MIKHA 6:6 - KITTA' MATANGKASA'

⁶ Apaka musti nipassareang mae ri Batara, Allata'ala ri suruga, punna battuki' mange anynyomba ri Ia? Mustika angngerangki' sapi rungka kaminang bajika untu' nipassareang salaku koro'bang nitunu mae ri Ia?

MIKHA 6:6 Iomraidhean Croise

2 SAMUEL 21:3

na nakuta'nang ke'nanga angkana, “Apa akkulle siratang kugaukang mae ri kau ngaseng? Erokka' ampakabajiki kasalang le'baka nigaukang mae ri kau ngaseng, sollanna nubarakkaki umma'Na Batara.”

PAMMUJI 116:12

Apa kupassareang mae ri Batara untu' ambalasaki kabajikanNa mae ri nakke?

PAMMUJI 22:29

Nasaba' Batarayami makoasa, Ia ammarenta mae ri bansa-bansaya.

PAMMUJI 95:2

Umba kimandallekang ri Ia siagang kelong kasukkurang, akkio' rannu ri Ia siagang lagu pammuji.

PAMMUJI 95:6

Umba kisu'ju' anynyomba mae ri Ia, akkulantu' ri dallekanNa Batara, Tumapparetta.

KALAPPASSANG 12:5

Akkullei nupile gimbalaka yareka bembea, mingka musti lakia, umuru' sitaung, siagang tenaya callanna.

KALAPPASSANG 23:15

Lalang bulang Abib, ri wattu le'baka nipattantu, musti nupakalompoi Passua'-suarrang Roti Tenaya Nammake Pa'gambang, situru' cara le'baka Kuparentakang mae ri kau, nasaba' lalannami anjo bulang Abib nanubokoi butta Mesir. Teako angnganrei roti ammake pa'gambang lalang anjo tujua allo passua'-suarrang. Punna battuko anggaukangi ibadanu mae ri Nakke, musti angngerangko passare.

PANGNGEBARANG 15:8

Natarimai Batara pappala' doanna tau bajika, mingka birisiki mae ri passarena tau ja'dalaka.

PANGNGEBARANG 21:3

Panggaukang adeleka siagang annabaya la'bi napakasannangi pa'mai'Na Batara, kala sikontu passarea.

YESAYA 40:16

Sikontu olo'-olo' ri romanna Libanon tagannakai lanipa'jari koro'bang nitunu; sike'de' duduji poko'-poko' kayuna lanipa'jari kayu tunuang.

YEREMIA 6:20

Apa matu-matunna ke'nanga ampangngerangngangA' kamanynyang battu ri Syeba, yareka rampa-rampa battu ri pa'rasangang bellaya? Tena naKuero' antarimai passarena ke'nanga. Tena Kungai koro'bang-koro'bang nitununa ke'nanga.

YEHEZKIEL 46:9

Kabalekanna, punna ri allo-allo lompoa nabattu ra'yaka untu' anggaukangi ibadaya mae ri Batara, battu ri pakke'bu' lompo bageang waraki ke'nanga angngolo antama, nampa punna ammotere' musti pakke'bu' lompo bageang timboroka naolo punna le'ba' ke'nanga anggaukangi ibadaya. Na ia ke'nanga antamaya battu ri pakke'bu' lompo bageang timboroka, punna ammotereki musti pakke'bu' lompo bageang waraka naolo. Tena nipa'biangi taua angngolo ri oloang naoloa wattunna antama; musti ammotereki ke'nanga battu ri oloang ba'leanna.

DANIEL 3:26

Nampa a'reppese' Nebukadnezar mae ri pakke'bu'na anjo pepe' pattunuanga siagang ammarrang angkana, “O Sadrakh, Mesakh siagang Abednego, atanNa Allata'ala Kaminang Tinggia! Assulu' mako battu ri antu pepeka!” Jari assulu'mi ke'nanga.

DANIEL 4:9

“He, Beltsazar, pamimpinna tau cara'deka, kuassengi angkanaya ikau nikoasaiko ri rohna rewata-rewata matangkasaka, sa'genna tena rahasia taccokko mae ri kau. Pilangngeri anne so'naku, siagang pakasingaraki battuanna.

DANIEL 5:18

Allata'ala Kaminang Tinggia, iamintu le'baka ampa'jari Nebukadnezar, manggena karaengku, a'jari karaeng mala'biri' siagang assarei kalompoang na masahoro'.

DANIEL 5:21

Nibongkai battu ri pa'rappunganna rupataua siagang akkala'na a'jari sangkammai akkala' olo'-olo'. Attallasaki siagang keledai romanga, angnganrei ruku' sangkamma sapi siagang attinroi ri parang tassungkea sa'genna nibasai ri allung. Kala'busanna namangakuimi angkanaya Allata'ala Kaminang Tinggia makoasa mae ri kakaraenganna rupataua siagang anjo kakaraenganga Napassareangi mae ri inai-nai Napilea.

HOSEA 5:6

A'lampai ke'nanga a'boya Batara angngerang gimbala' siagang sapi untu' koro'bang, mingka yangasenna anjo tena matu-matunna. Nasaba' Nibokoimi ke'nanga ri Batara, na tenamo nakkulle ke'nanga ambuntuluki.

AMOS 5:22

Punna angngerangko koro'bang nitunu siagang koro'bang gandung, tena nalaKutarima. TaeroKa' antarimai anjo olo'-olo'nu co'moka nupassareanga mae ri Nakke salaku koro'bang passiamakkang.

MATIUS 19:16

Ri se'reang allo, nia' se're tau bura'ne battu mae ri Isa angkana, “O Guru, panggaukang apa baji' kugaukang sollanna akkulle kugappa katallassang sitojennaya siagang mannannunganga?”

MARKUS 12:33

Na sikontu taua musti nakamaseangi Allata'ala ilalang sitepu atinna, siagang sitepu akkala'na, kammayatompa sitepu pakkullena. Siagang musti nakamaseang tongi paranna tau sangkamma batena angkamaseangi batangkalenna. Bajikangangi anjo kala assarea koro'bang nitunua yareka koro'bang maraenga mae ri Allata'ala.”

MARKUS 5:7

Ammarrang lompomi nakana, “O Isa, Ana'Na Allata'ala Kaminang Tinggia! Apa ero' Nugaukang ri nakke? Nasaba' Allata'ala, kupalaki ri Katte, tea' laloKi' sessaia'!” (

LUKAS 10:25

Nampa nia'mo sitau guru agama battu ero' ampa'boyangi sala Isa. Akkuta'nammi ri Isa nakana, “Bapa' Guru, apa musti kugaukang sollanna akkulle kugappa katallassang satunggu-tunggua?”

YOHANES 6:26

Appialimi Isa Nakana, “Sikontutojenna, iaji nanuboya ngasengA', teai lanri nupahannamo battuanna anjo gau'-gau' appakalannasa' le'baka Kugaukang, passangalinna lanri bassoro'nu ngasemmo angnganre.

LAMPA-LAMPANA 16:17

Tuli amminawammi anjo bainea ri Paulus siagang ri kambe. Akkio'-kioki anjo bainea angkana, “Anne taua suro-suroNa Allata'ala Kaminang Lompoa! Battui ke'nanga ero' ampauang ngasengko antekamma batena nukkulle salama'!”

LAMPA-LAMPANA 16:30

Nampa naerang kapala tarungkua assulu' ke'nanga, na nakana, “O Tuang, apa musti kugaukang sollangku nipasalama'?”

LAMPA-LAMPANA 2:37

Nalangngere'na ngaseng ke'nanga anjo napaua Petrus, sanna' ngasemmi dinging-dinginna atinna ke'nanga. Jari akkuta'nammi ke'nanga ri Petrus siagang anjo tunisuro maraenganga, angkana, “Jari apamo musti nigaukang anne, sari'battang?”

EFESUS 3:14

Iaminjo saba'na nakuakkulantu' ri dallekanNa Manggea.

IBRANI 10:11

Sikamma imang Yahudia massing nagaukangi jama-jamang allo-allona; siagang a'mole-molei assare koro'bang natuli sangkammanaja anjo koro'bang napassareanga. Mingka sikamma anjo koro'banga tena sikali nakkulle natangkasi dosaya.

1 SAMUEL 15:22

Mingka nakanamo Samuel, “Kereanga la'bi Nangai Batara, mappilangngeria yareka koro'bang passarea? La'bi bajikangangi mappilangngeria mae ri Batara, naia assarea koro'bang. Mannurukia bajikangngi na jannana gimbalaka.