NAHUM 3:3 - KITTA' MATANGKASA'

³ Pasukang a'jaranga lompo sumanga'na maju a'bundu', pa'dang accaya siagang poke accilla'. Tau matea takkulleami nibilang, attambung-tambung maya'na ke'nanga, sa'genna nato'ro sikamma tau a'jappaya.

NAHUM 3:3 Iomraidhean Croise

PA'JARIANG 3:24

Nampa irayanganna anjo kokoa, ri dallekanna pakke'bu antamaya, nia'mo sipa'rappungang malaeka' pajaga, siagang nia'mo se're pa'dang a'rinraya pepe'na, amminroa ri kere-keremae, anjagai agang mangea ri anjo poko' assarea katallassang. Jari tenamo manna sitau akkulle antama' siagang a'reppese' anjoreng ri anjo pokoka.

2 KARAENG-KARAENG 19:35

Ia memang anjo bangngia nabattumo Malaeka'Na Batara ri pakkemaanna tu Asyur siagang nabuno tantarana nia' 185.000 jaina. Ammukona bari'basa' tassimbungi mange-mange maya'na ke'nanga.

YESAYA 34:3

Sikamma maya'na ke'nanga tena nalanitarawang, mingka nibalang parekangi sa'genna a'jari a'rasa siagang a'jari botto'. Sikamma monconga la'jari ejai lanri attalaka cera'na.

YESAYA 37:36

Anjo bangngia battumi malaeka'Na Batara ri kemana tu Asyur na nabuno 185.000 jaina tantarana. Ammukona bari'basa' tassia'-siara'mi anjo maya'na ke'nanga.

YESAYA 66:16

Saba' sikontu tau nigappaya nia' salana lanihukkungi siagang pepe' na pa'dang, siagang jaimi nihukkung mate.

YEHEZKIEL 39:4

Irate ri daera moncong-monconna Israel, lamate Gog siagang sikontu tantarana kammayatompa sikontu naaganga sita'gala'; nampa maya'-maya'na ke'nanga laKupassareangi mae ri jangang-janganga siagang olo'-olo' sekkeka untu' nakanre.

KAIMANGNGANG 26:37

Lalariko siagang lasilappo-lappoko para ikau, manna natenaja tau angngondangko. Na tena nukkulle angngewai musu-musunnu.

NAHUM 2:4

Ri aganga, lacciriki maju kareta-karetaya. Siondang-ondangi ke'nanga ri paranga. Kontui nicini' sulo a'rinra-rinraya, a'gassingang lari rapang kila'.

HABAKUK 3:11

Cayana panaTa ta'buccu' sarring, pokeTa accilla'-cilla' nicini', nammarimo alloa siagang bulanga ri tampa'na.