NEHEMIA 10:34 - KITTA' MATANGKASA'

³⁴ Ikambe ra'yaka, imang-imanga, siagang tu Lewia, lanigoccangi taung-taung untu' appattantui angkanaya inai musti appasadia kayu tunu untu' sikamma koro'banga, lanipassareanga mae ri Karaeng Allata'alana ikambe, manuru' paratorang Hukkunga.

NEHEMIA 10:34 Iomraidhean Croise

1 PATTOTTORANG 24:5

Nasaba' baji' nalalang ri turunganna Eleazar, kammayatompa lalang ri turunganna Itamar, nia' pajaba'-pajaba' Balla'Na Batara siagang pamimping-pamimping agama, jari untu' anjo pambageang tugasaka niallemi nigoccang.

1 PATTOTTORANG 24:7

Iaminne areng-arenna ke'nanga situru' susunanna pa'le'basang tugasa'na ke'nanga, ia nigappaya battu ri nigoccanna anjo ruampuloa pa'rappungang: 1. Yoyarib 13. Hupa 2. Yedaya 14. Yesebeab 3. Harim 15. Bilga 4. Seorim 16. Imer 5. Malkia 17. Hezir 6. Miyamin 18. Hapizes 7. Hakos 19. Petahya 8. Abia 20. Yehezkiel 9. Yesua 21. Yakhin 10. Sekhanya 22 Gamul 11. Elyasib 23. Delaya 12. Yakim 24. Maazya

2 PATTOTTORANG 2:3

Akkiringi Salomo kabara' kammaya anne mae ri Hiram karaeng Tirus, “Maeki' nakiassambungang a'danggang sangkamma siagang manggeku Daud. Le'bakki' a'balu' ri ia kayu camara Libanon untu' ambangungi balla' kakaraenganna.

EZRA 3:5

Pantaranganna anjo ta'atoro' tommi ke'nanga assare koro'bang nitunu siagang koro'bang ri Allo Lompo Bulang Beru, siagang ri sikontu allo lompo maraengannaya, ia nigaukanga untu' anynyomba ri Batara. Assare tommi ke'nanga pasare situlusu' pa'mai'na ke'nanga mae ri Batara.

NEHEMIA 11:1

Sikamma pamimping siagang ra'ya' ammantanga ri Yerusalem a'goccangi lomoro' untu' ampilei tasse're battu ri sampuloa kaluarga, musti ammantang ri kota Matangkasa' Yerusalem. Tenaya nipilei akkullei ammantang ri kota-kota maraenganga.

NEHEMIA 13:31

Kuatoro' tommi sollanna ri wattu-wattu attantua, akkullei napasadia ra'yaka kayu tunua untu' koro'bang nitunua siagang akkulle angngerang passare battu ri wassele' bungasa'na lamung-lamunna ke'nanga. Kala'busanna appala' doamma' angkana, “O, Allata'alaku, Kiu'rangi ngasengi anne siagang Kibarakkakia'.”

PANGNGEBARANG 18:18

Lanri nigoccanna nomoroka, akkullei nipakabaji' passisalanga, ba'lalo passisalanna tukoasaya akkulle tongi nipakabaji'.

YESAYA 40:16

Sikontu olo'-olo' ri romanna Libanon tagannakai lanipa'jari koro'bang nitunu; sike'de' duduji poko'-poko' kayuna lanipa'jari kayu tunuang.

KAIMANGNGANG 24:5

Angngalleko sampulo anrua kilo labu' kaminang baji' nampa apparekko sampulo anrua roti a'bo'dong, massing tasse'rei kilo labu' lalanna sibatua.

KAIMANGNGANG 24:6

Padongkoki anjo rotia na nupa'lonjo' rua, annang roti massing tasse're susung, irate ri meja nilapisika bulaeng ti'no', ia niaka lalang ri KemaNa Batara.

PAMMILANGNGANG 28:2

ampabattui mae ri bansa Israel angkanaya musti naparhatikangi siagang baji' ke'nanga sollanna punna narapiki allo-allo le'baka nipattantu, assarei ke'nanga koro'bang-koro'bang a'rupa kanre-kanreang ampakasannangai nyawaNa Batara.

LAMPA-LAMPANA 1:26

Le'baki anjo, nilotereimi anjo ruaya areng, natu'guru' mae ri Matias. Jari niangka'mi Matias a'jari tunisuro, lasiaganga anjo sampuloa asse're tunisuroNa Allata'ala.

YOSUA 9:27

Mingka napa'jari atami anjo ke'nanga, iamintu a'jari pabisa' kayu siagang papisang je'ne' mae ri tu Israel siagang untu' tampa' pakkoro'bangnganNa Batara. Sa'genna kamma-kamma anne tuli nagaukanna ke'nanga anjo jama-jamang kammaya ri tampa' le'baka Napile Batara a'jari tampa' ibada mae ri Ia.