MIKHA 7:7 - KITTA' MATANGKASA'

⁷ Mingka ikatte manrannuangki' mae ri Batara; jarreki tappatta antayangi Allata'alata. LaNapilangngeri pappala' doanta siagang Napasalamakki'.

MIKHA 7:7 Iomraidhean Croise

PA'JARIANG 49:18

O Batara, kasalamakkang Kipassareanga, iaminjo sarro kutayanga.

PAMMUJI 109:4

Natudua' ke'nanga, manna nakukamaseang ke'nanga, siagang kupappala' doangammo ke'nanga.

PAMMUJI 130:5

Kutayangi bantuanNa Batara, janjinNa kurannuangi.

PAMMUJI 25:5

Ajaraka' siagang renrenga' untu' attallasa' situru' erotTa, saba' iKattemi Allata'ala ampasalamaka', tuli manrannuanga' mae ri Katte.

PAMMUJI 37:7

Pakasannangi pa'mai'nu antayangi Batara, sa'barakko antayangi sa'genna angngalle tindakang. Teako lussakki lanri baji'na nucini' tallasa'na taua, yareka tau anggaukangai balle-ballea.

PAMMUJI 38:15

Tojeng, sanrapanga' tau tamallangngere', lanri kammanami natena kugeakki.

PAMMUJI 50:15

Akkiokko mae ri Nakke ri wattu kasukkarang, iNakke lallappassangko, siagang lamammujiko mae ri Nakke.”

PAMMUJI 65:2

Siratangi ikambe mammuji ri Katte ri Sion, o, Allata'ala, na narupai janjinna ikambe mae ri Katte.

PAMMUJI 85:5

Kipakabajiki ammotere' ikambe, o, Allata'ala Tumappasalama'na ikambe, tea' maKi' kalarroi pole ikambe.

YESAYA 12:2

Tojeng, anjo Allata'ala Mappasalamakku, inakke tappaka' mae ri Ia. Tena kumalla', saba' Napakajarreka'. Mappasalamakku iamintu Allata'ala, makkelonga' mae ri Ia.

YESAYA 17:7

Anjo wattua sallang, lammotere'mi taua mange appala' tulung ri Mappa'jarina, iamintu Allata'ala matangkasa'na Israel.

YESAYA 25:9

Anjo wattua lanakana taua, “Sikontutojenna, Iami Allata'alata; Iami nitayanga, sollanta Napasalama'. Tojeng, Iaminne Batara; Iami nitayanga. Anne kamma akkio' rannu maki', saba' le'ba' maki' Napasalama'.”

YESAYA 45:22

He, sikontu pandudu'na buttaya, pasailemi kalennu mae ri Nakke sollannu Kupasalama', saba' iNakkeji bawang Allata'ala, tena pantaranganna!

YESAYA 8:17

Le'baki Batara Nacokko KalenNa battu ri turunganna Yakub, umma'Na, mingka inakke tappaka' siagang manrannuanga' mae ri Ia.

PIRAUNG 3:24

Batara bawang, tena ruanna rapang barang-barang kupatanga. Lanri kammanami anjo, kumanrannuang mae ri Ia.

DANIEL 3:17

Punna akkulle Allata'ala nasombaya ikambe ampasalamaki ikambe battu ri anjo pepe' a'rinra-rinraya siagang battu ri kakoasanna karaengku, mattantu Nagaukangi.

HOSEA 12:6

Anjo Allata'ala iamintu Batara Kaminang Makoasaya. ArenNa iamintu Batara. Lalang iaminjo arenNa naNakellai taua anynyomba mae ri Ia.

YO"EL 1:19

Appala' tulunga' ri Katte, o Batara lanri sikamma parang rukuka ammutung ngasemmi na kalotoro' poko'-pokoka kalotoro' tommi na mate kontui nakanrea pepe'.

HABAKUK 2:1

Eroka' nai' ri menara pa'jagaangku, nampa kutayang apa eroka Napau Batara mae ri nakke, siagang antekamma pappialinNa mae ri kunrarengku.

HABAKUK 2:3

Cataki anjo, nasaba' kamma-kamma anne teaipi wattunna. Mingka tasalloai nabattu anjo wattua, siagang apa le'baka Kupa'nyata mae ri kau tena ta'rupana. Manna pole nasallo ijapa cinikanna, mingka tayang mami! Anjo wattua ma'nassa labattui siagang tena nalanipaunduru'.

PAMMILANGNGANG 5:28

Mingka ebara' angkana tena nasala, tena nanitabai pattunra siagang lakkulle iji pole ammana'.