MIKHA 6:12 - KITTA' MATANGKASA'

¹² Tu kalumanynyanga ri kotanu najallakkangi tu kasi-asia, siagang ikau paballe-balle ngasengko.

MIKHA 6:12 Iomraidhean Croise

PAMMUJI 120:2

O, Batara, pasalamaka' battu ri paballe-ballea siagang patipua.

PAMMUJI 35:20

Tasomberai bicaranna ke'nanga; a'rancanai ke'nanga ero' annipu mae ri tau siamaka lalang tallasa'na.

PAMMUJI 78:36

Mingka naballe-ballei ke'nanga Allata'ala, bicaranna ke'nanga sangnging balle-balle bawang.

YESAYA 1:23

Sikamma pamimpinnu angngewami mae ri Nakke siagang assikongkolo'mi palukka'; nangai ke'nanga annarima hadia siagang doe' pammuccu'. Taerokai ke'nanga angngalleangangi ana' kukanga ri pangadelanga; taerokai ke'nanga ampilangngeri tuntutanna sikamma janda-jandaya.

YESAYA 3:8

Tojeng, tu'guru'mi Yerusalem! Runtummi Yehuda! Saba' sikontu kana-kananna siagang panggaukanna naewai Batara siagang nabaliangi kakoasanNa.

YESAYA 5:7

Saba' koko anggoro'Na Batara Kaminang Koasaya iamintu umma' Israel, siagang tu Yehuda iami poko' anggoro' Nalamunga. Battu ri ke'nangami Naminasai kaadelanga, mingka kapallakkanji napa'nia'. Naminasai ke'nanga appaenteng katojengang, mingka karru'ji appala' kaadelang napanai'.

YEREMIA 9:8

Sanna' bahayana kana-kananna ke'nanga, akkullei ammuno rapang pana niaka racunna. Poro balle-balle bawang pau-pauna ke'nanga. Te'nei angngalle pa'mai' kana-kananna ke'nanga, mingka sikontutojenna attannanji sikko' ke'nanga.

HOSEA 7:1

Nakana Batara, “Sampang eroki Kupammolle ummakKu Israel siagang Kupakabaji' ammotere' pattallassanna ke'nanga ia tuli Kucinika iamintu kaja'dallanna siagang dosana bawang ke'nanga. Assitipui para ia ke'nanga, antamaki ri balla'na taua a'lukka', siagang angngellaki ke'nanga ri aganga.

HOSEA 7:13

Cilakai ke'nanga, lanri nabokoiMa' ke'nanga. Laancuruki ke'nanga lanri angngewana mae ri Nakke. ErokKa' ampasalamaki ke'nanga, mingka ibadana ke'nanga mae ri Nakke anu tena nakontutojeng.

AMOS 2:4

Nakana Batara, “Tu Yehuda a'mole-molei doraka, lanri kammana anjo ma'nassa laKuhukkungi ke'nanga. Nadakkai ke'nanga parenta-parentaKu siagang tanajampangiai ajarang-ajarangKu. Nipa'lingui ke'nanga ri rewata-rewata maraenga nasombaya boe-boena ke'nanga.

AMOS 6:4

Cilaka ngasengko attinroa irate ri ranjang ga'ga-ga'gaya siagang angnganre lompoa dageng sapi siagang gimbala' rungka!

ZEFANYA 1:9

LaKuhukkungi sikontu tau anggaukangai ibadaya sangkamma tau tenaya natappa' mae ri Nakke, siagang tau a'lukkaka kammayatompa tau ammunoa untu' ampirassi balla'na pinggawana ke'nanga siagang barang-barang nirampasa'.”

ZEFANYA 3:3

Sikamma tumalompona anjo kotaya rapangi singa ammarrung-marrunga sa'ranna. Sikamma hakinga rapangi serigala-serigala cipuruka; sanna' angngoana ke'nanga, sa'genna manna sipappaka buku tenamo nasesa untu' ammuko.

LAMPA-LAMPANA 24:9

Amminawang ngaseng tommi sikamma tu Yahudi niaka anjoreng antudui Paulus. Siagang napakkontu tojemmi ke'nanga sikamma anjo apa le'baka napau Tertulus.

ROMA 3:13

Sangkamma mami jera' tassungke karro'-karro'na ke'nanga. Sangnging balle-balle mami napau lilana, siagang sangnging pitina mami ri bawana, sanrapang lila ulara' niaka racunna.