NEHEMIA 1:3 - KITTA' MATANGKASA'

³ Nacaritami ke'nanga angkana sikamma anjo tau le'baka nipela' ammotere'mi mange ri anjo pa'rasanganga. Mingka kamma-kamma anne teai sipato' sessana katallassanna, siagang sangnging nihinai ri sikamma bansa maraeng niaka a'reppese'. Nampa pole sikamma tembo' kalli'na Yerusalem ancuru' iji tassimbung-simbung, kammayatompa sikamma pakke'bu' lompona tenapa nale'ba' nipakabaji' baku' le'ba'na nitunu ri wattu allaloa.

NEHEMIA 1:3 Iomraidhean Croise

1 KARAENG-KARAENG 9:7

laKubongkai ummakKu Israel battu ri pa'rasangang le'baka Kupassareang mae ri ke'nanga. LaKubokoi tongi anne balla' le'baka Kupattantu untu' a'jari tampa' passambayangannu mae ri Nakke. Kemae-kemae bansa Israel lanihina siagang lanikakkali.

2 KARAENG-KARAENG 25:10

Nampa sikontu ana' buana naruntungi tembo'-tembo' kotaya.

2 PATTOTTORANG 36:19

Naruntungi tembo' kotana Yerusalem, kammayatompa Balla'Na Batara siagang sikontu balla' karaenga natunui siagang barang-barang lompoa anggaranna niaka ija lalang ri anjo sikamma balla' karaenga.

EZRA 2:1

Jai anjo tunipelaka a'lampa ambokoi daera Babel nampa ammotere' mange ri Yerusalem siagang Yehuda, massing-massing mange ri kota kalenna ke'nanga. Appakaramula ri wattunna nierang ke'nanga ri Karaeng Nebukadnezar nammantang ke'nanga ri pa'rasangang pammelakkanga ri Babel.

EZRA 5:8

Poro kiassengi karaeng, angkanaya le'baki ikambe a'lampa mange ri propinsi Yehuda. Nampa nacini' ikambe angkanaya anjo Balla'Na Batara, Allata'ala malompoa ri Yerusalem, kamma-kamma anne nibangungi ammotere'. Batu-batu lompo nipake ambangungi nampa nilapisi kayu sikamma tembo'-tembo'na. Sanna' tutuna batena nigaukang anjo jamanga, siagang bajiki jappana.

NEHEMIA 11:3

Ri kota-kota maraenga, ra'ya' Israel, sikamma imanga, tu Lewi, sikamma pajama Balla'Na Batara ri Yerusalem siagang sikamma turungang palayang ri Salomo, ammantangi ri tampa'na ke'nanga ri kota-kotana ke'nanga.

NEHEMIA 2:13

Bangngi iji nanabokoi ikambe anjo kotaya, ammalo ri Pakke'bu' Lompo Ka'bung, ri bageang ilau'. A'lampa timboroki ikambe, mange ri Pakke'bu' Lompo Pa'loroang, ammalo ri Timbuseng Je'ne' Naga. Lalang a'jappana ikambe kuparessami sikamma kapanrakanna tembo' kalli'na kotaya. Kammayatompa kucini' tommi sikamma pakke'bu' lompo le'baka nakanre pepe'.

NEHEMIA 2:17

Mingka kale'bakkanna kukanamo ri ke'nanga, “Cini' minne antekamma sessana tallasatta! Kota Yerusalem ammantang mami sesa-sesa rumbangngang kammayatompa sikamma pakke'bu' lompona la'busu'mi nakanre pepe'. Umba nanibangungi ammotere' sikamma tembo' kalli'na kota Yerusalem, sollanna tenamo nanahinaki' taua.”

NEHEMIA 2:3

kunampa appiali angkana, “Poro la'bui umurutta satunggu-tungguna karaeng! Antekamma talasusa atanta, punna kota pa'jerakkanna boe-boena atanta kamma-kamma anne sesa-sesa rumbangngang mami; pakke'bu' lompona ancuru'mi nakanre pepe'.”

NEHEMIA 7:6

Jai battu ri sikamma tau nipelaka ambokoi propinsi Babel nampa ammotere' mange ri Yerusalem siagang Yehuda, massing-massing ri kotana ke'nanga. Sallomi ke'nanga attallasa' lalang ri pa'rasangang pammelakkanga ri Babel, iamintu baku' nieranna ke'nanga mange anjoreng ri Karaeng Nebukadnezar.

ESTER 1:1

Ri Susan, ibukotana Pa'rasangang Persia, nia' se're karaeng ammarenta, niarenga Ahasyweros. Pa'rasangang naparentaya nia' 127 daera propinsi, appakkaramula battu ri daera India sa'genna mae ri daera Sudan.

PAMMUJI 79:4

Nicau-caumi ikambe ri bansa-bansa siampi'na ikambe, nakakkalimi siagang nacau-caumi ikambe.

PANGNGEBARANG 25:28

Tau tenaya nakkulle nalewai kalenna sanrapangi kota runrunga tembo' pattahanganna.

YESAYA 43:28

imang-imannu narantassi ballakKu. Jari Kupassareammi nihina Israel, Kubalang parekangi turunganna Yakub nitumpasa'.”

YESAYA 5:5

Kammaminne laKugaukang ri anjo koko anggorokKu: LaKubi'buki kalli'na angkulilingiai, laKurumbangi tembo' niaka angkalliki, nampa Kubalang parekang napanraki olo'-olo' sekke' siagang naonjo'-onjokang.

YEREMIA 24:9

LaKupa'jari cilakai ke'nanga sa'genna sikontu bansaya ri sikontu linoa a'jari malla' ngasengi. Kemae-kemae ke'nanga Kupasiara', lanicau-caui ke'nanga, dipa'jari kakkallang siagang nicalla-calla. Arenna ke'nanga lanipakei a'jari pattunra.

YEREMIA 29:18

LaKuondang tojengi ke'nanga siagang pa'bundukang, kacipurang, siagang garring sa'genna sikontu bansaya ri sikontu linoa la'jari mallaki anciniki ke'nanga. Kemae-kemae Kupasisa'la'-sa'la' ke'nanga, anjorengi lamalla' siagang lannekkere' taua anciniki apa kajarianga mae ri ke'nanga. Lanicau-caui ke'nanga, siagang arenna ke'nanga lanipakei a'jari kana pattunra.

YEREMIA 39:8

Lalang kammana anjo tu Babel natunumi balla' karaenga sikamma balla'na ngaseng ra'yaka, kammayatompa naruntungi tembo'-tembo' kalli'na Yerusalem.

YEREMIA 42:18

Sangkamma iNakke, Karaeng Allata'alana Israel Kutumpai kalarroangKu siagang kalussakkangKu mae ri pandudu'na Yerusalem, kamma tomminjo laKutumpai kalussakkangKu mae ri kau ngaseng a'lampaya mange ri Mesir. Lamallaki taua ancinikko; lanihinako, siagang lanipakei arennu a'jari kana pattunra. Tenamo nalanucini' pole butta passolongang cera'nu.”

YEREMIA 5:10

LaKusuroi musua ampanraki koko anggoro'na ke'nanga, mingka tena napanraki taba sikali. LaKusuroi anjo musua ambattasaki tangke-tangke anggoro'na ke'nanga, nasaba' anjo tangke-tangkea teai iNakke ampatangi.

YEREMIA 52:14

Nampa sikontu ana' buana naruntungi tembo'-tembo'na anjo kotaya.

PIRAUNG 1:7

Le'ba'namo runtung na nakasia' pa'risika, nau'rangi Yerusalem rewasa' le'ba' lalona, ri wattu jaina barang-baranna; antekamma batena tu'guru' mae ri kakoasanna musunna, na tena manna sitau ero' battu antulungi. Ammakkala' mami musu-musunna anciniki katu'guranna.

PIRAUNG 2:9

Sikamma pakke'bu' lompona nitambungi kabusu'mi ri butta, sikontu panjolina tepo' kabusu'mi; karaenga siagang pagawe-pagawe pamarentaya nia'mi ri pammelakkanga. Tenamo nanipangngajarrangi HukkunNa Batara; na'bia tena tommo nannarima pangngunju' battu ri Batara.

PIRAUNG 3:61

IKatte, Batara, Kilangngereki antekamma bateku nihina; Kiasseng ngasengi rancanana ke'nanga.

PIRAUNG 5:1

Kiu'rangi laloi, o Batara apa kajarianga mae ri kambe. Kiciniki laloi anne ikambe, Kiciniki antekamma tunanamo ikambe.

KAIMANGNGANG 26:31

naKuancuru' kota-kotanu, tampa'-tampa' panynyombannu, siagang tena naKutarimai sikamma koro'bannu.

KAIMANGNGANG 26:33

Lappa'niakKa' pa'bundukang ri pa'rasangannu siagang laKupasimbung-simbungko mae ri pa'rasanganna bansa maraenga. Lammantangi ta'ronang sikamma kokonnu siagang laKulappassangi a'jari loro kota-kotanu.