NEHEMIA 1:6 - KITTA' MATANGKASA'

⁶ Kicinikima' o Batara, siagang Kipilangngeri anne pappala' doang kupanaika ri Katte allo bangngi untu' umma' Israel, anjo atanTa ngaseng. Kumangakui angkana ikambe, umma' Israel, dorakami. Inakke siagang boe-boeku doraka tonga'.

NEHEMIA 1:6 Iomraidhean Croise

1 KARAENG-KARAENG 8:47

poro Kipilangngeri pappala' doanna ke'nanga. Punna anjoreng ri pa'rasanganga nabokoi dosa-dosana ke'nanga, nappala' doang mae ri Katte namangaku angkana dorakami siagang a'gau' ja'dala'mi ke'nanga, Kipilangngerimi pappala' doanna ke'nanga, o Batara.

2 PATTOTTORANG 28:10

Na kamma-kamma anne eroki nupa'jari atannu anjo tu Yerusalem siagang tu Yehuda. Tenaka nuassengi angkanaya ikau doraka ngaseng tommako mae ri Karaeng Allata'alanu?

2 PATTOTTORANG 29:6

Boe-boeta tena namajarre' tappa'na mae ri Karaeng Allata'alata siagang nagaukangi ke'nanga apa tenaya Nangai Karaeng Allata'ala. Tena najampangi Karaeng Allata'ala siagang pammantanganNa.

2 PATTOTTORANG 6:40

Kamma-kamma anne, o Allata'alaku, poro Kiparhatikang laloi ikambe siagang Kipilangngeri laloi sikamma pappala' doang nipabattua mae ri Katte battu ri anne tampaka.

EZRA 10:1

Lalang appala' doanna Ezra siagang angngarru' appala' popporo' ri dallekanna Balla'Na Batara, sanna' jaina tu Israel battu a'rappungang, bura'ne, baine, siagang ana'-ana'. Nakulilingi ke'nanga anjo Ezra nampa angngarru' lompo ngaseng.

EZRA 10:11

Lanri kammana, akuimi sikamma dosanu ri Allata'ala, ia nasombaya boe-boeta, nampa nugaukang apa appakasannanga ri pa'mai'Na. Pakabellai kalennu battu ri bansa maraeng niaka ammantang ri pa'rasanganta siagang bongkai anjo sikamma bainennu battua ri bansa maraenga.”

NEHEMIA 1:11

Kipilangngeri laloi anne pappala' doangku siagang pappala' doanna atanTa maraenga, eroka ampakala'birikKi'. Kipabattumi pannulunTa sollanna anne alloa akkullei anne atanTa anggappa pangngamaseang battu ri karaenga.” Anjo wattua inakke pangngurusu' inunganna karaenga.

PAMMUJI 102:17

punna nabangung Batara ammotere' Sion, na maju lalang ri kalompoanNa.

PAMMUJI 106:6

Dorakami ikambe sangkamma boe-boena ikambe; a'gau' ja'dala'mi siagang dorakami ikambe.

PAMMUJI 130:2

O, Batara, Kipilangngeri pakkiokku, Kiparhatikangi pappalakku.

PAMMUJI 32:5

Nampa kumangakuimo dosaku mae ri Katte, tenamo kasalangku kucokkoi. Kutappukimi ri pa'maikku untu' angngakui mae ri Katte, na Kipammopporang ngasemmo sikontu dosaku.

PAMMUJI 34:15

Pakabellai kalennu battu ri ja'dalaka, gaukangi bajika, usahakangi passiamakkanga sipikulle-kullenu.

PAMMUJI 55:17

Mingka akkioka' mae ri Allata'ala, Batara lampasalamakka'.

PAMMUJI 88:1

Kelong. Pammujina golongan Korah. Untu' pamimping pakelong. Situru' lagu: Mahalat Leanot. Kelong pangngajara' battu ri Heman, tu Ezrahi.

YESAYA 6:5

Nampa kukanamo, “Bala! Tenamo panrannuangku inakke, lanri ra'masa'na bawaku napakamma dosa, na kuammantang ri tangngana bansa kammaya todong cilakana. Mingka manna nakamma, mata kalengku anciniki Karaenga, iamintu Batara Kaminang Makoasaya!”

PIRAUNG 5:7

Dorakai boe-boena ikambe, anne kamma tenami ke'nanga; mingka musti ballasaki ikambe lanri dosa-dosana ke'nanga.

DANIEL 9:15

O Batara, Allata'alana ikambe, iKatte le'ba' ampa'nyatai kakoasanTa. Iamintu Kieranna ummatTa assulu' battu ri Mesir, siagang anjo kakoasanTa tuli niu'ranginna. Dorakami ikambe siagang nagaukammi ikambe kasalanga.

DANIEL 9:20

Tulusu' appala' doamma' siagang kuanimi dosaku kammayatompa dosana bansaku Israel. Appala' doang tonga' mae ri Karaeng Allata'alaku sollanna Napakabaji' ammotere' balla' matangkasa'Na.

DANIEL 9:4

Sikontu dosana bansaku kuakui mae ri Karaeng Allata'alaku. Kukana, “O Karaeng Allata'ala, iKatte malompo, na ikambe mappakalompo ri Katte. Tuli Kirupai janjinTa siagang Kipa'nyatai pangngamaseang tamattapputTa mae ri ke'nanga mangngamaseanga ri Katte siagang anggaukangai apa Kiparentakanga.

DANIEL 9:5

Dorakami ikambe, a'gau' ja'dala'mi ikambe, siagang nagaukammi ikambe kasalanga. Pabali-balimi ikambe siagang nadakkai ikambe parentaTa, kammayatompa ammengkai ikambe battu ri paratorang-paratoranTa.

DANIEL 9:8

Sikamma karaenna ikambe, pamimpinna ikambe siagang boe-boena ikambe, nagaukammi apa-apa appakasirika siagang dorakami mae ri Katte, o Batara.

LUKAS 18:7

Jari, maka tena naNasarei Allata'ala ammeta lalang ri kara-karana umma'Na, punna allo bangngi appala' tulung umma'Na?

LUKAS 2:37

na'jari jandamo Hana. Kamma-kamma anne sagantujupulomi angngapa' taung umuru'na. Tena le'bakai nabokoi Balla'Na Batara. Allo bangngi mange ri Balla'Na Batara appala' doang ri Allata'ala siagang appuasa.

EFESUS 2:3

Riolo sangkamma ngaseng tongki' anjo ke'nanga; amminawang turukki' mae ri sipa'-sipa' rupatauta, siagang iaji nigaukang apa akkullea ampakasannangi tubuta siagang pikkirang ja'dalatta. Anjo wattua nataba tongki' pangngalarroiNa Allata'ala, sangkamma tau maraenga.

1 TIMOTIUS 5:5

Ia janda-janda akkale-kalea tojemmo, natena tojemmo tau akkulle amparakai, parallui manrannuang mae ri Allata'ala bawang. Allo bangngi tuli appala' doang untu' appala' tulung mae ri Allata'ala.

2 TIMOTIUS 1:3

Appala' sukkurukka' mae ri Allata'ala Ia kulayania situlusu'na ati mailalangku, sangkammaya nagaukanga boeku riolo. Punna kuu'rangiko lalang ri pappala' doangangku allo bangngi tuli appala' sukkurukka' mae ri Allata'ala.

1 YOHANES 1:9

Mingka punna nimangakui dosa-dosata mae ri Allata'ala, laNarupaimi janjinNa siagang laNagaukammi apa-apa adeleka mae ri katte. LaNapammopporangi dosa-dosata siagang laNatangkasiki' battu ri sikontu kaja'dallanga.

1 SAMUEL 15:11

“Assesse'lalangA' angngangkakko a'jari karaeng, nasaba' a'bokoko battu ri Nakke, siagang tena nugaukangi apa Kuparentakanga.” Si'nami nyawana Samuel, siagang sila'busu' bangngimi akkunrareng mae ri Batara.