MIKHA 4:1 - KITTA' MATANGKASA'

¹ Ri allo-allo labattua bonto, tampa' Balla'Na Batara, lammenteng kassaki nai' ri langika la'biangngangi nasikamma monconga siagang bonto-bontoa. Sikontu bansaya a'balulungi mange anjoreng

MIKHA 4:1 Iomraidhean Croise

PA'JARIANG 49:1

Nampa nakio'mi sikamma ana'na Yakub, nampa nakana, “A'rappungang mako anrinni, ri ampikku. Lakupauangko apa lakajarianga mae ri kalennu ri allo ri boko:

PA'JARIANG 49:10

Yehuda lanna'gala' takkang kakaraengang. Turunganna lammarenta satunggu-tungguna. Bansa-bansaya langngerangi passare, nasu'ju' tundu' ri dallekanna.

PAMMUJI 110:3

Ri allo battunu siagang koasa, ri bulu' matangkasa' ra'ya'nu maju siagang pa'mai' rella. Sanrapang saliu' ri bari'basaka, sikamma tau rungkaya battu mae ri kau.

PAMMUJI 22:27

Tu kasi-asia langnganrei sa'genna bassoro'; tau battua mae ri Batara lamammuji ri Ia. Poro salewangang ngasengko sa'genna satunggu-tungguna!

PAMMUJI 48:1

Pammujina golongang Korah.

PAMMUJI 86:9

Sikontu bansa Kipa'jaria labattu ngasengi, o, Batara, untu' anynyomba mae ri Katte siagang mammuji ri kalompoanTa.

YESAYA 27:13

Anjo wattua lanipasa'rai tarompe' lompoa untu' angkioki ammotere' sikontu tu Israel nipelaka mange ri Asyur siagang Mesir. Labattui ke'nanga Mange ri Yerusalem untu' anynyomba ri Batara, ri bulu' matangkasa'Na.

YESAYA 43:6

Kuparentakangi mae ri wara' siagang ri timboro', sollanna linta' ke'nanga nilappassang. Lappassammi ana'-ana' bura'nenu ammotere' battu bella, siagang ana'-ana' bainenu ammotere' battu ri cappa'-cappa'na buttaya.

YESAYA 49:6

Nakana Batara ri nakke, “He atangKu, attayangi tugasa' lompoanganga ri kau; tena nanupoterang bawang sesa turunganna Yakub siagang nupoterang kalompoanna suku-suku Israel, mingka Kupa'jari tongko singara' mae ri bansa-bansaya, sollanna nipasalama' sikontu bonena linoa.”

YESAYA 54:2

Luarrimi kema-kema pammantangannu; la'bui otere'na siagang pakajarreki patto'-patto'na!

YESAYA 56:7

“LaKuerangko mange ri Sion, mange ri bulu' matangkasakKu, na Kusareko karannuang ri balla' sambayangKu. LaKutarimai sikamma koro'bang nupassareanga ri tampa' pakkoro'bangngangKu. BallakKu laniarengi balla' pappala' doangang untu' sikontu bansaya.”

YEREMIA 16:19

O Batara, iKattemi alla'langngia' siagang assarea' kagassingang; iKatte antulunga' ri wattungku kasukkarang. Labattui bansa-bansaya battu ri cappa'na linoa mae ri Katte na nakana, “Boe-boena ikambe poro rewata takontutojengaji bawang napatappa', tena sikalia matu-matunna.

YEREMIA 26:18

“Ri wattunna Hizkia a'jari karaeng Yehuda, Na'bi Mikha battu ri Moresyet napabattui mae ri ra'yaka anne kana battua ri Batara Kaminang Koasaya, angkana, ‘Sion lanipa'jekoi rapang koko, Yerusalem la'jari pannambungang rumbangngang, siagang Bulu' Balla'Na Batara la'jari romangi.’

YEREMIA 3:17

Anjo wattua kota Yerusalem laniarengi ‘Empoang Kala'biranNa Batara’, siagang sikontu bansaya la'rappungi ri anjo kotaya untu' anynyomba ri Nakke. Tenamo nalanaturuki ero' kalenna ke'nanga ja'dalaka siagang kapala batua anjo.

YEREMIA 31:12

Labattui ke'nanga mange ri Bulu' Sion accaya nicini' rupanna, akkelong a'rannu-rannu lanri sikontu passareKu mae ri ke'nanga, iamintu gandung, minynya', anggoro', sapi siagang gimbala'. Rapang ke'nanga koko ga'ga gannaka ri je'ne, siagang tena kakurangang apa-apa.

YEREMIA 48:47

Mingka sallang, laKupa'jari bajiki ammotere' katallassanna pa'rasangang Moab. INakke, Batara, anne akkana!” Iaminjo Nagaukanga Batara mae ri Moab.

YEHEZKIEL 38:16

Nampa nubunduki ummakKu Israel rapang anging lompo antujui buttaya. Punna narapi' sallang wattunna, laKukiringko mange angngempoi buttaKu. Lanri tindakangKu tete ri kau, he Gog, lanaassemMa' bansa-bansaya angkanaya inaiA' anne, iamintu Allata'ala matangkasaka.

YEHEZKIEL 40:2

Lalang se're paccini', Naeranga' kucini' Allata'ala mange ri butta Israel nampa nabolikka' ri moncong tinggia. Ri dallekangku nia' kucini' sipa'gompoang bangunang santanjaka se're kota.

YEHEZKIEL 43:12

Iaminne sipa' kalenna Balla'Na Batara: Sikontu tampaka ri tammulilina ri coppo'na buluka sanna' matangkasa'na.”

DANIEL 10:14

Battua' untu' ampipahangngiangko apa lakajarianga sallang mae ri bansanu. Anne paccinika, iamintu passala'na allo labattua sallang.”

DANIEL 2:28

Mingka ri suruga, nia' Allata'ala akkulle ansungkei sikontu rahasiaya, siagang Iami le'ba' ampauangki' karaeng apa lakajarianga ri allo ri boko. Kamma-kamma anne, boli'mi kamma nanapakasingara' atanta angkana apa so'nata siagang kicini' ilalang tinrota karaeng.

DANIEL 2:35

Rumbang silalonnami anjo patunga nampa a'jari tambungang bassi, butta pi', tambaga, pera', siagang bulaeng; ancuru' taba sikalimi anjo patunga sangkamma limbu'bu' niaka ri tampa' pa'lessorang gandunga punna wattu timoro'. Anri'ba'-ri'ba'mi anjo timbunganga niiri' ri anging, sa'genna tena sikalimo bate-batena manna sike'de'. Mingka anjo batu anrumbangai anjo patunga a'jari pila' lompomi sangkamma moncong lompona na napirassi sikontu buttaya.

DANIEL 2:44

Ri wattu ammarentana anjo sikamma karaenga, Allata'ala ri suruga lappaentengi se're kakaraengang lattahanga satunggu-tungguna siagang tenaya nakkulle lanibeta ri manna bansa battu kemae. Anjo kakaraenganga lanaancuru' tabasikali anjo sikamma kakaraengang maraenga.

DANIEL 7:14

Nisarei kalompoang siagang kakoasanga salaku karaeng, sa'genna sikamma tau battua ri sikontu bansaya, suku bansaya siagang bahasaya napare' atai kalenna mae ri ia. Lattahangi kakoasanna satunggu-tungguna, siagang pamarentahanna tena nalanigulung.

DANIEL 7:18

Mingka umma'Na Allata'ala Kaminang Tinggia lannarimai ha' untu' ammarenta siagang anjo pamarentahanna lattahangi satunggu-tungguna.”

DANIEL 7:22

Nampa Ia anjo mattallasaka satunggu-tungguna battui nampa assare kaputusang Napattojeng umma'Na Allata'ala Kaminang Tinggia. Narapi'mi wattunna ke'nanga annarima koasa untu' ammarenta.

DANIEL 7:27

Koasana siagang kalompoanna sikontu kakaraenganga ri buttaya lanipassareangi mae ri umma'Na Allata'ala Kaminang Tinggia. Koasana ke'nanga untu' ammarenta tena kala'busanna siagang sikontu pamarentaya ri buttaya lanapa'jari atai kalenna mae ri ke'nanga, siagang lamannuruki ri ke'nanga.”

HOSEA 3:5

Mingka lanarapiki sallang wattunna nalammotere' bansa Israel mae ri Karaeng Allata'alana ke'nanga, siagang mae ri karaenna ke'nanga battua ri jari-jarina Daud. Nampa lamalla' siagang lanapakalompo ke'nanga Batara, kammayatompa nanatarimamo barakka'-barakka'Na.

MIKHA 3:12

Lanri anjo kaja'dallannu, lanipa'jekoi Sion rapang koko, la'jari tambungang loroi Yerusalem, siagang la'jari romangi bonto Balla'Na Batara.

ZAKHARIA 14:10

Sikontu pa'rasanganga appakkaramula battu ri Geba bageang wara' sa'genna Rimon ri bageang timboro', la'jari lappara' ngasengi. Mingka Yerusalem lammenteng tinggi nai', la'bi tinggiangngang nabutta niaka ri tammulilina; anjo kotaya la'la'baki appakkaramula battu ri Pakke'bu' Lompo Benyamin sa'genna mange ri Pakke'bu' Lompo Panyingkulu', iamintu tampa'na pakke'bu' lompo Makase'rea siagang battu ri Menara Hananel sa'genna mange ri tampa' pammaccokang anggoro'na karaenga.

ZAKHARIA 2:11

Anjo wattua jai bansa labattu mae ri Batara untu' a'jari umma'Na. Ia lammantang ri tangnga-tangnganu, siagang lanuassengi angkanaya Batara assuroa' battu mae ri kau ngaseng.

ZAKHARIA 8:3

LammoterekKa' mange ri Yerusalem, anjo kota matangkasakKu, nampa ammantang anjoreng. Laniassengi Yerusalem salaku kota tamamminraya, siagang bontoNa Batara Kaminang Koasaya lanigallaraki Bonto Matangkasa'.

MALEAKHI 1:11

NipakalompoA' ri sikamma bansa-bansaya ri sikontu linoa. Kere-keremae nitunui dupaya untu' ampakalompoi arengKu siagang nipassareangi sikamma koro'bang siratanga, ba'lalo sikontu bansaya napakalompoA'.

LAMPA-LAMPANA 2:17

Nakana Allata'ala, ‘Ri allo kala'busanna jammanga laKupaturungi RohKu mae ri sikamma taua. Lanapabattuangko ana'-ana' bura'nenu siagang ana'-ana' bainenu sikamma apa-apa le'baka Kupabattu mae ri ke'nanga. Lanaciniki tu rungkanu apa-apa Kupappicinikanga mae ri ke'nanga. Lasso'nai tu toa-toanu, iamintu so'na Kupabattua mae ri ke'nanga.

IBRANI 1:2

Mingka anne ri kala'busang jammanga, a'bicarami mae ri katte tete ri Ana'Na. Tete ri Iami anne Ana'Na naNapa'nia' sikontu linoa siagang bonena. Siagang Napattantumi Allata'ala angkanaya Ia tommi anne Ana'Na siratang angkammai sikontu apa-apa niaka.

2 PETRUS 3:3

Uru-urua, musti nuassengi angkanaya ri allo-allo kala'busanga sallang, lania' ammumba sikamma tau nikoasaia katallassanna ri hawa napasu kalenna. Lanacau-cauko ke'nanga,

PAPPICINI' 11:15

Nampa napasa'ra tarompe'na malaeka' makatujua; na nia'mo nilangngere' ri suruga sa'ra-sa'ra sannaka lompona, angkanaya, “Kamma-kamma anne nia'mi lalang limanNa Batarata siagang Karaeng Mappasalama' Napa'janjianga kakoasanga untu' ammarenta ri anne linoa, iamintu Karaeng Mappasalama' Napa'janjianga. Lammarentai sa'genna satunggu-tungguna!”

PAPPICINI' 15:4

Inai tamallakka ri Katte, Batara? Inai taeroka ampa'la'bangi kalompoanTa? IKatteji bawang matangkasaka. Sikontu bansaya labattui anynyomba ri Katte, nasaba' nacini' ngasemmi sikontu taua kaadelang le'baka Kigaukang.”

PAPPICINI' 20:4

Nampa kucini' sikamma anjo empoang kala'biranga siagang sikamma tau niaka ammempo irate nisarei koasa untu' annappuki hukkungang. Kucini' tommi nyawana sikamma tau le'baka nisamballe passabakkang a'jari sa'bina ke'nanga ri passala'na Isa, siagang napa'la'bang pappasang battua ri Allata'ala. Yangasenna anjo taua tanasombayai olo'-oloka, yareka patunna. Tena todong nale'ba' ke'nanga anggappa pammatei battu ri anjo olo'-oloka, iamintu pammatei irateanganna kanynyinna yareka ri limanna ke'nanga. Jari attallasa' poleammi ke'nanga siagang ammarentami a'jari karaeng ke'nanga sisa'bu taung sallona siagang Almasi.