MIKHA 3:4 - KITTA' MATANGKASA'

⁴ Lanarapiki wattunna nulappala' tulung ngaseng mae ri Batara, mingka taerokai appiali. Tena nalaNapilangngeri sikamma pappala' doannu, lanri le'ba'na nugaukang kaja'dallanga.

MIKHA 3:4 Iomraidhean Croise

AYUB 27:9

Maka laNapilangngeri Allata'ala karru'na punna nitujui ri kasukkarrang?

AYUB 35:13

Sia-siaji ke'nanga akkiok-kio' tojeng; Tanicinikai siagang tanipilangngeriai ke'nanga ri Kaminang Koasaya.

PAMMUJI 18:41

Kipalari musungku battu ri nakke; Kipa'jari possoki sikamma tau mangngabirissia ri nakke.

PANGNGEBARANG 1:28

Anjo wattua lakkio' ngasengko mae ri nakke, mingka talappialia'. Lanuboya' ri kere-keremae, mingka talanubuntula'.

PANGNGEBARANG 28:9

Punna tena numannuruki ri hukkunNa Allata'ala, latakkoa' tongi Allata'ala ri pappala' doannu.

YESAYA 1:15

Punna nupatara limannu appala' doang, tena Kuero' amparhatikangi. TaKujampangiai angkana siapa jaina pappala' doannu, taerokA' ampilangngeri, nasaba' iaminjo limannu jai sikali tau nabuno.

YESAYA 3:11

Mingka cilakai tau ja'dalaka! Lanihukkungi ke'nanga kamma nigaukanga mae ri tau maraenga.

YEREMIA 11:11

Lanri kammana anjo, iNakke, Batara, Kupappakaingakkangi angkanaya lappaturungA' bala mae ri ke'nanga, siagang takkulleai ke'nanga alliliangi. Punna akkio' ke'nanga appala' tulung ri Nakke, teA' ampilangngeri.

YEREMIA 14:12

Manna pole appuasa ke'nanga, tena Kuero' amparhatikangi pakkio'na ke'nanga appala' tulung; siagang manna pole assare ke'nanga mae ri Nakke koro'bang nitunu siagang gandung, mingka tena nalasannang nyawaKu mae ri ke'nanga. Kabalekanna, laKutumpasaki ke'nanga lanri pa'bundukang, kacipurang, siagang garring.”

YEREMIA 33:5

tena matu-matunna angngewai tu Babel, nasaba' anjo kammaya poro lanapakajaiji maya'na tau Kubunoa lanri larroKu siagang lussakKu mae ri ke'nanga. TaerokaMa' anciniki pole anne kotaya, lanri sikamma taunna nagaukangi kaja'dallanga.

YEREMIA 5:31

a'balle-ballei na'bi-na'bia, sikamma imanga allayani situru' ri ero' pa'mai' kalenna na ikau ummakKu nungai anjo kammaya. Mingka apa lanugaukang punna battu allo kala'busanga?”

YEHEZKIEL 8:18

Lanapisa'ringi ke'nanga pangngalarroi lompoKu! Tena nalaKumaapakkang siagang laKupammopporang ke'nanga. Manna pole na'gora-gora lompo tojeng ke'nanga appala' doang ri Nakke, tena nalaKupilangngeri ke'nanga!”

MIKHA 3:7

Tau ambotoai allo labattua la'jari siri'-siriki lanri tena nakontutojeng botona. Lasiri'-siri' kabusuki ke'nanga lanri tena naNipiali ke'nanga ri Allata'ala.

MIKHA 7:13

Mingka buttaya la'jari kalotoroki lanri kaja'dallanna pandudu'na.

ZAKHARIA 7:13

Tena naKupiali pappala' doanna ke'nanga, lanri tenana todong namappilangngeri ke'nanga ri wattungKu a'bicara.

MATIUS 7:22

Punna narapi' sallang allonna niadeli taua, jai tau lakkiok-kio' ri Nakke angkana, ‘O, Batara, o, Batara, sai lalang arenTa tonji le'ba' kupabattu pappasanNa Allata'ala? Sai lalang arenTa tommi le'ba' kubongka setanga, anggaukangi gau' appakalannasaka?’

LUKAS 13:25

Ri wattunna ambangung patanna balla' siagang natongko' pakke'bu'na, ammentengko pantaranganna ballaka nanukatto'-katto' pakke'buka nukana, ‘Karaeng, kisungke sai pakke'buka!’ Lappialimi anjo karaenga nakana, ‘Takuassengako angkana tau battu kemaeko!’

YOHANES 9:31

Naniassemmo angkanaya tanipilangngeriai ri Allata'ala pappala'na tau dorakaya; iaji nipilangngeri pappala'na tau ampakala'birikai Allata'ala, siagang anggaukangai ero'Na.

YAKOBUS 2:13

Nasaba' talaNapa'nyatayai pangngamaseanNa Allata'ala mae ri tau tenaya nangngasseng mangngamaseang. Mingka la'bi jarrekangangi pangngamaseanga na anjo hukkunganga!

1 SAMUEL 8:18

Punna narapi'mo wattunna anjo kammaya, lakkunrareng mako lanri anjo karaeng nupilea, mingka taerokai Batara ampilangngeri kunrarennu.”