MIKHA 7:6 - KITTA' MATANGKASA'

⁶ Nasaba', ri wattu kammaya anne para anggota kaluarga massing lasimusu; ana' bura'nea nahinai manggena, ana' bainea naewai amma'na, siagang mintu bainea a'besereki siagang matoang bainena.

MIKHA 7:6 Iomraidhean Croise

PA'JARIANG 49:4

Lu'mukko ta'goccang sanrapang je'ne', sa'genna teai mako makase're; saba' attinroko siagang baine piaraku, nura'massi katinroanna manggenu.

2 SAMUEL 16:11

Nampa nakanamo pole Daud ri Abisai siagang sikontu atanna, “Ana' kalengku appattujuang ero' ambunoa'; angngapa nulannasa' ngaseng anciniki panggaukanna anne tu Benyamin? Batara ansuroi antunraia'; lanri kammana teako apa-apai siagang lappassammi nanatunraia'.

PAMMUJI 41:9

Nakana ke'nanga, “Teai sipato' sanna'na garrinna, tena olona lakkulle ambangung poleang.”

PANGNGEBARANG 30:11

Nia' tau assumpai manggena siagang tena napakalompoi amma'na.

PANGNGEBARANG 30:17

Tau ancau-cauwai manggena yareka amma'na toayamo, siratangi nipasambila assulu' sollanna nitotto' matanna ri jangang-jangang kalaa' siagang nikanre maya'na ri balangkoa'.

YESAYA 3:5

Lamassing sijalla'-jallakkangi taua. Tau rungkaya tanajampangiai tau toaya, siagang tau ca'dia tanajampangiai tau lompoa.

YESAYA 9:19

Ri sikontu anjo pa'rasanganga massing a're'bu'mi siagang sambarang mami apa-apa nakanre, mingka tena bassoro'na ke'nanga. Ba'lalo massing para iami sikanre-kanre sipa'agangngang!

YEREMIA 12:6

Nibaliang mako ba'lalo ri bija pammanakannu tonji; amminawangi ke'nanga ambakkaiko. Teako tappakki mae ri ke'nanga, manna pole nate'ne bicaranna ke'nanga.”

YEREMIA 20:10

A'bici'-biciki nilangngere' taua ri kere-keremae, angkana, “Battui mallaka a'la'bang! Umba nilaporoki mae ri pamarentaya!” Ba'lalo sikontu agang bajikku naminasai katu'gurangku. Nakana ke'nanga, “Gassingka lanri panynyonyoppa, nakkulle nibeta, sollanna nikkulle ambalasaki larro niboli'-bolitta ri ia.”

YEREMIA 9:4

Musti tutui taua, manna pole ri aganga tonji siagang manna sari'battang polong parruka takkulle ngaseng nipatappa'. Nasaba', sangkamma Yakub kamma tomminjo ke'nanga, massing natipui sari'battanna. Tunggala' taua a'jappai mange-mange untu' appasiara' pitina siagang balle-balle.

YEHEZKIEL 22:7

Tena manna sitau battu ri pandudu'nu ampakalompoi tau toana. Nutipui bansa maraeng niaka annompang siagang angngalleko passawallang battu ri kasusaanna jandaya siagang ana' kukanga.

OBAJA 1:7

Nitipuko ri sikamma tau nuaganga sita'gala', siagang nibongkako battu ri pa'rasangannu. Nibetako ri agang-agannu, nitannangngiko sikko' ri tau nuaganga sipangnganreang. Napakkuta'nangngangko, angkanaya, ‘Kemae ngasemmi anjo kacara'dekanna?’

MATIUS 10:21

Nia' sallang wattunna nakajariang nania' tau ampassareangi sari'battanna nasuro buno; yareka tau toa ampassareangi ana'na nasuro buno. Ana'-anaka lanaewai anrong manggena, siagang nasuro bunoi ke'nanga.

MATIUS 26:23

Appialimi Isa Nakana, “Ia Kuaganga appada appanaung roti ri mangkoka, iaminjo eroka ambalukangA'.

LUKAS 12:53

Manggea lasiewai ana'na bura'nea, siagang ana'-ana' bura'nea lanaewai manggena. Lasiewai ammaka siagang ana'na bainea, siagang ana'-ana' bainea lanaewai amma'na. Matoang bainea lanaewai mintu bainena, siagang mintu bainea lanaewai matoang bainena.”

LUKAS 21:16

Lanisassaliko ri anrong-manggenu, yareka ri sari'battannu, yareka ri bija-bijannu, siagang ri agang-agannu. Nia' siapa are jaina tau ri kau lanibuno ri ke'nanga.

YOHANES 13:18

Tena nanataba ngasengko anne apa Kupabattua. Kuassemmi angkanaya inai-nai le'ba' Kupilei. Mingka musti a'rupai apa niaka tattulisi' lalang ri Kittaka, iamintu, ‘Tau Kuaganga sipangnganreang, la'jari musui ri Nakke.’