo pattottoranga nicataki lalang ri kitta' Sikamma Karaenga ri Israel. Salaku hukkungang mae ri kota-kotana kenanga, nierammi ra'ya'na Yehuda mange ri butta pammelakkanga.

1 PATTOTTORANG 9:2

Ia uru-uru ammotereka battu ri ke'nanga mange ri butta sossoranna ke'nanga ri kota-kotaya iamintu tujaia, imang-imanga, tu Lewi siagang pajama-jamaya ri Balla'Na Batara.

1 PATTOTTORANG 9:3

Sipa'gang battu ri suku Yehuda, Benyamin, Efraim, siagang Manasye ammotereki siagang ammantangi ri Yerusalem.

NEHEMIA 10:34

Ikambe ra'yaka, imang-imanga, siagang tu Lewia, lanigoccangi taung-taung untu' appattantui angkanaya inai musti appasadia kayu tunu untu' sikamma koro'banga, lanipassareanga mae ri Karaeng Allata'alana ikambe, manuru' paratorang Hukkunga.

NEHEMIA 4:22

Lalanna anjo wattua sikontu patugasaka siagang pambantuna ke'nanga kusuroi a'bangngi ri Yerusalem. Lanri kammana, akkullemi ikambe anjagai kotaya punna bangngi nampa punna allo ambangungi temboka.

PAMMUJI 122:5

Anrinnimi sikamma karaeng turunganna Daud angngadeli ra'ya'na.

PAMMUJI 122:6

Appala' doangko untu' kasalewanganna Yerusalem angkana, “Poro salewangangi sikontu tau mangngaia ri Katte.

PANGNGEBARANG 16:33

Untu' angngassengi sarenna, ammuangi taua campalle', mingka ampattantuai kale'bakkanna, Bataraji bawang.

YESAYA 48:2

Mingka manna nakamma, lompoi pa'mai'nu ammangakui angkana ikau pandudu'nako kota matangkasaka; angkanaya ikau tanjengko mae ri Allata'alana Israel niarenga Batara Kaminang Makoasaya.

YESAYA 52:1

Ambangungko, he Yerusalem, ambangung mako! Pakajarreki pa'mai'nu! Pakei pakeang kalompoannu! He Yerusalem, kota matangkasaka, takkulleami allalo antama tau rantasaka ri pakke'bu' lomponu.

MATIUS 27:53

Assulu'mi ke'nanga battu ri jeraka ri wattunna attallasa' poleang Isa battu ri kamateanga, nampa antama' ke'nanga ri Yerusalem. Na jai tau anciniki ke'nanga anjoreng.

MATIUS 4:5

Le'baki anjo, nierammi pole Isa ri billisika mange ri Yerusalem, kota matangkasaka, nampa niboli' irate ri tompo'na Balla'Na Batara.

LAMPA-LAMPANA 1:24

Nampa appala' doang ke'nanga. Nakana ke'nanga, “O Batara, iKatte angngasseng ngasengi atinna sikontu rupataua. Tu'guru'mi Yudas battu ri empoanna salaku tunisuroTa, siagang matemi. Jari Kijo'jokang sai ikambe, kereanga ri anne tau ruaya Kipile antarimai anne jama-jamanga, ansambeangai Yudas.”

LAMPA-LAMPANA 1:26

Le'baki anjo, nilotereimi anjo ruaya areng, natu'guru' mae ri Matias. Jari niangka'mi Matias a'jari tunisuro, lasiaganga anjo sampuloa asse're tunisuroNa Allata'ala.

YOSUA 18:10

Nampa nabuang Yosua lotereia untu' angngassengi apa Napattantua Batara mae ri ke'nanga. Le'baki anjo napassareammi Yosua anjo pambageang buttaya mae ri tunggala' sukua lalang ri bansa Israel tenayapa nanggappa pambageang butta.