MIKHA 4:5 - KITTA' MATANGKASA'

⁵ Tunggala' bansaya ri tompo'na buttaya massing anynyombai siagang mannuruki ri massing rewata kalenna. Mingka ikatte lamannurukiki' mae ri Karaeng Allata'alata siagang anynyomba ri Ia untu' satunggu-tungguna.

MIKHA 4:5 Iomraidhean Croise

PA'JARIANG 17:1

Ri wattunna salapampulo assalapang taung umuru'na Abram, Napappicinikammi KalenNa Batara mae ri ia na Nakana, “INakkemi Allata'ala Kaminang Koasaya. Turuki laloA' siagang tuli gaukangi erokKu.

2 KARAENG-KARAENG 17:29

Mingka anjo tau ammantanga ri Samaria tuli napare'na barhala-barhala kalenna ke'nanga siagang naboliki lalang ri balla'-balla' nabangunga tu Israel le'baka ammantang anjoreng riolo. Tunggala' golongang massing napapparekangi kalenna barhala ri kota massing napammantangia ke'nanga:

2 KARAENG-KARAENG 17:34

Sa'genna anne alloa tuli nagaukanna ke'nanga ada' kabiasanna ke'nanga. Tena nanynyomba ke'nanga ri Batara siagang tena todong naturuki hukkung-hukkunNa siagang parenta-parentaNa Napassareanga mae ri jari-jarina Yakub, Naarenga todong Israel.

PAMMUJI 20:6

Na makkio' marannu ikambe lanri pammetannu, nimangngangka' bate-bate untu' mammuji ri Allata'alata. Poro Napa'jari Batara sikontu pappala'nu.

PAMMUJI 48:14

Parhatikangi tembo'na, paressai tembo' pattahanganna, sollanna akkulle nucarita mae ri turungannu:

PAMMUJI 71:16

Kupuji gau' malompoTa, o Karaeng Allata'ala, kupa'la'bangi kaadelanTa, kaadelanTa bawang.

YESAYA 2:5

He, turunganna Yakub, umba ki'jappa lalang singara'Na Batara!

YESAYA 26:13

Le'baki ikambe nikoasai ri karaeng-karaeng maraeng, mingka iKatteji bawang naakui ikambe, o, Karaeng Allata'alana ikambe!

YESAYA 26:8

Mannuruki ikambe ri kaputusanTa, o Batara, siagang mattayang-tayang ri Katte; iKattemi napuji siagang nakanakkukang atinna ikambe.

YEREMIA 32:40

LapparekKa' parjanjiang mannannungang siagang ke'nanga. Tena Kulammari a'gau' baji' mae ri ke'nanga. LaKupa'jari mallaki ke'nanga siagang mappakalompoi ri Nakke lalang sikontu nyawana sollanna tena nabella ke'nanga ri Nakke.

ZAKHARIA 10:12

LaKupa'jari kassaki ummakKu, lamannuruki siagang lanynyombai ke'nanga ri Nakke. INakke, Batara, anne akkana.”

LAMPA-LAMPANA 14:16

Ri jammang allaloa Nacini'-ciniki Allata'ala bansa-bansaya anggaukangi ri tallasa'na apa-apa ero' kalenna.

PAOLE 27:10

Lanri kammana anjo turukimi Batara siagang gaukangi sikontu hukkunNa kupassareanga mae ri kau anne alloa.”

KOLOSE 2:6

Nutarimami Isa Almasi a'jari Bataranu. Lanri kammanami anjo paralluko asse're siagang Ia lalang ri katallassannu,

KOLOSE 3:17

Sikontu apa nugaukanga yareka nupaua, musti nugaukangi siagang nupaui lalang arenNa Batara Isa. Appala' sukkurukko mae ri Allata'ala Manggea lanri apa le'baka Nagaukang Isa untu' ikau.

YOSUA 24:15

Ebara' angkana taerokako anynyomba mae ri Batara, pilei memammi anne alloa, angkana inai lanusomba: rewata-rewata nasombaya boe-boenu riolo ri Mesopotamia yareka rewata-rewatana tu Amori nupammantangngia pa'rasanganna kamma-kamma anne. Mingka ikambe, iamintu inakke siagang sikontu kaluargaku, Batara bawang lakusomba.”