MIKHA 5:2 - KITTA' MATANGKASA'

² Jari, laNalappassangi Batara nikoasai umma'Na ri musu-musunna ke'nanga, sa'genna baine le'baka nipattantu untu' a'jari anrong ri anjo tumakoasaya, nalassukammi anjo Anaka. Le'baki anjo, sikamma julu bansana niaka ri pammelakkanga lanipakase'rei ammotere' siagang bansana ke'nanga.

MIKHA 5:2 Iomraidhean Croise

PA'JARIANG 35:16

Le'baki anjo a'lampami Yakub siagang rombonganna ambokoi Betel. Ri wattu bellana ija sike'de' battu ri Efrata, narapi'mi wattunna Rahel ammana'. Mingka sukkaraki kalassukanna anjo ana'na.

PA'JARIANG 35:19

Matenamo Rahel, nitarawammi ri biring agang mangea ri Efrata, ia niarenga kamma-kamma anne Betlehem.

PA'JARIANG 48:7

Anne kugaukangi kammaya, untu' Rahel amma'nu. Lalang ri pa'jappangku ammotere' battu ri Mesopotamia, matemi amma'nu ri butta Kanaan, tena nabella battu ri Efrata, nasanna' si'nana pa'maikku. Kutarawangi anjoreng, ri biring agang mangea ri Efrata.” (Kamma-kamma anne Efrata niaremmi Betlehem.)

PA'JARIANG 49:10

Yehuda lanna'gala' takkang kakaraengang. Turunganna lammarenta satunggu-tungguna. Bansa-bansaya langngerangi passare, nasu'ju' tundu' ri dallekanna.

1 PATTOTTORANG 2:54

Salma, ambangungai kota Betlehem, iami boe-boena tu Netofa, tu Atarot-Bet-Yoab, siagang tu Zori, iamintu kalase'renna ri anne ruaya turunganga ammantang ri Manahti.

PAMMUJI 132:6

Ri Betlehem nilangngereki passala' Patti Parjanjianga, nampa nibuntulu' ri parang Yaar.

PAMMUJI 90:2

Ri tenanapa nipa'jari sikamma moncong-monconga, tenanapa Kipareki buttaya siagang linoa, iKattemi Allata'ala mannannungang, tena pakaramulanTa nataena kala'busanTa.

KALAPPASSANG 18:21

Mingka pantaranganna anjo musti ammileko siapa are tu bura'ne cara'deka, nampa nuangka' ke'nanga a'jari pamimping mae ri sisa'bu tau, sibilangngang tau, limampulo tau, siagang sampulo tau. Anjo ke'nanga musti tau malla' siagang mannuruki ri Allata'ala, akkullei nipatappa' siagang taerokai annarima doe' pammuccu'.

KALAPPASSANG 18:25

Ammilemi siapa are tu cara'de' battu ri bansa Israel. Naangka'mi ke'nanga a'jari pamimping mae ri sisa'bu tau, sibilangngang tau, limampulo tau, siagang sampulo tau.

YESAYA 11:1

Turunganna Karaeng Daud rapangi poko' kayu le'baka nita'bang. Mingka sanrapang attimbona pole cu'la' berua battu ri tonasa'na, kamma tomminjo lania' sitau karaeng lammumba battu ri turunganna Daud.

YESAYA 53:2

Nakaerokangi Batara sollanna a'jari rapang cu'la' anjo atanNa attimboa ri butta rosoka. Tena baji'-baji' ri ia lanicini'; tena apa-apa lakkulle ningai ri ia.

YESAYA 55:4

Sikontutojenna, ia laKupa'jari pamimping siagang panglima, sa'bi kakoasangKu mae ri sikamma bansa-bansaya.

YESAYA 7:14

Kamma-kamma anne, KalenNa Batara lassare tanra mae ri kau: Nia' sallang sitau tulolo latianang siagang allassukang sitau ana' bura'ne, lanaarenga Imanuel.

YEREMIA 30:21

Karaeng ammarentaya ri kau tau battu tonji ri bansanu. Bebasaki ke'nanga a'reppese' ri Nakke punna Kukio' andallekang ri Nakke. Nasaba' inaika barani andallekang ri Nakke ri ero' kalenna? La'jariko ummakKu siagang iNakke a'jari Allata'alanu. INakke, Batara, akkana kamma anjo.”

HOSEA 6:3

Lanri kammana anjo umbamo kippattujuang tojeng-tojeng untu' angngassengi Batara. Mattantu labattui mae ri katte rapang battuna allo ammumbaya ri bari'basaka, siagang rapang bosi ambasaiyai buttaya ri kala'busang wattu bosia.”

AMOS 9:11

Nakana Batara, “Lanarapiki wattunna naKupoterang kakaraenganna Daud. Kamma-kamma anne anjo kakaraenganga kontumi balla' rumbanga. Mingka laKupakabajiki ammotere' tembo'-tembo'na siagang laKubangungi ammotere' sa'genna a'jari sangkamma riolo.

MIKHA 4:10

He pandudu' Yerusalem, ammuriang mako siagang akkunrareng mako rapang baine ammanaka! Nasaba', kamma-kamma anne musti nubokoi kotaya nampa ammantangko ri paranga. Musti a'lampako mange ri Babel, mingka anjoreng laNalappassangko Batara battu ri musu-musunnu.

ZAKHARIA 13:7

Nakana Batara Kaminang Koasaya, “Ammentengko nai' he pa'dang, nampa nubuccu' pakalawaki anjamaya untu' iNakke! Bunoi, natassimbung-simbung sikamma gimbalaka. LaKubunduki ummakKu,

ZAKHARIA 9:9

He pandudu'na Sion, rannu mako! He pandudu'na Yerusalem, makkio' rannuko! Ciniki! Battui Karaennu angngerang pammetang! Ia Karaeng adele' angngeranga kasalamakkang. Mingka tuna pa'maiki lalang kabattuanna A'dongko' keledai, sikayu keledai rungka.

MATIUS 2:1

Anjorengi ri kota Betlehem, ri pa'rasangang Yudea, nilassukang Isa, ri wattunna Herodes ammarenta. Anjo wattua nia'mo siapa are tucara'de' accini' bintoeng, battu raya mange ri Yerusalem.

MATIUS 2:6

‘Ikau Betlehem, ri pa'rasangang Yudea, Tena sikali naikau kaminang tuna ri alla'na sikamma kota lompo niaka ri Yudea, Nasaba' battu ri kaumi lammumba sitau pamimping eroka ampimpingi ummakKu Israel.’ ”

MATIUS 28:18

A'reppese'mi Isa ri ke'nanga, na Nakana, “Sikontu koasaya, ri suruga siagang ri linoa le'ba' ngasemmi nipassareang ri Nakke.

LUKAS 23:2

Anjoreng ri dallekanna Pilatus, nitudumi Isa ri ke'nanga. Nakana ke'nanga, “Anne taua nirapikangi Napasala oloangi ra'yaka. Naajara' salai taua sollanna tena naero' taua a'bayara' sima ri Karaenga, lanri Nakanana KalenNa Iami Almasi, Karaenga.”

LUKAS 23:38

Irateang ri anjo kayu salli'Na Isa, nia' tattulisi' angkanaya: “Iaminne Karaenna tu Yahudia.”

YOHANES 7:42

Kania' tattulisi' lalang ri Kittaka angkanaya anjo Karaeng Mappasalamaka sossoranna Daud siagang labattu anjorengi mae ri Betlehem, iamintu kamponna Daud.”

PAOLE 1:15

Lanri kammana minjo nabattu ri sikamma anjo pamimping le'baka nupile, nia'mo siapa are jaina tucara'de' siagang tuniaka pangalamanna kualle nampa kuangka' untu' angkapalaiko. Nia' siapa are nipa'jari pamimping mae ri sisa'bua tau, nia' a'jari pamimping mae ri sibilangngang tau, siagang nia' todong a'jari pamimping mae ri sampulo tau. Nia' tommo kuangka' siapa are pamimping maraeng untu' angngurusuki massing suku-sukunu.

KOLOSE 1:17

Ri tenanapa nania' sikontu apa-apaya, nia' riolo memammi Almasi. Siagang lanri Ia tommi na massing nia' ri pammantanganna sikontu apa-apaya.

IBRANI 13:8

Tuli kammana Isa Almasi, baji' na riolo, kamma-kamma anne, siagang sa'genna satunggu-tungguna.

IBRANI 7:14

Sikontu rupataua naasseng ngasengi angkanaya battu ri suku Yehuda assala'Na Batarata; na tale'bakai nasero kana Musa anjo sukua ri wattunna nabicara passala'na imang-imanga.

1 YOHANES 1:1

Ia bonena anne kittaka, iamintu passala'na Kana attallasaka, iamintu Kana niaka memammo battu ri pakkaramulanna. Le'ba'mi nalangngere' siagang nacini' mata kalenna ikambe. Le'ba'mi nacini' siagang nata'gala' limanna ikambe.

PAPPICINI' 19:16

Ri jubaNa siagang ri bongganNa nia' tattulisi' areng kammaya anne, “Karaenna sikamma karaenga, siagang Batarana sikamma tumalompoa.”

PAPPICINI' 2:8

“Untu' mae ri malaeka'na jama'ah Smirna, tulisiki kamma anne: Iaminne pappasang battu ri Ia uru-urua siagang kala'busanga, le'baka mate Nattallasa' poleang.

PAPPICINI' 21:6

Nampa Nakana, “Le'ba'mi! INakkemi uru-urua siagang kala'busanga; iNakkemi Batara battu ri Pakaramulaya sa'genna ri Kala'busanga. Sikamma tau turerea laKusare cuma-cumai je'ne' inung battu ri timbuseng je'ne' katallassanga.

HAKING-HAKING 17:7

Ia todong anjo wattua nia' se're turungka battu ri suku Lewi. Anjorengi ri Betlehem ri daera Yehuda ammantang riolo.

RUT 1:1

Ri jammang riolo ri tenanapa karaenna tu Israel, nitutujui bala kacipurang pa'rasangang Kanaan. Anjo wattua nia' sitau bura'ne niareng Elimelekh. Ia assala'na battui ri bija Efrata, siagang anjorengi ri Betlehem ri daera Yehuda ammantang. Passabakkang anjo bala kacipuranga na'lampamo mange ri pa'rasangang Moab siagang bainenna, niarenga Naomi, siagang rua ana'na bura'ne iamintu niarenga Mahlon siagang Kilyon. Nampa ammantammo ke'nanga anjoreng. Na ri wattu nia'na ija ke'nanga anjoreng,

RUT 4:11

Sikamma tutoa-toana masarakaka siagang tumaraengannaya ia hadereka anjoreng massing angkanami, “Iyo, ikambemi sa'bina. Tapporo nipa'jari anjo bainennu ri Batara sangkamma Rakhel siagang Lea, allassukanga jai ana' untu' Yakub. Tapporo kalumanynyangko ri tangnga-tangngana tau battua ri bijanna Efrata, siagang tapporo alla'bangko niasseng ri Betlehem.

1 SAMUEL 10:19

Le'ba' mako Kupassulu' battu ri kapa'risanga siagang kasessanga, mingka kamma-kamma anne nusorongbokoMa' salaku Allata'alanu, lanri nupala'na sollanna Kujo'jokangko sitau karaeng untu' ikau ngaseng. Jari baji'mi, a'rappungang mako ri dallekangKu, anne Bataranu, massing-massing situru' sukunu siagang bija-bijannu.’ ”

1 SAMUEL 17:12

Daud iamintu ana'na Isai tu Efrata, battu ri Betlehem ri Yehuda. Isai nia' sagantuju ana'na bura'ne. Na ri wattu pamarentahanna Saul, toa sikalimi Isai.

1 SAMUEL 17:18

Angngerang tongko sampulo batunna keju untu' komandang pasukanga. Pakkuta'nangngangi antekamma kabara'na sikamma daennu. Siagang angngerangko butti untu' inakke ma'nassana angkanaya sibuntulu' jako ke'nanga na salama'ja ke'nanga.

1 SAMUEL 23:23

Jari paressa baji'-bajiki sikamma kali'bong le'baka napaccokkoi, nampa ammoterekko mae sallang untu' allaporoki mae ri nakke. Nampa la'lampa' siagang ikau ngaseng, siagang punna nia' iji ri anjo daeraya, mattantu lakuboyai, manna pole namusti kupasimbung sikontu Yehuda!”

1 SAMUEL 8:12

Sipa'gang naangka' a'jari perwira mae ri sisa'bu tau, na sipa'gang maraenganga mae ri limampulo tau. Anjo karaenga lanapassai ana'-ana'nu appa'jeko ri koko-kokonna, ampasse'rei wassele' kattoanna, appare' sanjata-sanjata siagang pakkakasa'-pakkakasa' untu' kareta pa'bundukanna.