MIKHA 6:5 - KITTA' MATANGKASA'

⁵ He ummakKu, u'rangi apa narancanakanga Balak karaeng Moab mae ri kau, siagang apa papialinna Bileam ana'na Beor mae ri ia. U'rangi apa kajarianga ri pa'jappannu ri alla'na pakkemaannu ri Sitim siagang Gilgal. Punna nuu'rangi ngasengi anjo sikammaya, lanusadarimi apa le'baka Kugaukang untu' ampasalamakko.”

MIKHA 6:5 Iomraidhean Croise

PAMMUJI 111:4

Anjo Batara mangngamaseangi siagang manynyayangi, Nagaukang gau'-gau' malompoa, sollanna ikatte tuli niu'rangi.

PAMMUJI 143:11

Kipasalamaka' situru' janjinTa, o, Batara, lanri kabajikanTa, Kilappassanga' battu ri kasukkarranga.

PAMMUJI 36:10

IKatte kabattuanna katallassanna sikontu apa attallasaka, lalang singaratTa accini' ikambe singara'.

PAMMUJI 71:19

O, Allata'ala, kaadelanTa sanrapangi langika tinggina; tamaka lompona sikamma panggaukanTa; inaimi akkulle ampasangkammaiKi?

YESAYA 1:27

Adeleki Batara. Jari laNapasalamaki kota Yerusalem siagang sikamma taunna assesse' lalanga.

PAMMILANGNGANG 22:41

Ammukona bari'basa' nierammi Bileam ri Balak angngambi' ri Bulu' Bamot Baal. Battu anjoreng akkullei nacini' Bileam sipa'gang bansa Israelka.

PAMMILANGNGANG 23:27

Nakana Balak, “Umba ki'lampa mange ri tampa' maraenga. Inai angngassengi gassingka napa'biang jako Allata'ala antunrai bansa Israel untu' inakke ri anjo tampaka.”

PAMMILANGNGANG 25:1

Lalang ammantanna bansa Israel ri Lappara' Ka'bung Sitim, appakkaramulami tubura'-bura'nena ke'nanga a'gau' bawang siagang tubai'-baine bansa Moab niaka anjoreng.

PAMMILANGNGANG 25:2

Nikio'mi ke'nanga ri anjo tubai'-bainea mange ri passua'-suarrang koro'banga untu' ampakalompoi rewatana ke'nanga. Amminawang tommi tu Israel angkanrei anjo koro'banga siagang anynyomba ri rewatana tu Moab.

PAMMILANGNGANG 31:16

Sai iaminjo sikamma tubai'-bainea anturuki pappaunju'na Bileam, sa'genna nanyonyo' umma' Israel ri Peor untu' ambokoi Batara? Siagang iaminjo appabattu bala mae ri umma'Na Batara!

PAMMILANGNGANG 31:8

kammayatompa lima karaenna tu Midian, iamintu: Ewi, Rekem, Zur, Hur siagang Reba. Bileam ana'na Beor, nibuno tommi.

EFESUS 2:11

Sikamma sari'battang, pantaranganna bansa Yahudia! U'rangi katallassannu wattu riolo; nigallarakko “tau tenaya nassunna'”, ri tu Yahudi nakanaya kalenna assunna' (battuanna anggappami pammatei ri kalenna, nipareka ri rupataua).

PAOLE 16:3

Anjo passare Paskaya musti nupasikanrei siagang roti tenaya nammake pa'gambang. Tuju alloko musti angnganre roti tenaya nammake pa'gambang, sangkamma ri wattu nubokoina butta Mesir siagang akkaro-karo. Kanremi anjo rotia, iamintu roti niarenga roti kasessang, sollanna tuli nuu'ranginna anjo alloa lalang sikontu tallasa'nu, iamintu ri wattunna nubokoi Mesir, tampa' nupammantangngia angkasiaki sessaya.

PAOLE 23:6

Lalang sikontu tallasa'na, tena sikali naNatulungi anjo bansa-bansaya yareka tena sikali naNapa'jari salewangang ke'nanga.

PAOLE 8:18

U'rangi angkanaya sikontu tojenna Karaeng Allata'alanu ansareko kakalumanynyangngang. Nagaukangi anjo kammaya lanri sa'genna anne alloa tuli tamamminrana mae ri parjanjiang Napareka siagang boe-boenu.

PAOLE 8:2

U'rangi! Patampulo taungko Napimping Karaeng Allata'alanu lalang pa'jappang bella ammalo ri parang lompoa. Erokko Naso'ri Batara ilalang ri anjo pa'jappanga, sollanna akkulle Nacini' apa niaka lalang ri atinnu, siagang apaka lanuturukiji parenta-parentaNa yareka tena.

PAOLE 9:7

U'rangi antekamma batenu ampakalarroi Karaeng Allata'alanu ri parang lompoa. Baku' nubokoina Mesir sa'gennu battu mae anrinni, tena numannuruki mae ri Batara.

YOSUA 2:1

Nampa battu ri pakkemaanga ri Sitim, nasuromi Yosua rua mata-mata a'lampa mange ri Kanaan. Naparentakangi anjo ruaya tau untu' accokko-cokko ansalidiki Kanaan, lomoro' se'rea iamintu kota Yerikho. Jari a'lampami ke'nanga mange ri anjo kotaya, nampa a'bangngi ri se'reang balla' baine pagau' bawang, niarenga Rahab.

YOSUA 3:1

Ammukona, ambangung bari'basa' dudumi Yosua siagang sikontu umma' Israel, nampa nabokoi tampa' pakkemaanna ke'nanga ri Sitim, siagang a'lampa mange ri Binanga Yordan. Anjoreng akkemami ke'nanga siagang attayammi wattu untu' a'limbang.

YOSUA 4:19

Tanggala' sampulo bulang makase're nabattu umma' Israel ri ba'leanna Binanga Yordan. Nampa akkema ke'nanga ri Gilgal, irayanganna Yerikho.

2 PETRUS 2:15

Sala oloammi ke'nanga, lanri tenana naero' anturuki oloang lambusuka. Oloang le'baka naolo Bileam ana'naya Beor riolo, naolo ke'nanga. Anjo Bileam a'gau' ja'dalaki lanri ero' duduna anggappa doe'.

1 YOHANES 1:9

Mingka punna nimangakui dosa-dosata mae ri Allata'ala, laNarupaimi janjinNa siagang laNagaukammi apa-apa adeleka mae ri katte. LaNapammopporangi dosa-dosata siagang laNatangkasiki' battu ri sikontu kaja'dallanga.

YUDAS 1:11

Cilaka ngasengi ke'nanga! Amminawammi ke'nanga rioloang le'baka naolo Kain. Napanaummi kalenna ke'nanga ri kalo'bang kalinguanga sangkamma Bileam, sollanna akkulle ke'nanga anggappa doe'. Na niancuru' tommo ke'nanga lanri angngewana sangkamma Korah.

PAPPICINI' 2:14

Mingka manna nakamma, nia' siapa are taKungaia ri kau ngaseng: Nia' siapa are jaina tau ri kau anturuki apa napangngajarranga Bileam. Bileam angngajaraki Balak antekamma batena antu'gurangi umma' Israel naung ri dosaya; iamintu nanyonyoki ke'nanga angkanrei kanre le'baka nipassareang mae ri barhalaya, siagang anggaukangi gau' bawanga.

HAKING-HAKING 11:25

Maka nukana bajikangngangko na Balak ana'na Zipor, karaenna Moab? Tena le'bakai Barak angngewai ikambe siagang a'bundu' siagang ikambe.

HAKING-HAKING 5:11

Ri sa'rinna sikamma bungung-bungunga, suara'mi nilangngere' tu makkelonga, ancaritai pammeta ma'mole-molena Batara, pammetanna Israel, umma'Na Batara. Na a'barrisi'mo ke'nanga mange ri pakke'bu' lompona kotaya.

1 SAMUEL 12:7

Kamma-kamma anne teako rolong a'lampai. Lakutuntu' ngasengko ri dallekanNa Batara. U'rangi sikontu kalammorang pa'mai'Na Batara ia le'baka Napappicinikang ri kau ngaseng siagang mae ri boe-boenu.