MIKHA 4:3 - KITTA' MATANGKASA'

³ LaNatappuki Batara parkaraya ri tangnga-tangngana bansa-bansaya, ri bansa-bansa kassaka, bellaya siagang ambania. Lanade'deki sikamma pa'danna ke'nanga a'jari pa'jeko siagang sikamma pokena ke'nanga a'jari lading pa'battasa'. Bansa-bansaya tenamo nalasibunduki, tenamo nasadia ero' sibakkai.

MIKHA 4:3 Iomraidhean Croise

PAMMUJI 46:10

Napammari pa'bundukanga ri sikontu linoa, anrong panaya siagang pokea Naancuruki, pa'lapa' a'bundalaka untu' batangkalea Natunui.

PAMMUJI 46:9

Umba, ciniki apa le'baka Nagaukang Batara; tamaka lompona bate pare'Na ri lino!

PAMMUJI 72:3

Poro a'jari coppongi na salewangang pa'rasanganna ikambe, na nia' kaadelang mae ri sikontu bansaya.

PAMMUJI 72:7

Poro pila' a'bakka' kaadelanga lalang sikontu jammanna, na alla'bi-la'bi kacopponganga lalang sikontu bulang niaka.

PAMMUJI 82:8

Battu maKi' o Allata'ala, adelimi linoa, saba' sikontu bansaya iKatte ngaseng pata.

PAMMUJI 96:13

Saba' Batara battu ammarenta ri lino, laNaadeli bansa-bansaya siagang adele' na lambusu'.

PAMMUJI 98:9

Saba' battui untu' angngadeli linoa; bansa-bansaya laNaadeli siagang adele' na tojeng.

YESAYA 2:4

Ia la'jari haking ri tangnga-tangngana bansa-bansaya, annappuki parkara ri tangnga-tangngana suku-suku bansaya. Lanide'deki pa'danga a'jari pa'jeko, siagang pokea a'jari pa'battasa'. Tenamo nalasibakkai bansa-bansaya, tena tommo natuli sadia ero' a'bundu'.

YESAYA 25:3

LanipujiKi' ri bansa-bansa makassaka, siagang lanikamallakkangKi' ri kota-kotana sikamma bansa pallaka.

YESAYA 51:5

A'reppese'mi kasalamakkang laKupassareanga; a'birimmi battu pammetangKu. KalengKu lammarenta mae ri bansa-bansaya. Sikamma pa'rasangang bellaya natayang-tayangA' siagang naminasai gau' malompoKu.

YESAYA 60:12

Bansaya siagang kakaraengang tenaya natundu' ri kau, laancuruki siagang lalanynyaki.

YESAYA 65:25

Serigalaya siagang gimbalaka lasiagangi sipa'rukukang; singaya angnganre rarame sangkamma sapi, siagang ularaka tenamo bahayana. Ri sikontu bulu' matangkasakKu, tenamo lappakarugi siagang a'gau' ja'dala'.”

YESAYA 9:7

Napabattumi Batara hukkunganga mae ri kakaraenganna Israel.

DANIEL 2:44

Ri wattu ammarentana anjo sikamma karaenga, Allata'ala ri suruga lappaentengi se're kakaraengang lattahanga satunggu-tungguna siagang tenaya nakkulle lanibeta ri manna bansa battu kemae. Anjo kakaraenganga lanaancuru' tabasikali anjo sikamma kakaraengang maraenga.

HOSEA 2:18

Anjo wattua lapparekKa' parjanjiang siagang sikontu rupanna olo'-oloka, sollanna tanaganggua ke'nanga ummakKu. LaKupammari sikontu pa'bundukanga siagang Kupabella ngasengi sikontu pakkakasa' pa'bundukanga battu ri pa'rasanganna ummakKu, naKupakasannang siagang Kupakaamang tallasa'na ke'nanga.

HOSEA 2:20

LaKunikkaiko situru' janjingKu. LanuaniA' salaku Bataranu.

YO"EL 3:2

Sikontu bansaya laKupasse'rei nampa Kuerang mange ri Ka'bung Pangadelanga. Nampa Kuadeli ke'nanga anjoreng lanri kaja'dallanna ke'nanga mae ri ummakKu, iamintu lanri nabage-bagena butta Israel nampa napela' ummakKu mange ri a'rupa-rupa pa'rasangang.

ZAKHARIA 14:3

Nampa lamaju Batara untu' a'bundu' angngewai anjo bansa-bansaya, sangkamma le'baka Nagaukang ri jammang riolo.

ZAKHARIA 8:20

Nakana Batara Kaminang Koasaya, “Labattui sallang wattunna nabattu pandudu' battua ri jaia kota mange ri Yerusalem.

ZAKHARIA 9:10

Nakana Batara, “LaKupelaki kareta-kareta pa'bundukang battua ri Efraim, sikontu jarang niaka ri Yerusalem laKupa'lanynyaki siagang sikontu panaya laKuancuruki. Lanapa'la'bangi napabattu Karaennu passiamakkanga ri alla'na bansa-bansaya. Lakoasai battu ri tamparang se'rea mange ri tamparang maraenga, battu ri Binanga Efrat sa'genna ri cappa'na linoa.”

LAMPA-LAMPANA 17:31

Nasaba' le'ba'mi Napattantu wattunna nalaNaadeli sikontu bonena anne linoa siagang adele'. Anjo tugasaka lanagaukangi tau le'bakamo nipile ri Allata'ala untu' anggaukangi anjo tugasaka. Na sollanna akkulle tappa' ngaseng taua ri anjo passalaka, Napattallasa' poleammi Allata'ala anjo taua battu ri kamateanga!”

PAPPICINI' 19:11

Tassungkei kucini' surugaya, nampa nia' kucini' sikayu jarang kebo'. PabaeNa niarengi I Tamamminraya siagang I Tojeng. Adeleki hukkungang Natappukia siagang pa'bundukang Nagaukanga.

1 SAMUEL 2:10

Musu-musunNa Batara ancu'-ancuruki, mallaki ke'nanga; a'gunturuki battu ri langika. Batara angngadeli sikontu anne linoa, na Nasare koasa mala'biri' ri karaeng Nipilea.”