NAHUM 1:7 - KITTA' MATANGKASA'

⁷ Anjo Batara bajiki, Najagai umma'Na ri wattu susa, Najagai tau a'la'langa mae ri Ia.

NAHUM 1:7 Iomraidhean Croise

1 PATTOTTORANG 16:34

Sukkurukko ri Batara, nasaba' baji'Na; niaki pangngamaseanNa satunggu-tungguna.

1 PATTOTTORANG 5:20

Anjo tantaraya tappaki ri Allata'ala siagang appala' tulungi mae ri Ia, naniturukiang pappala'na ke'nanga iamintu nisarei pammetang ke'nanga mae ri anjo tu Hagri siagang agang-aganna.

2 PATTOTTORANG 13:18

Ammetai tu Yehuda lanri Batara, Allata'alana boe-boena ke'nanga napattoang.

2 PATTOTTORANG 32:11

Apaka nakana Hizkia angkanaya laNalappassangko Karaeng Allata'alanu battu ri kakoasangku? Teako tappakki nasaba' poro naballe-balleinuji antu. Lanabalang parekangko antu mate cipuru' siagang mate turere.

2 PATTOTTORANG 32:21

Nampa akkirimmo malaeka' Batara untu' ambunoi anjo sikamma tantarana siagang perwira-perwirana tu Asyur. Teaimi sipato' siri'-siri'na karaeng Asyur ammotere' mange ri pa'rasanganna. Ri se'reang allo, ri wattunna sitabang nia' lalang ri balla' rewatana, nia'mo siapa are tau battu ri ana' bua kalenna ambunoi siagang pa'dang.

2 PATTOTTORANG 32:8

Ia ke'nanga kagassingang rupatau napake, mingka ikatte nia' Karaeng Allata'alata untu' ambantuki' siagang la'bunduka untu' ikatte.” Nalangngere'na kana-kananna karaenna ke'nanga, a'jari baranimi ra'yaka.

EZRA 3:11

Akkelongi ra'yaka kelong-kelong pammuji mae ri Batara, na napa'mole-mole nakelongang bageang kelong kala'busanga angkana, “Anjo Batara mabajiki; satunggu-tungguna pangngamaseanna mae ri Israel.” Sikontu ra'yaka amminawangi akkiok-kio' ma'rannu-rannu siagang mammuji ri Batara, lanri nipadongko'mi batu pundasina Balla'Na Batara ri Yerusalem.

PAMMUJI 1:6

Saba' tu mannurukia niului siagang nijagai ri Batara, mingka tu ja'dalaka mangngolo mange ri possoka.

PAMMUJI 100:5

Saba' bajiki Batara; sa'genna satunggu-tungguna pangngamaseanNa, nyawa tamamminraNa sa'genna sikontu turungang.

PAMMUJI 20:1

Untu' pamimping pakelong. Pammujina Daud.

PAMMUJI 25:8

Saba' Batara bajiki na adele', Napicinikiangi oloang tau lingua.

PAMMUJI 27:5

Najagaia' Batara ri wattungku lalang kasukkarang; Nacokkoa' lalang ri Balla'Na, na Naangkaka' nai' ri moncong batua.

PAMMUJI 37:39

Napasalamaki Batara tau bajika, Najagai ke'nanga ri wattu kasukkarranna.

PAMMUJI 37:40

Natulungi siagang Napasalamaki ke'nanga, Nalappassangi ke'nanga battu ri tu ja'dalaka, saba' a'la'langi ke'nanga mae ri Ia.

PAMMUJI 46:2

Allata'ala pa'la'langangku siagang kagassingangku; tuli sadiai siagang akkullei antulunga' lalang kasukkarang.

PAMMUJI 50:15

Akkiokko mae ri Nakke ri wattu kasukkarang, iNakke lallappassangko, siagang lamammujiko mae ri Nakke.”

PAMMUJI 59:16

A'la'bangi ke'nanga a'boya kanre, nappilollong la'bu punna tabassora.

PAMMUJI 71:3

A'jariKi' untu' inakke sanrapang moncong batu tampa' pammantangangku, tuli akkullea kurapi' kubattui. Saba' le'ba'mi Kitappuki untu' ampasalamaka', iKattemi tampa' pammantangangku siagang pa'la'langangku.

PAMMUJI 86:7

Ri wattungku kasukkarang appala' doanga' mae ri Katte, saba' iKatte ampialia'.

PAMMUJI 9:10

Batara pa'la'langanna tu nijallakkanga, tampa' pa'la'langanna ri wattu kasusaanga.

PAMMUJI 91:15

Punna akkio' mae ri Nakke, laKupiali. Ri wattu kasukkarang, laKutulungi; laKulappassangi na Kusare kalompoang.

PANGNGEBARANG 18:10

Anjo Batara sanrapangi menara kassaka; Iami namangei tau lambusuka nanggappa tampa' amang.

YESAYA 25:4

Saba' iKattemi palararianna tau lammaya, tampa' amanga mae ri tu kasi-asia lalang kasukkarranga. IKattemi pa'la'langngang battu ri anging lompoa, pa'la'langngang battu ri bambanna alloa. Saba' tau pallaka a'bakkai rapang anging lompo ri wattu bara',

YESAYA 32:2

Yangasenna ke'nanga lamassing la'jari rapang tampa' pa'la'langngang battu ri anging siagang barubua. Rapangi ke'nanga binanga a'lo'loroka ri parang kassika, rapang pa'la'langang batu lompo ri butta kalotoroka.

YESAYA 50:10

He ikau ngaseng ampakalompoai Batara, siagang ampilangngeriai kananna atanNa, nakulle sassangi agang nuoloa, siagang tena caya ansingariko; mingka tappa' laloko mae ri Batara; tanjengko mae ri Allata'alanu.

YEREMIA 16:19

O Batara, iKattemi alla'langngia' siagang assarea' kagassingang; iKatte antulunga' ri wattungku kasukkarang. Labattui bansa-bansaya battu ri cappa'na linoa mae ri Katte na nakana, “Boe-boena ikambe poro rewata takontutojengaji bawang napatappa', tena sikalia matu-matunna.

YEREMIA 17:17

TeaKi' a'jari apa appakamalla' ri atingku. IKatte tampa' palariangku punna battu kasukkaranga.

YEREMIA 24:5

“Sikamma anjo tau Kulappassanga niengka' mange ri Babel Kupasanrapangi anjo rappo ara baji'-bajika; lanri kammana anjo, iNakke, Batara, Allata'alana Israel, laKugaukangi bajika mae ri ke'nanga.

YEREMIA 33:11

Mingka anjoreng ri tampaka lania' pole kalangngerang sa'ra karannuang siagang kalompoang pa'mai' kammayatompa sa'ra passua'-suarrang pa'gaukang pa'buntingang. Lania' todong kalangngerang kelong-kelong tau angngerang koro'bang kasukkurang mange ri BallakKu. Lanakana ke'nanga, ‘Appala' sukkurukko mae ri Batara Kaminang Koasaya, lanri Ia bajiki siagang pangngamaseanNa sa'genna satunggu-tungguna.’ Anne pa'rasanganga laKupa'jari kalumanynyangi sangkamma riolo. INakke, Batara, anne akkana.”

PIRAUNG 3:25

Mabajiki Batara mae ri tau manrannuanga mae ri Ia, siagang mae ri tau tuli amboyayai.

DANIEL 3:28

Nampa nakanamo karaenga, “Pujimi Allata'ala nasombaya Sadrakh, Mesakh siagang Abednego. Iami le'ba' assuroi malaeka'Na untu' ampasalamaki tallua atanNa matappaka mae ri Ia. Le'baki nadakkai ke'nanga parentaku siagang erokangngangi matea ke'nanga kala anynyombaya yareka appakalompo ri rewata maraeng, pantaranganna Allata'alana todong ke'nanga.

DANIEL 6:23

Allata'alana atanta Nasuroi battu malaeka'Na untu' antongkoki bawana anjo singa-singaya sa'genna tena naapa-apai atanta. Allata'ala ampasalamaki atanta nasaba' Naassengi angkanaya tena kasalang nagaukang atanta mae ri Ia siagang mae ri katte karaeng.”

YO"EL 3:16

Ammammuki Batara battu ri Sion, iamintu bulu'Na; battu ri Yerusalem a'gunturu' sa'ranNa. Langika siagang buttaya ta'goccangi napakamma. Mingka tuli laNaalleangngangi siagang Najagai Batara iamintu Israel, umma'Na.

ZEFANYA 3:12

Anjoreng laKuboliki ammantang tuli se'reang bansa tuna pa'mai', ampattoangai pannulungKu. Akkullei ke'nanga ammantang anjoreng.

MATIUS 27:43

Na patappaki Allata'ala, siagang Nakanai KalenNa Ana'Na Allata'ala. Jari umbamo niciniki kamma-kamma anne, maka ero' tojenji Allata'ala ampasalamaki.”

MATIUS 7:23

Mingka laKukana sallang appiali, ‘Tena le'bakako Kuasseng! A'lampa ngasengko anrinni ikau le'baka a'gau' ja'dala'!’ ”

YOHANES 10:14

INakkemi pakalawaki bajika. Sangkamma NaassengKu Manggea na Kuasseng todong Manggea, sangkamma tomminjo Kuassenna gimbalakKu ngaseng, na naasseng tongA' ke'nanga. Kupassareangi nyawaKu sollanna attallasa' ke'nanga.

YOHANES 10:27

GimbalakKu napilangngeri sa'rangKu. Kuassengi ke'nanga, namminawangi ke'nanga ri Nakke.

ROMA 11:22

Jari anrinni akkullei nicini' antekamma baji'Na Allata'ala, mingka akkulle tongi nicini' antekamma terasa'Na. Sanna' terasa'Na mae ri tau dorakaya, mingka sanna' baji'Na mae ri kau ngaseng – assala' tuli tutuko attallasa' battu ri kabajikanNa. Nasaba' punna tena, ma'nassa lanipela' tongko.

GALATIA 4:9

Mingka kamma-kamma anne nuassemmi Allata'ala; yareka bajikangangi punna nikana, Naasseng mako Allata'ala. Angngapa nanuero' ammotere' poleang mae ri roh-roh niaka lalang lino, lammaya siagang kasi-asia? Angngapa nuero' poleang nipare' ata ri roh-roh kammaya anjo?

2 TIMOTIUS 2:19

Mingka anjo pammentengang makassa' le'baka Napare' Allata'ala takkulleai nipata'ge'goso'. Irateanganna nia' tattulisi' angkanaya, “Naassengi Batara sikamma taunNa,” siagang “Inai-nai nakana kalenna taunNa Batara, musti ammarimi anggaukangi gau' salaya”.