MIKHA 4:12 - KITTA' MATANGKASA'

¹² Mingka tanaassengai anjo bansa-bansaya angkanaya apa Narancanakang Batara. Tanaassengai kalenna ke'nanga angkanaya nipakkumpuluki ke'nanga untu' nihukkung, rapang gandung nipasse'rea untu' nipatunrung.

MIKHA 4:12 Iomraidhean Croise

PAMMUJI 147:19

Napabattui pasanNa mae ri umma'Na, katantuanNa siagang hukkunNa mae ri umma' nipileNa.

PAMMUJI 147:20

Tena Nagaukangi kammaya mae ri bansa-bansa maraenga, tena naassengi ke'nanga hukkung-hukkunNa. Pujimi Batara!

YESAYA 10:7

Mingka karaeng Asyur nia' rancana kalenna. Eroki ampakei katerassanga siagang napaccappu' jaia bansa.

YESAYA 21:10

He bansaku Israel! Le'ba' mako nilissarrang siagang nionjo'-onjokang rapang lisere'-lisere' gandung. Kamma-kamma anne kupabattuangko kabara' baji', ia kulangngereka battu ri Batara Kaminang Makoasaya, Allata'alana Israel.

YESAYA 29:7

Nampa sikontu pasukang bansa maraeng battua ambunduki Yerusalem, kota tampa' pakkoro'bangnganga mae ri Allata'ala, yangasenna tau niaka antammulili siagang ambunduki anjo kotaya, lalanynya' ngasengi rapang so'na ri wattu bangngina.

YESAYA 55:8

Nakana Batara, “PikkirangKu teai pikkirannu, siagang oloangKu teai oloannu.

YEREMIA 29:11

Sai iNakke KalengKu angngassengi rancana-rancanaKu mae ri kau ngaseng? Anjo rancana-rancanaya tena nalanaerangko mae ri kapanrakanga, mingka untu' kasalewangannu siagang untu' ansareko panrannuang baji' untu' allo nudallekanga.

YEREMIA 51:20

Nakana Batara, “Babel, ikau rapangko palu-palu, sanjataKu untu' a'bundu'. Kupakeko antunrungi bansa-bansaya siagang sikamma kakaraenganga.

YEREMIA 51:33

Tasalloami nanibeta ke'nanga siagang nionjo'-onjokang ri musua rapang gandung ri tampa' panggilinganga. INakke, Batara Kaminang Koasaya, iamintu Allata'alana Israel, anne akkana.”

YO"EL 3:2

Sikontu bansaya laKupasse'rei nampa Kuerang mange ri Ka'bung Pangadelanga. Nampa Kuadeli ke'nanga anjoreng lanri kaja'dallanna ke'nanga mae ri ummakKu, iamintu lanri nabage-bagena butta Israel nampa napela' ummakKu mange ri a'rupa-rupa pa'rasangang.

LUKAS 3:17

Nia'mi lalang limanNa pa'dinginga, untu' laNapake antapi sikamma berasaka sa'genna tangkasa'. LaNapasse'rei berasaka lalang ri pammolikanna; mingka awanga laNatunui ri pepe' tenaya nalammari rinrana!”