MIKHA 2:3 - KITTA' MATANGKASA'

³ Lanri kammana anjo Nakana Batara, “Kurancanakangi bala lompoa mae ri kau ngaseng, sa'gennu takkullea ta'lappasa'. Ri anjo wattu sialaka tenamo nula'jappa tampo.

MIKHA 2:3 Iomraidhean Croise

YESAYA 29:20

Iaminjo kale'bakkanna sikamma tau anjallakkangai paranna tau siagang anghinayai Allata'ala. LaNahukkungi Allata'ala sikontu tau dorakaya,

YESAYA 3:16

Nakana Batara, “Teai sipato' borrona bai'-bainea ri Yerusalem! Sanna' lalena, nangai akkido kanynying siagang tampo sikali nicini' a'jappa. Napare'-pareki dakkana, a'rincing-rincingi ponto bangkenna.

YESAYA 5:19

Nukana, “Lappassammi angngalle linta' tindakang Karaeng, Allata'ala matangkasa'na Israel! Boli'mi kamma Nagaukang rancanaNa, sollanna niciniki siagang niassengi.”

YEREMIA 18:11

Nakana Batara ri nakke, “Kamma-kamma anne, pabattui mae ri sikamma tu Yehuda siagang pandudu'na Yerusalem angkanaya kamma-kamma anne apparekKa' rancana untu' ambaliangi ke'nanga, siagang Kupasadiangi ke'nanga hukkungang. Suroi ke'nanga ampamari cara tallasa'na ke'nanga dorakaya kammayatompa napakabajiki panggaukanna ke'nanga.

YEREMIA 27:12

Inakke, Yeremia, kupabattu tongi anne pasang kammaya mae ri Zedekia karaeng Yehuda. Kukana, “Manyara mako mae ri karaeng Babel. Mannurukiko ri ia siagang ri bansana, sollanta salama' karaeng.

YEREMIA 36:23

Kamma le'ba'na Yehudi ambacai tallu yareka appa' barisi' naung, napolommi anjo bageanga siagang lading ca'di nampa napasambila antama' ri pepeka. Kammami anjo tulusu' nagaukang sa'genna la'busu' natunu ngaseng sikontu anjo kitta' nigulunga.

YEREMIA 43:2

Nampa Azarya ana'na Hosaya siagang Yohanan ana'na Kareah kammayatompa sikontu tau maraeng tampoa ngaseng, nakana ri nakke, “A'balle-balleko. Tena Nasuroko Karaeng Allata'alana ikambe ampisangkai ikambe untu' a'lampa mange ammantang ri Mesir.

YEREMIA 8:3

Na sikamma tau attallasaka ija battu ri anne bansa ja'dalaka, le'baka Kupasiara' mange-mange, lala'bi erokangngangi matea kala attallasaka. INakke, Batara Kaminang Koasaya, anne akkana.”

PIRAUNG 1:14

Napasse're kabusuki dosaku nampa Nasikko' Napa'jari se're, na Nagentung ri kallongku sa'gengku a'jari lamma napakamma battala'na. Napassareanga' Batara mae ri musua; na tena kulleku angngewai ke'nanga.

PIRAUNG 2:17

Nagaukammi pa'gammara'Na Batara apa le'baka Narancana riolo na Napappakaingakkang mae ri katte. Tamammaling-malimmi angngancurukki', Nasarei musua pammetang. Napa'jari rannui ke'nanga anciniki katu'guranta.

PIRAUNG 5:5

Rapang olo'-olo' nipassai ikambe anjama battala', mangngangi ikambe, mingka tanikellaiaki' ammari-mari.

DANIEL 4:37

Jari kamma-kamma anne, inakke Nebukadnezar, kupuji, kupakatinggi siagang kupakala'biriki Karaenga ri Suruga. Sikontu Nagaukanga annabai siagang adeleki, siagang akkullei Napakatuna tau tampoa panggaukanna.

AMOS 2:14

Manna tau gassinga lari tena todong nakkulle lata'lappasa'; tau gassinga latappelaki kagassinganna, siagang tau porea takkulleai napasalama' kalenna.

AMOS 3:1

Pilangngeri anne pasanNa Batara, he Bansa Israel le'baka nierang assulu' battu ri Mesir ri Batara! Nakana Batara,

AMOS 3:2

“Battu ri sikontu bansaya ri lino, ikaumi se're-se'rea bansa Kuassenga siagang Kuparhatikanga. Iaminjo saba'na nalompo dosanu, siagang ma'nassa laKuhukkung ngasengko.”

AMOS 5:13

Lanri anjo panggaukannu, nabajikangngammo nasa'ring tucara'deka a'mereki mamo ri anjo jammang kaja'dallanga.

MIKHA 2:1

Cilakai tau a'rancanaya kaja'dallang lalang attinrona ri katinroanga ri wattu bangngia, nampa nagaukang anjo rancanana ammukona bari'basa' lanri nia'na pakkullena untu' anggaukangi.

ROMA 16:4

Le'baki ke'nanga sike'de' mate lanri ero'na ke'nanga ampalilia' ri balaya. Appala' sukkurukka' mae ri ke'nanga; ba'lalo teai inakke bawang, mingka sikontu jamaah bansa-bansa maraenga appala' tarima kasi' ngasengi mae ri ke'nanga.

EFESUS 5:16

Pake bajiki sikontu kasampatang niaka ri kau; nasaba' anne jammanga, jammang kaja'dallang.

PAOLE 28:48

Lanri kammana minjo namusti nupare' ata kalennu mae ri musu-musunnu Nakiringa Batara untu' angngewako. Lanaalleko cipuru', turere, siagang lassolarakko kammayatompa lakakurangangko lalang sikontu passala'. Lanikapallakkiko nijallakkang ri Batara sa'gennu ancuru'.

YAKOBUS 2:13

Nasaba' talaNapa'nyatayai pangngamaseanNa Allata'ala mae ri tau tenaya nangngasseng mangngamaseang. Mingka la'bi jarrekangangi pangngamaseanga na anjo hukkunganga!