NAHUM 2:12 - KITTA' MATANGKASA'

¹² Riolo anjoreng singaya najakkala' apa lanakanrea, nampa nabage-bage dagenna mae ri singa ganaya siagang ana'na. Napirassi leanna siagang toppa'-toppa' dageng wassele' nagappaya naondang.

NAHUM 2:12 Iomraidhean Croise

2 SAMUEL 17:8

Tantu kiassengi karaeng angkanaya anjo Daud siagang ana' buana sangnging pajuang barani. Pallaki ke'nanga rapang beruang tappelaka ana'na. Nampa pole anjo Daud iami tantara jai pangalamanna, tenaya nale'ba' sipa'bangngiang siagang ana' buana.

PAMMUJI 17:12

Sanrapangi singa ke'nanga eroka angkokkoki musunna singa rungka angngadanga ri tampa' taccokkoa.

YEREMIA 51:34

Yerusalem niancuruki siagang nikanrei sa'genna la'busu' ri karaeng Babel; nakosongi anjo kotaya rapang botolo' nakosongi. Rapang sikayu olo'-olo' sannaka lompona angnga'luki Yerusalem siagang napantama ri battanna sikontu apa bajika battu ri anjo kotaya, nampa napela' la'binna.

NAHUM 2:11

Kemae anjo kotaya kamma-kamma anne? Kota sanrapanga leang pammantangngang singa a'ru'mung? Tampa'na nisare kanre ana'-ana' singaya, tampa' natujua singa lakia siagang singa ganaya tampa' amanga untu' ana'-ana'na?

NAHUM 2:13

Nakana Batara Kaminang Tinggia, “INakke anne musunnu. LaKutunui kareta-karetanu sa'genna cappu'. Lamatei tantaranu lalang ri pa'bundukanga, siagang laKuallei battu ri kau sikontu apa le'baka nualle battu ri tau maraenga. Sikamma apa natuntuka tunisuronu tenamo lanilangngere'.”

PAMMILANGNGANG 23:24

Ambangungi anjo bansaya rapang singa gana, nampa ammenteng kassa' rapang singa laki. Tanra'bayai punna tenapa nakanrei musunna siagang tanainunga cera'na koro'bang le'baka nakokko'.”