NEHEMIA 10:29 - KITTA' MATANGKASA'

²⁹ Nipasse're ngasemmi kalenta siagang sikamma pamimpinna ikambe untu' assumpa lattallasa' situru' hukkunNa Allata'ala, ia le'baka Napassareang tete ri atanNa iamintu Musa. Poro nitunrai ikambe punna tanarupaia ikambe anne parjanjianga. Assumpai ikambe lamannuruki ri sikontu parentaNa, hukkunNa siagang paratoranNa Batara, Allata'alana ikambe.

NEHEMIA 10:29 Iomraidhean Croise

1 PATTOTTORANG 9:2

Ia uru-uru ammotereka battu ri ke'nanga mange ri butta sossoranna ke'nanga ri kota-kotaya iamintu tujaia, imang-imanga, tu Lewi siagang pajama-jamaya ri Balla'Na Batara.

2 PATTOTTORANG 6:16

Le'ba' tommaKi' a'janji mae ri manggeku angkanaya punna attojeng-tojengi jari-jarina mannuruki ri hukkung-hukkunTa sangkamma todong ia, ma'nassa nia' sitau battu ri anjo jari-jarina lammarenta salaku karaeng ri Israel sa'genna satunggu-tungguna. Kamma-kamma anne, o Karaeng Allata'alana Israel, poro Kirupai ngaseng tollalomi apa le'baka Kipa'janjiang mae ri anjo manggeku Daud, atanTa.

NEHEMIA 13:25

Kupakaingaki ke'nanga siagang kutunrai ke'nanga. Nia' todong kuba'ji siagang kuparuntang uu'na. Nampa kusuro ke'nanga assumpa lalang arenNa Allata'ala angkana ke'nanga siagang ana'-ana'na ke'nanga tenamo nalasicampuru' a'bunting pole.

NEHEMIA 7:46

Iaminne dattara' golongang kaluargana sikamma pajamaya ri Balla'Na Batara ri Yerusalem, ammotereka battu ri pa'rasangang pammelakkanga: Ziha, Hasufa, Tabaot, Keros, Sia, Padon, Lebana, Hagaba, Salmai, Hanan, Gidel, Gahar, Reaya, Rezin, Nekoda, Gazam, Uza, Paseah, Besai, Meunim, Nefusim, Bakbuk, Hakufa, Harhur, Bazlit, Mehida, Harsa Barkos, Sisera, Temah, Neziah, siagang Hatifa.

NEHEMIA 8:2

Nampa naerammo Ezra anjo kittaka mae ri dallekanna anjo pa'rappungang tau jaia, iamintu bura'ne, baine siagang ana'-ana' anggannakamo umuru'na untu' akkulle ampahangi.

NEHEMIA 8:3

Nampa appakaramula bari'basa' sa'genna tangngallo nabaca Ezra anjo kitta' Hukkunga mae ri ke'nanga. Na yangasenna ke'nanga mappilangngeri baji'mi.

NEHEMIA 9:38

Lanri sikamma anjo apa kajarianga, ikambe ra'ya' Israel appare' maki' parjanjiang majarreka siagang tattulisi', nampa nisare sitempele' battu ri sikamma pamimpinna ikambe, tu Lewi, siagang sitau imang battu ri kambe.

PAMMUJI 105:45

sollanna mannuruki anjo umma'Na ri hukkung-hukkunNa na napinawang parenta-parentaNa. Nipujimi Batara!

PAMMUJI 119:106

Kupa'janjianga siagang sumpa lakurupai, untu' anna'gala' ri kaputusang adeletTa.

PAMMUJI 8:1

Untu' pamimping pakelong. Situru' lagu Gitit. Pammujina Daud.

PAMMUJI 8:9

jangang-jangang siagang sikamma jukuka, sikontu apa attallasaka lalang tamparang.

YESAYA 14:1

LaNakamaseangi Batara Israel umma'Na, siagang Napilemi ke'nanga a'jari taunNa. LaNaboliki ammotere' ke'nanga ri pa'rasangang kalenna. Bansa maraenga labattu nampa asse're siagang ke'nanga.

YEREMIA 26:4

Nasuroa' Batara ampaui anne mae ri ke'nanga, “INakke, Batara, le'baki Kuparentakang mae ri kau sollanna mannurukiko mae ri Nakke siagang nupajappa hukkung-hukkung le'baka Kupassareang mae ri kau.

YEREMIA 34:15

Siapa are allo allaloa nupinrai gau'nu nampa nugaukang apa Kungaia. Situju ngasengko untu' ampakabebasaki sikamma ata julu bansanu, siagang apparekko parjanjiang siagang iNakke ri BallakKu.

YEHEZKIEL 36:27

LaKupantamaki RohKu antama' ri atinnu, siagang laKujagaiko sollannu attallasaka' situru' hukkung-hukkungKu kammayatompa nugaukang sikamma parentaKu.

KAIMANGNGANG 20:26

Kusa'lakko battu ri alla'na bansa-bansa maraenga sollannu a'jari Kupatang. Musti matangkasakko lanri iNakke Batara, na iNakke matangkasakKa'.

MALEAKHI 4:4

U'rangi sikamma pangngajaranna atangKu Musa, u'rangi sikamma hukkung siagang parenta-parenta Kupassareanga ri ia ri Moncong Sinai untu' nituruki ri sikontu umma' Israel.

PAMMILANGNGANG 5:21

poro Batara ampa'jari arennu passumpa pattunra ri alla'na bansanu. Poro Napa'jari poko' bonggannu akkapurru' siagang akkambang battannu.

YOHANES 1:17

Nitarimai HukkunNa Batara, tete ri Musa. Mingka pangngamaseang siagang pangngatutuiNa Allata'ala nipa'nyatami lalang ri Isa Almasi.

YOHANES 15:14

Ikau ngasemmi antu passari'battangangKu, punna nugaukangi apa Kuparentakanga ri kau.

YOHANES 7:19

Sai le'ba'mi napassareang Musa ri kau ngaseng sikamma Naparentakanga Allata'ala? Mingka tenanniakka ri kau ngaseng anggaukangi anjo Naparentakanga. Angngapa nanuero' ngaseng ambunoA'?”

LAMPA-LAMPANA 11:23

Na ri wattunna battu Barnabas mange anjoreng, nacini'mi antekamma bateNa Allata'ala ambarakkaki ngasengi anjo taua. Sanna'mi rannuna Barnabas. Na napakainga'mo ke'nanga sollanna jarre' tojeng-tojeng tappa'na ke'nanga ri Batara.

LAMPA-LAMPANA 17:34

Mingka nia' todong ri ke'nanga angngalle-alleangi Paulus, siagang a'jari tappa' ri Isa: nia' niareng Dionisius anggota kumpulanna Areopagus, siagang sitau baine niarenga Damaris, na siapa are pole tau maraengannaya.

LAMPA-LAMPANA 23:21

Mingka teaki' turukiangi pappala'na ke'nanga, nasaba' nia' tau la'bi patampulo accokko ero' anruppai Paulus ri aganga. Le'ba' ngasemmi ke'nanga assumpa angkanaya talangnganreai siagang talangnginungai ke'nanga punna tanabunoapi Paulus. Kamma-kamma anne sadia memammi attayang ke'nanga; kabara' pappialinta mami natayang ke'nanga.”

ROMA 12:9

Angngamaseangko siagang ci'nong pa'mai'. Musti nukabirisi gau' ja'dalaka, siagang anna'gala' jarrekko mae ri apa-apa bajika.

PAOLE 33:4

Nituruki hukkung napassareanga Musa, barang kaminang tinggia anggaranna ri bansaya anne.

PAOLE 5:1

Napasse'rei Musa sikontu bansa Israel, nampa nakana mae ri ke'nanga, “Sikamma sari'battangku ngaseng, pilangngerimi anne hukkung-hukkung kupassareanga mae ri kau ngaseng anne alloa. Pilajari baji'-baji' anjo hukkung-hukkunga, siagang tuli majarrekko anturuki.

PAOLE 5:32

Sikamma sari'battangku, turuki siagang pa'mai' tamamminra sikontu apa Naparentakanga Karaeng Allata'alanu mae ri kau ngaseng. Teako dakkai manna se're sikamma anjo parentaya.