NEHEMIA 1:7 - KITTA' MATANGKASA'

⁷ Dorakami ikambe mae ri Katte siagang nidakkaimi sikamma parentaTa. Tamannurukiai ikambe ri hukkung-hukkung le'baka Kipassareang ri kambe tete ri Musa, anjo atanTa.

NEHEMIA 1:7 Iomraidhean Croise

1 KARAENG-KARAENG 2:3

Gaukangi apa Naparentakanga Karaeng Allata'alanu mae ri kau. Turuki sikontu hukkung-hukkunNa siagang parenta-parentaNa ia tattulisika lalang Kitta' Musa, sollanna manna kemae lampanu la'wasselekko lalang sikontu usahanu.

2 PATTOTTORANG 25:4

Mingka tena nabunoi ana'na ngaseng anjo pagawe-pagawea lanri naturuki parentaNa Batara niaka lalang ri Kitta'na Musa angkanaya, “Teako hukkung matei tau toaya lanri kaja'dallang nagaukanga ana'na ke'nanga, siagang teako hukkung matei ana'-anaka lanri kaja'dallang nagaukanga tau toana ke'nanga. Tunggala' taua iapa nakkulle nihukkung mate punna lanri kaja'dallang nagaukang kalenna.”

2 PATTOTTORANG 27:2

Ningai Yotam ri Batara, sangkamma todong manggena. Iaji bawang katena nattunu dupa ri Balla'Na Batara, sangkamma nagaukanga manggena. Mingka manna nakamma, tuli a'gau' dosana ra'yaka.

EZRA 7:6

Anjo Ezra tau tinggi pangngassenganna siagang jai pangngassenna ri sesena Hukkung Napassareanga Batara, Allata'alana Israel mae ri Musa. Lanri nibarakkakinna Ezra ri Karaeng Allata'alana, jari nisareammi ri karaenga sikamma napalaka. Ri taung makatuju wattu pamarentahanna Karaeng Artahsasta, a'lampami Ezra battu ri Babel mange ri Yerusalem siagang se're rombongang tu Israel; siapa are imang, tu Lewi, pakelong, pajaga pakke'bu' lompona Balla'Na Batara ri Yerusalem, siagang sikamma pajama-jamaya.

PAMMUJI 106:6

Dorakami ikambe sangkamma boe-boena ikambe; a'gau' ja'dala'mi siagang dorakami ikambe.

PAMMUJI 89:31

Mingka punna nadakkai turunganna hukkungKu, natena nattallasa' situru' parentaKu,

PAMMUJI 89:32

punna tena najampangi apa le'baka Kupattantu siagang nabalang parekang paratorangKu,

YESAYA 1:4

Cilakako kau bansa dorakaya, tau panraka siagang ja'dalaka! Ta'loposo' ngaseng mako lanri dosa-dosanu. Nutollaki Batara siagang nubokoi Allata'ala Kaminang Matangkasaka, siratanga musti nusomba.

DANIEL 9:11

Sikontu tu Israel nadakkaimi hukkung-hukkunTa siagang taerokami ampilangngeri kananTa. Dorakami ikambe mae ri Katte. Lanri kammanami anjo naKipabattu mae ri kambe pangngalarroinTa, ia niaka tattulisi' lalang ri kitta'na Musa, atanTa.

DANIEL 9:13

Sikontu anjo bala niaka tattulisi' lalang ri Hukkung napabattua Musa le'ba'mi Kipitujui ikambe. Mingka manna nakamma mamo, o Karaeng Allata'alana ikambe, tuli teana ija ikambe ampakasannangi atinTa. Tuli tenana naero' ikambe ambokoi dosa-dosana ikambe siagang taerokai ikambe amparhatikangi ajarang-ajaranTa.

HOSEA 9:9

Teai sipato' ja'dala'na panggaukannu sangkamma le'baka nagaukang taua ri Gibea. LaNau'rangi Allata'ala kasalannu, siagang Nahukkungko lanri dosanu.

KAIMANGNGANG 27:34

Iaminjo parenta-parenta Napassareanga Batara irate ri Moncong Sinai mae ri Musa untu' bansa Israel.

ZEFANYA 3:7

Kupikkiriki angkanaya, ‘Kamma-kamma anne tantu napakalompoMa' ummakKu siagang naparhatikammi sikamma pappakaingakKu. Tantu nau'rangi ke'nanga pangngajarang le'baka Kupassareang mae ri ke'nanga.’ Mingka a'nyatami angkanaya la'bi katambammi panggaukang ja'dala'na ke'nanga na rioloangannaya.

MALEAKHI 4:4

U'rangi sikamma pangngajaranna atangKu Musa, u'rangi sikamma hukkung siagang parenta-parenta Kupassareanga ri ia ri Moncong Sinai untu' nituruki ri sikontu umma' Israel.

PAOLE 4:1

Nampa nakana Musa mae ri anjo bansaya, “Turuki sikontu hukkung kupangngajarranga mae ri kau ngaseng, sollannu attallasa' sa'genna nupammantangngi anjo butta laNapassareanga Batara, Allata'alana boe-boenu, mae ri kau.

PAOLE 4:5

Sikontu anjo hukkunga kupangngajarrangi mae ri kau situru' Naparentakanga Karaeng Allata'alaku. Turuki ngasengi sikammaya anjo ri pa'rasangang lanupantamakkia siagang lanupammantangngia.

PAOLE 5:1

Napasse'rei Musa sikontu bansa Israel, nampa nakana mae ri ke'nanga, “Sikamma sari'battangku ngaseng, pilangngerimi anne hukkung-hukkung kupassareanga mae ri kau ngaseng anne alloa. Pilajari baji'-baji' anjo hukkung-hukkunga, siagang tuli majarrekko anturuki.

PAOLE 6:1

“Nasuroa' Karaeng Allata'alanu ampangngajarrangi sikontu anne hukkunga mae ri kau ngaseng, sollanna nugaukangi sallang ri pa'rasangang tenayamo nasallo nanupammantangngi.

PAPPICINI' 19:2

Adeleki siagang annabai pangngadelanNa! Napabattumi hukkunganNa mae ri pasundala' lompoa, ampanrakiai linoa siagang gau' bawanna. Le'ba'mi Nahukkung Allata'ala anjo pasundalaka, lanri nabunona sikamma ata-atanNa Allata'ala.”