NAHUM 1:2 - KITTA' MATANGKASA'

² Taerokai Karaeng Allata'ala punna nia' ambaliangi, inai-nai angngewai, ma'nassa anggappai hukkungang. Sanna' larroNa, Na'balasa' mae ri ke'nanga.

NAHUM 1:2 Iomraidhean Croise

AYUB 20:23

Ri wattu sibu'na ambonei battanna, sanna'mi larroNa Allata'ala nampa nihukkung.

PAMMUJI 94:1

O, Allata'ala, IKatte Allata'ala assarea pa'balasa', Kipappicinikang laloi pa'balasatTa, o, Batara.

KALAPPASSANG 20:5

Teako anynyombai ri patung kammaya anjo, nasaba' iNakkeji Karaeng Allata'alanu, siagang taerokA' nipasangkamma manna apa-apa mamo. Sikamma tau mangngabirissia mae ri Nakke Kuhukkungi sa'genna jari-jari lapisi' makatalluna siagang makaappa'na.

KALAPPASSANG 34:14

Tea' laloko anynyombai rewata maraeng, nasaba' iNakke Batara, iamintu Allata'ala tenaya naero' nipasangkamma siagang apa-apa mamo.

KALAPPASSANG 34:7

Tuli mangngamaseangKu mae ri assa'bu-sa'bu lapisi'na turunang siagang Kupammopporangi kasalanga siagang dosaya; mingka sikamma tau salaya tena sikali nakkulle ta'lappasa' battu ri hukkungangKu, ba'lalo manna ana' cucunna sa'genna lapisi' makatallua siagang makaappaka anjo tau dorakaya takkulleai ta'lappasa' battu ri hukkungangKu.”

YESAYA 42:13

Majui Batara a'bundu' rapang se're tubarani, rapang tantara lompo sumanga'na a'bundu'. Ammarrangi, akkio' ri pa'bundukang, na Napappicinikang kaporeanNa mae ri musua.

YESAYA 51:17

Ambangungko, he Yerusalem, ambangung mako! Hukkungang Napabattua Batara lanri larroNa le'ba'mi nujappai sa'genna la'busu'.

YESAYA 51:20

Tunggala' ri cappa'na aganga tu'guru' ngasengi taunnu lanri cappu'mi kagassinganna rapang jonga nialle ri tado'. Nitujui ke'nanga ri pangngalarroiNa Batara, siagang nitabai ri pangga'gara'Na Allata'alanu.

YESAYA 66:15

Tojeng, labattui Batara siagang pepe'; laNadongkoki karetaNa rapang anging lompo, untu' ampa'betteseki kalarroanNa, siagang angga'gara' lompo.

YEREMIA 25:15

Batara, Allata'alana Israel, Nakana ri nakke, “Allei anne kaca anggoro' le'baka Kubonei anggoro' pangngalarroingKu. Erangi mange ri sikontu bansa nupa'lampaia Kusuro, siagang suroi ke'nanga angnginungi anne anggoroka.

YEREMIA 28:8

Na'bi-na'bi rioloanganta le'ba'mi naboto angkanaya pa'bundukang, bala lompo, siagang garring labattu antujui jaia bansa siagang kakaraengang kassaka.

YEREMIA 3:5

Nukana pole angkanaya tena Kutuli larro mae ri kau. Iaminjo kanannu, he tu Israel, mingka lalang kammana anjo nugaukang tonji kaja'dallang akkullea nugaukang.”

YEREMIA 36:7

Gassingka lanri kammana anjo nalappala' doang ke'nanga mae ri Batara, siagang toba' battu ri panggaukang-panggaukang ja'dala'na ke'nanga. Teai sipato' larroNa Batara mae ri ke'nanga siagang Naancangi ke'nanga.”

YEREMIA 4:4

Ta'gala' jarreki janjinnu siagang iNakke, Batara, siagang sa'laki kalennu untu' iNakke, he pandudu' Yehuda siagang Yerusalem. Punna tena, lallumpai larroKu siagang la'rinrai rapang pepe' tenaya nakkulle nibuno manna pole ri nai. Yangasenna anjo kammaya lanatujuko lanri panggaukang-panggaukang ja'dala'nu.”

YEREMIA 50:15

Ammarrangko akkio' bundu' ri tammulilina anjo kotaya! Kamma-kamma anne manyarami Babel. Tembo'-tembo'na le'ba'mi nilappo siagang niruntung. Kamma-kamma anne Kugaukangi pa'balasaka mae ri Babel. Lanri kammana anjo gaukammi mae ri ke'nanga sangkamma nagaukanga ke'nanga mae ri tau maraenga.

PIRAUNG 4:11

Napa'betteseki larroNa Batara na Natunu Kota Sion sa'genna sillappara' buttaya.

YEHEZKIEL 38:18

Nakana Batara Kaminang Tinggia, “Mingka tena nasallo le'ba'na Gog ambunduki Israel, lajallo'Ma'.

YEHEZKIEL 38:19

Siagang sanna' larroKu nalaKuangngancang, angkana ri anjo alloa lania' kajariang lompo ri Israel, iamintu lata'ge'gosoki buttaya ri Israel.

YEHEZKIEL 39:25

Nakana Batara Kaminang Tinggia, “Mingka kamma-kamma anne laKukamaseangi umma' Israel jari-jarina Yakub, siagang Kupa'jari kalumanynyang poleangi ke'nanga. Lanri kammana anjo Kujagaimi arengKu sollanna tuli nipakalompo.

YEHEZKIEL 5:13

Lanupisa'ringi antekamma lompona pangngalarroingKu siagang pa'jallokangKu sa'genna sukku' Kusa'ring. Punna le'ba' ngasemmo kajariang anjo sikammaya, nampa mako latappa' angkanaya iNakke, Batara, anne a'bicara mae ri kau lanri larroKu mae ri sipa' tenana namattantu pa'mai'nu.

YEHEZKIEL 6:12

Lanakasia' ngasengi ke'nanga jallo'na kalarroangKu. Sikamma tau bellaya ri butta pammelakkanga latu'guru' garringi nampa mate; tau ambania lamatei lalang bundu', siagang la'binnaya lamate naallei garring.

YEHEZKIEL 8:18

Lanapisa'ringi ke'nanga pangngalarroi lompoKu! Tena nalaKumaapakkang siagang laKupammopporang ke'nanga. Manna pole na'gora-gora lompo tojeng ke'nanga appala' doang ri Nakke, tena nalaKupilangngeri ke'nanga!”

YO"EL 2:18

Nampa Naparhatikang Batara buttaNa, siagang Nakamaseang umma'Na.

KAIMANGNGANG 26:28

la'jari larroMa' ampangngajariko, siagang laKuhukkungko pole a'lappi tuju la'bi battala'na na hukkungang rioloa.

MIKHA 7:18

Tena Allata'ala sangkammanTa, o Batara, ampammopporangai dosana umma' nipileNa niaka tassesa. Tena Kituli lalarro; kabalekanna, sannangi nyawaTa ampappicinikangi pangngainTa tenaya sanggana.

ZAKHARIA 1:14

nampa nasuroa' anjo malaekaka ampabattui apa Napaua Batara Kaminang Koasaya angkana, “Sanna' Kukarimangnginna siagang Kujampanginna kota Yerusalem, iamintu kotaKu matangkasaka.

ZAKHARIA 8:2

“Ero' duduA' antulungi Yerusalem lanri sanna' Kukamaseanna pandudu'na, siagang lanri ia anjo pangngamaseangKu, nabambang nyawaKu mae ri musu-musunna anjo kotaya.

PAMMILANGNGANG 25:11

“Sannaki batena Pinehas ana'na Eleazar, cucunna Imang Harun anjagai areng bajikKu ri tangnga-tangngana tu Israel, sa'genna naung larroKu siagang tanjariami Kuancuru' anjo bansaya.

ROMA 12:19

Sikamma sari'battangku! Tea' laloko a'balasaki ri kaja'dallanna taua mae ri kau; boli'mi kamma na Allata'ala ampabattui hukkunganna. Nasaba' nia' tattulisi' lalang ri Kittaka angkanaya, “Nakana Batara, iNakkemi lambalasaki panggaukanna taua. INakkemi langhukkungi.”

ROMA 13:4

Nasaba' anjo pamarentaya atanNa Allata'ala, anjamaya untu' kabajikannu. Mingka punna a'gau' ja'dalakko, memang musti mallakko mae ri pamarentaya; nasaba' tena naporo nia'naja koasana anghukkungi taua. Iami atanNa Allata'ala, ampabattuai hukkunganNa Allata'ala mae ri tau a'gau' ja'dalaka.

PAOLE 4:24

nasaba' Karaeng Allata'alanu rapangi pepe' appakamutunga. Taerokai nipasangkamma siagang apa-apa maraenganga.

PAOLE 7:10

Mingka tena todong Nabata-bata anghukkungi tau birisika ri Ia.

IBRANI 10:30

Ikatte niassengi inai anjo angkanaya, “La'balasakA'! LassareA' hukkungang!” kammayatompa angkanaya, “LaNaadeli Batara Umma'Na.”

YOSUA 24:19

Nampa nakana Yosua, “Mingka tena kapang nanukullei anynyomba mae ri Batara, nasaba' anjo Allata'ala matangkasaki, Tenaya Ruanna. Taerokai punna nia' nipa'rembangi. Punna nubokoi Batara nampa anynyombako ri rewata-rewataya, tena nalaNapammopporang dosanu. Kabalekanna, laNabaliangko siagang laNahukkungko. LaNaancuru' ngasengko manna pole riolo bajiki mae ri kau.”

2 PETRUS 2:9

Jari Naassengi Batara angkanaya antekamma batena ampasalamaki tau eroka mannuruki ri ero'Na, punna nadallekangi sikamma paccobaya. Siagang Naassengi Batara angkanaya antekamma batena amboliki sikamma tau ja'dalaka, sollanna akkulle nisessa sallang ri Allonna Pangadelanga,