NAHUM 1:8 - KITTA' MATANGKASA'

⁸ Kontui a'ba lompoa battu Naancuruki musu-musunNa. Ia barania angngewai Nalappassangi kamateang sa'genna ancuru'.

NAHUM 1:8 Iomraidhean Croise

AYUB 30:15

Nikalimbukima' ri bala lompo; rapang anging mammiri', allalomi anggaranna kalengku; rapang rammang allalo, tappela'mi mate'neku.

AYUB 40:11

Ciniki ke'nanga tau tinggi pa'maika; pa'betteseki larronu siagang pakatunai ke'nanga.

YESAYA 13:10

Tunggala' bintoenga siagang pa'rappungang bintoenga lammari accaya; lasassangi mataalloa ri wattunna ammumba, siagang tenamo nalaccaya bulanga.

YESAYA 13:9

Labattui allonNa Batara, siagang anjo alloa laNapa'betteseki kalarroang lompoNa. La'jari parang kalotoroki buttaya, siagang tunggala' tau dorakaya lapanraki.

YESAYA 28:17

Kaadelanga laKupa'jari pa'baku', siagang kalambusanga Kupa'jari pangngukkuru'.” Bosi batua lambarrasaki sa'genna tangkasa' sikamma balle-balle nupattoanga. A'baya langnganyukkangi tampa' paccokkoannu.

YESAYA 28:18

Parjanjiannu siagang kamateanga kammayatompa passitujuannu siagang lino tau matea lanipassala-salangi; sa'genna punna battu balaya, laancurukko nionjo'-onjokang.

YESAYA 28:2

Nia' se're tau kassa' siagang barani laNasuro battu Batara. Kabattuanna nirurungangi ri bosi es siagang anging kancang, rapang bosi lompo siagang a'ba ammanyukkanga. Nakaterassangi na napatappasa' ke'nanga naung ri buttaya.

YESAYA 8:22

yareka naung, tena apa-apa lanacini' ke'nanga pantaranganna kasukkarrang siagang sassang kammayatompa bayang-bayang appakamallaka. Lanipelaki ke'nanga mae ri anjo tampa' sassanga.

YEREMIA 13:16

Musti nupakalompoi Karaeng Allata'alanu lalang tenanapa Napabattui sassanga, siagang tatto'ro bangkennu ri pa'monconganga, lalang anjo singara' numinasaia taNapinrayapi a'jari sassang.

YEREMIA 51:64

nampa nukana, ‘Kammaminne lakajarianga mae ri Babel. Anne pa'rasanganga latallangi siagang talammumbayami ammotere' lanri bala Napabattua Batara mae ri ia.’ ” Sa'genna anrinni kana-kananna Yeremia.

YEHEZKIEL 13:13

Nakana Batara Kaminang Tinggia, “Lalang larroKu, lappabattuA' anging lompo, bosi lompo siagang bosi es untu' angngancuruki anjo temboka le'baka nupa'leoki,

DANIEL 11:10

Nampa ana'-ana' bura'nena anjo karaeng niaka ri pa'rasangang wara' lasadia-sadiai untu' a'bundu'; appasadiami tantara jai. Kalase'renna battu ri ke'nanga lamaju rapang a'ba. Lalang a'bakka makapinruanna nabunduki pattahanganna musua.

DANIEL 11:22

Sikontu tantara angngewaya ri ia, ba'lalo manna pole Imang Lompoa lanabarrasa' kabusuki sa'genna putta.

DANIEL 11:40

Punna la'birimmo battu allo kala'busanna kakoasanna anjo karaeng pa'rasangang waraka, labattumi karaeng pa'rasangang timboroka untu' ambunduki. Nampa karaeng pa'rasangang waraka lanabalasaki anjo bunduka siagang kabaraniang lompo. Lanapagioki kareta bundu' jaia, jarang na kappalaka. Lamajui rapang je'ne' a'baya, nampa jaimo pa'rasangang naempoi.

DANIEL 9:26

Ri kala'busanna anjo jammanga lanibunoi pamimping Napilea Allata'ala, padahala' tena salana. Nampa battumo tantarana sitau karaeng kassaka, na naancuru' kota Yerusalem siagang Balla'Na Batara. Anjo kala'busang jammanga labattui rapang a'ba angngeranga pa'bundukang siagang kaancurang, situru' le'baka Napattantu Allata'ala.

AMOS 8:8

Lamme'bereki buttaya, siagang sikontu taua lasusa kabusuki nyawana. Sikontu pa'rasanganga lata'goccangi siagang kammai nitoeng Binanga Nil.

NAHUM 1:1

Iaminne pasanNa Allata'ala ri passala'na Niniwe. Anjo pasanga Napa'nyatai lalang paccini' Napassareanga mae ri Nahum, iamintu sitau na'bi battua ri Elkos assala'na.

NAHUM 2:8

Tassimbungi lari ra'ya' Niniwe, rapang je'ne' assuluka battu ri tingkasa' rumbanga. Nia' sa'ra akkio' angkana, “Ammantangko! Ammantangko!” mingka tena nia' ero' ammotere'.

ZEFANYA 2:13

Le'baki anjo laNapakemi Batara kakoasanNa untu' angngancuruki Asyur. Kota Niniwe lanipa'jari sino sikali siagang nipa'jari butta kalotoro'.

MATIUS 7:27

Ri wattunna battu bosia siagang a'baya kammayatompa anging barubua antujui anjo ballaka, anra'bami. Nateaimi sipato' sanna'na panra'na anjo ballaka!”

MATIUS 8:12

Padahala' tau siratanga a'jari umma'Na Allata'ala nipelaki assulukang ri sassanga. Anjoremmi ke'nanga langngarru' siagang langkasiaki sessaya.”

1 SAMUEL 2:9

Tutamamminraya tuli amangi lalang ri la'lanNa Batara. Mingka tuja'dalaka jappo' ancuruki lalang ri sassang makappuka. Kagassingang kale takkulle nipattoang, kagassingang rupatau takkulle angngerang pammetang.