NAHUM 2:10 - KITTA' MATANGKASA'

¹⁰ Ancuru'mi Niniwe, sinomi na kalotoro'. La'bai pa'maika napakamma malla'. A'jari lammami siagang annekkereki kulantuka. A'jari pi'lasa' kabusuki rupanna taua.

NAHUM 2:10 Iomraidhean Croise

PA'JARIANG 1:2

tenapa panrala'na buttaya, siagang tenapa apa-apa silolongang. Sikontu apa-apaya nitongkoki ri tamparang luara' siagang lompoa bombanna, naniaki sassang makkapuka. Mingka niaki koasa malompoNa Allata'ala a'gio' irate ri tompo'na je'neka.

PAMMUJI 22:14

Tassungkei bawana ke'nanga andallekanga', sanrapang singa ammarrunga sa'ranna ero' angngokko'.

YESAYA 14:23

LaKupa'jari kollangi Babel, napammantangngi kokoci'. LaKubarrasaki Babel sa'genna tangkasa'. INakke, Batara Kaminang Makoasaya anne a'bicara.”

YESAYA 21:3

Linguma' kugappana anjo paccinika, sa'genna takkulleama' accini' siagang allangngere'. Malla'ma' siagang pa'risi'mi kusa'ring, rapang baine lamanaka.

YESAYA 24:1

LaNapanraki Batara linoa, sa'genna a'jari kalotoro' siagang sino. LaNabulintaki bageang ratena nampa napasimbung-simbung sikamma pandudu'na.

YEREMIA 30:6

Coba sai pikkiri' siagang salidiki! Maka akkullei tu bura'nea allassukang ana' lolo? Punna kamma, angngapa Kucini' tunggala' bura'nea pi'lasa' tanja'na anjallakkangi battanna siagang limanna rapang baine eroka ammana'?

YEREMIA 49:23

Iaminne kananNa Batara ri sesena Damsyik. “Pandudu'na kota Hamat siagang Arpad ranggaselai siagang lussaki lanri allangngereki kabara' kodi. Lussaki siagang ta'ronang-ronangi atinna ke'nanga rapang bombang ri tamparanga.

YEREMIA 51:62

Punna le'baki anjo, appala' doang mako kamma anne, ‘O Batara, le'baki Kipau angkanaya anne kotaya laKiancuruki sa'genna sikamma rupataua kammayatompa olo'-oloka lalanynya' taba sikali, siagang anne tampaka la'jari sangkammai parang lompo satunggu-tungguna.’

YEREMIA 8:21

Ancuruki pa'maikku lanri garring lompoi bansaku; susama' nakulussa'.

YEHEZKIEL 21:7

Punna akkuta'nang ke'nanga angkana angngapa nukkunrareng, paumi angkanaya si'nai pa'mai'nu lanri kabara' laniaka battu. Anjo kabaraka lanapannekkereki nyawana ke'nanga, lammai limanna ke'nanga, annekkereki kulantu'na siagang tappelaki sumanga'na. Tojeng, narapi'mi wattunna, na kabusu'na anjo lakajariang ngasemmi. INakke, Batara Kaminang Tinggia anne akkana.”

YEHEZKIEL 31:15

Kammami anne kananNa Batara Kaminang Tinggia, “Punna naung anjo poko' kayua ri linona tau matea, laKusuroi je'ne' rawa buttaya angngammei salaku pammatei kasusaang. LaKutahangi passolonna je'ne' binangaya siagang laKujempangi sikamma pangka binangaya. Lanri matemi anjo poko' kayua, lappabattuMa' sassang mae ri sikamma Moncong Libanon siagang Kupa'jari kalumeng kabusuki poko'-poko' kayua ri romanga.

DANIEL 5:6

A'jari pi'lasa'mi rupanna siagang lanri malla'na nannekkere'mo kulantu'na.

YO"EL 2:6

Ri wattu a'bakkana ke'nanga, annekkere' kabusuki taua, sikontu tanjaka pi'lasa' ngaseng kontu tenaya cera'na.

NAHUM 2:2

Tojeng, laNapoterangi Batara kalompoanna tu Israel, sollanna a'jari sangkamma riolo, ri tenanapa niellaki ri musu-musunna.)

NAHUM 3:7

Napakabellai kalenna taua punna nacinikko na nakana, ‘Loro mami ammantang Niniwe! Inai todong angngagangi susa? Tena niakka ero' assarei panynyaleori.’ ”

ZEFANYA 3:6

Nakana Batara, “Jaimi bansa le'ba' Kupa'lanynya'; Kuancuruki kota-kotana ke'nanga, siagang tembo'-tembo'na kammayatompa menara-menarana ke'nanga Kupa'jari loro-loroi. Kota-kotana ke'nanga a'jari sinoi tena bonena siagang agang-aganga sino kabusuki.

YOSUA 2:11

Nalangngere'na ikambe anjo carita-carita kammaya, a'jari malla' sikalimi ikambe. Sikontu taua tappela' ngasemmi kabaranianna lanri ikau ngaseng. Karaeng Allata'alanu ma'nassa Ia tojeng Allata'ala Kaminang Makoasaya ri langika siagang ri buttaya.

YOSUA 7:5

Niondangi ke'nanga ri tu Ai battu ri pakke'bu' lompona kota Ai sa'genna mange ri daera pangngekeang bassia, nampa nabuno kira-kira nia' tallumpulo angngannang tau battu ri ke'nanga ri pungku'na buluka. Na'jari lussa'mo siagang malla'mi tu Israel.