MIKHA 2:13 - KITTA' MATANGKASA'

¹³ LanynyungkeA' oloang nampa Kuerangko assulu' battu ri pammelakkanga. Lanulappoi pakke'bu'-pakke'bu' lompoa nampa bebasakko a'lampa. INakke KalengKu, Batara, Karaennu, siagang iNakke lampimpingko assulu'.”

MIKHA 2:13 Iomraidhean Croise

KALAPPASSANG 14:19

Nampa malaeka'Na Allata'ala, ia niaka ri dallekanna pasukang Israel, a'letteki mae ri bageang ri boko. A'lette' tommi anjo benteng rammanga,

YESAYA 42:7

Untu' ansungkei matanna tau butaya, siagang allappassangi taua battu ri sassanna tarungkua.

YESAYA 51:12

Nakana Batara, “INakkemi ansaleori ngasengko. Angngapa numalla' mae ri rupatau lamatea, mae ri rupatau nipelaka rapang ruku'?

YESAYA 52:12

Tena nula'lampa karo-karo, siagang tena nusangkamma tau laria. Saba' laNarurungangko Batara; laNajagaiko Allata'alana Israel battu ri tammulilinu.

YESAYA 55:4

Sikontutojenna, ia laKupa'jari pamimping siagang panglima, sa'bi kakoasangKu mae ri sikamma bansa-bansaya.

DANIEL 2:44

Ri wattu ammarentana anjo sikamma karaenga, Allata'ala ri suruga lappaentengi se're kakaraengang lattahanga satunggu-tungguna siagang tenaya nakkulle lanibeta ri manna bansa battu kemae. Anjo kakaraenganga lanaancuru' tabasikali anjo sikamma kakaraengang maraenga.

HOSEA 1:11

Bansa Yehuda siagang bansa Israel lanipakase'rei ammotere'. Langngangkaki ke'nanga sitau pamimping, siagang la'bakkaki ke'nanga kammayatompa lakkalumanynyangi ammotere' ke'nanga ri pa'rasangang kalenna. Tojeng, allo Yizreel la'jarimi allo lompo!

HOSEA 13:14

Anne bansaya tena nalaKupasalamaki battu ri linona tau matea. He kamateanga, pa'la'bammi racunnu! Gaukammi anjo jama-jamannu angngancuruka! Tenamo naKukamaseangi anne bansaya.

HOSEA 2:2

Nakana Batara, “He ana'-anakKu, anjo amma'nu teaimi bainengKu, siagang iNakke teaiMa' bura'nenna. Lanri kammana anjo akkara-kara mako siagang ia, sollanna tenamo na'gau' bawang siagang assundala' pole.

HOSEA 3:5

Mingka lanarapiki sallang wattunna nalammotere' bansa Israel mae ri Karaeng Allata'alana ke'nanga, siagang mae ri karaenna ke'nanga battua ri jari-jarina Daud. Nampa lamalla' siagang lanapakalompo ke'nanga Batara, kammayatompa nanatarimamo barakka'-barakka'Na.

MIKHA 2:12

Nakana pole Batara, “He umma' Israel niaka ija tassesa! Ma'nassa laKupa'rappungko siagang Kupasse'reko rapang gimbala' ammotereka mae ri barana. Rapang parang ruku' rassia siagang gimbala', kamma tomminjo pa'rasangannu larassi siagang tau jai.

MIKHA 3:1

Pilangngeri, he ikau sikamma tukoasana Israel! Mustina nuassengi nikanaya apa adele',

MIKHA 4:7

Nipa'jarimi ke'nanga rapang tau peso' siagang bella battu ri butta passolongang cera'na. Mingka, battu ri anjo sikamma tau tassesaya laKupakaramulai se're turungang beru. La'jari ke'nanga bansa lompo siagang kassa'. INakke lammarenta ri ke'nanga ri Bonto Sion sa'genna satunggu-tungguna.”

ZAKHARIA 10:12

LaKupa'jari kassaki ummakKu, lamannuruki siagang lanynyombai ke'nanga ri Nakke. INakke, Batara, anne akkana.”

IBRANI 6:20

Le'ba'mi Nasungke Isa oloang mangea anjoreng ri tampaka untu' ikatte; siagang le'ba'mi antama' anjoreng a'jari Imang Malompota satunggu-tungguna lalang ri golonganna Imang Melkisedek.

YOSUA 3:6

Nampa naparentakang Yosua sikamma imanga sollanna naangka' anjo Patti Parjanjianga nampa a'lampa riolo ri dallekanna umma' Israel. Nagaukammi ke'nanga anjo apa naparentakanga Yosua mae ri ke'nanga.

PAPPICINI' 17:14

La'bunduki ke'nanga angngewai anjo Ana' Gimbalaka. Mingka lanibetai anjo sikamma karaenga ri anjo Ana' Gimbalaka siagang sikamma taunNa tamamminraya le'baka Nakio' siagang Napile; nasaba' Ia minjo Ana' Gimbalaka Batarana sikamma tumalompoa, siagang Karaenna sikamma karaenga.”

PAPPICINI' 7:17

nasaba' anjo Ana' Gimbala' ammempoa ri tangnga-tangngana anjo empoang kala'biranga la'jari pakalawaki mae ri ke'nanga. Lanirurungangi ke'nanga mae ri timbuseng je'ne' assarea katallassang. Na Allata'ala lassapui sikamma je'ne' matanna ke'nanga.”