NAHUM 3:6 - KITTA' MATANGKASA'

⁶ Kupare' kammako apa-apa appakaringi'-ringika, Kusambilako apa-apa ra'masa'; Kuparekko paccini'-cinikang.

NAHUM 3:6 Iomraidhean Croise

AYUB 30:19

Nipatappasakka' antama' ri peoka, a'jari sanrapang mama' loro!

AYUB 30:8

Tena arenna ke'nanga siagang tena anggaranna, tau nibongkayamo battu ri pa'rasanganna.

AYUB 9:31

Natallangnganga' Allata'ala lalang ri ra'masaka, sa'genna manna pakeangku nakana ngaseng appakaringi'-ringika'.

YEREMIA 51:37

Anne pa'rasanganga la'jari pannambungang loroi, tampa' paccokkoanna kongkong romanga. Mallaki nasa'ring taua anciniki, siagang manna sitau tania' ero' ammantang anjoreng.

PIRAUNG 3:16

Napakesoki rupangku ri buttaya Napatunrungi gigingku ri batua sa'genna tepo'.

YEHEZKIEL 16:37

Lanri kammana anjo, sikontu tanrinnu laKupasse'rei, baji' nanungaia kammayatompa tenaya nungai. Lammentengi ke'nanga antammuliliko siagang lanapasulu' ngasengi ke'nanga care-carenu, sa'genna akkulle ke'nanga anciniki kalennu assolara'.

NAHUM 1:14

Iaminne kaputusanNa Batara ri passala'na bansa Asyur, angkana, “Tenamo turunganna ke'nanga untu' ampannarrusuki jari-jarina bansana. Patung-patung barhala niaka lalang ri balla' rewata-rewatana laKuancuruki. Kupasadiami jera'na bansa Asyur nasaba' tenamo nasiratang ke'nanga attallasa'!”

HABAKUK 2:16

Kamma-kamma anne narapi'mi wattunnu untu' nipakasiri', siagang tena nanipakalompoko. Kalompoannu lanipinrai a'jari katunang. LaNapassako Batara angnginung battu ri cangkiri' niboneia ri hukkungang untu' kalennu. Lanuinungi nampa ta'royong-royongko.

ZEFANYA 2:15

Iaminjo lakajarianga mae ri anjo kota ma'reja-rejaya siagang nakanaya kalenna amang siagang sannang. Pandudu'na nakapangi angkanaya anjo kotana ke'nanga kaminang lompo ri linoa. Teai sipato' sinona anjo daeraya, tena sikali bonena pantaranganna olo'-olo' ri romang a'ru'munga anjoreng! Sikamma tau niaka allalo anjoreng ri kotaya la'jari ta'bangka kabusuki siagang la'jari mallaki nakasia'.

MALEAKHI 2:2

Pakalompoa' lalang panggaukannu. Punna taerokako ampilangngeri kanangKu, laKutunraiko. Sikontu apa nutarimaya salaku dalle' latappinrai a'jari pattunra. Sikontutojenna, sikontu anjo apa bajika le'ba'mi Kutunrai, lanri tena nujampangi parenta-parentaKu.

MALEAKHI 2:3

LaKuhukkungi ana'-ana'nu, siagang laKusapui rupannu siagang tai olo'-olo' nukoro'bangkanga, nampa lanire'resangko mange ri pa'gompoanna tai oloka.

MALEAKHI 2:9

Na iNakke lampa'jari natunaiko umma' Israel lanri tenana numannuruki ri erokKu, kammayatompa lanri nupasimmara'-maraenna taua ri wattunna nuajara' ummakKu.”

1 KORINTUS 4:13

punna nabicara kodiki' taua, nibalasa'mi siagang kana-kana baji'. Sanrapang bajikangang mami loro-lorona anne linoa na ikambe; sa'genna kamma-kamma anne nipasanrapang mamaki' ra'masa'na anne linoa.

1 KORINTUS 4:9

Nasaba' turu' panggappaku, ikambe tunisuroNa Allata'ala, le'ba' maki' Napare' paccini'-cinikang Allata'ala ri dallekanna rupataua siagang malaekaka. Ikambe sangkamma maki' tau tuna le'baka nihukkung mate ri dallekanna tau jaia siagang nigora-gorai ri bonena linoa.

IBRANI 10:33

Nia' wattunna nunihina siagang nigau' takamma-kamma ri dallekanna tau jaia. Nia' todong wattunna numminawang todong ampisa'ringi sessana tau nigau' kammaya.

YUDAS 1:7

U'rangi tongi kota Sodom siagang Gomora kammayatompa kota-kota niaka ri ampi'na, appanggaukang kammaya todong anjo sikamma malaekaka tuma'buttana. Nagaukangi ke'nanga nikanaya gau' bawang siagang gau' bambalaka; sa'genna nisessa ke'nanga siagang pepe' a'rinraya satunggu-tungguna, untu' a'jari pappakainga' mae ri sikontu rupataua.