MIKHA 2:10 - KITTA' MATANGKASA'

¹⁰ Ambangung mako siagang a'lampamako, anrinni tenamo naamang. Dosa-dosana appabattui bala appakamalla'-malla' mae ri anne tampaka.

MIKHA 2:10 Iomraidhean Croise

1 KARAENG-KARAENG 9:7

laKubongkai ummakKu Israel battu ri pa'rasangang le'baka Kupassareang mae ri ke'nanga. LaKubokoi tongi anne balla' le'baka Kupattantu untu' a'jari tampa' passambayangannu mae ri Nakke. Kemae-kemae bansa Israel lanihina siagang lanikakkali.

2 KARAENG-KARAENG 15:29

Ri wattu ammarentana Pekah, naallei karaeng Asyur iamintu niarenga Tiglat-Pileser kota-kota Iyon, Abel-Bet-Maakha, Yanoah, Kedes, Hazor, daera Gilead, Galilea siagang Naftali. Pandudu'na niengkaki mange ri Asyur a'jari tunitahang.

2 KARAENG-KARAENG 17:6

iamintu ri makasalapannamo taung ammarenta Hosea, naempoimi Salmaneser Samaria. Nampa naengka' tu Israel salaku tunitahang mange ri Asyur. Sipa'gang battu ri ke'nanga nitampakkangi ri kota Halah, sipa'gang maraengannaya ri ampi'na Binanga Habor ri daera Gozan, nampa sipa'gang pole ri kota-kota niaka ri pa'rasangang Madai.

2 PATTOTTORANG 7:20

laKupasulukko battu ri pa'rasangang le'baka Kupassareang mae ri kau. LaKubokoi tongi anne ballaka, le'baka Kupattantu a'jari balla' panynyombang mae ri KalengKu. Kemae-kemaei anne ballaka lanipakatuna siagang lanikakkali ri taua.

PAMMUJI 106:38

Napassolongi cera'na tau tenaya nasala, cera'na ana'-ana' kalenna ke'nanga, untu' nikoro'bangkang mae ri barhala-barhala; sa'genna nara'massi ke'nanga anjo pa'rasanganga.

PAMMUJI 95:11

Jari assumpaMa' lalang larroKu, angkana talantamakkai ke'nanga ri anjo pa'rasanganga untu' anggappa pammari-mariang siagang iNakke.”

YEREMIA 10:18

Anne wattua laNapasambilai Batara sikontu bansa Yehuda mange ri pa'rasangang pammelakkanga; laniancuru' ngasengko taba sikali. Iaminjo pasanNa Batara.

YEREMIA 3:2

Coba sako accini' nai' ri coppo'-coppo'na buluka! Tampa' kereanga mami tena le'ba' nubattui untu' a'gau' bawang? Sangkamma tu Arab ri parang lompoa, kammaminjo batenu ammempo ri biring aganga attayang tau lanuaganga attanring. Nurantassi anne pa'rasanganga lanri a'gau' bawannu siagang kaja'dallannu.

YEREMIA 9:19

Ri Sion nia' kalangngerang sa'ra karru', angkana, “Panrakki' siagang sanna' nipakasiritta. Pa'rasanganta musti nibokoi, sikamma ballatta musti ancuru' tassimbung-simbung.”

YEHEZKIEL 36:17

“He tau, ri wattunna ammantang tu Israel ri pa'rasangang kalenna, nara'massi anjo pa'rasanganna lanri tindakanna siagang panggaukanna ke'nanga. Kupasangkammai harang anjo panggaukanna ke'nanga, rapang baine battua bulanna.

YEHEZKIEL 36:19

Kuhukkungi ke'nanga situru' carana attallasa' siagang panggaukanna ke'nanga, nampa kupasiara' ke'nanga mae ri pa'rasangang maraeng.

PAOLE 12:9

nasaba' tenapa nuntama' ri pa'rasangang Napassareanga Karaeng Allata'alanu mae ri kau, iamintu tampa' akkullea nupammantangngi siagang amang situlina.

PAOLE 30:18

mattantu lanipanrakiko. U'rangi! Kupauang mako anjo passalaka anne alloa. Tena nalala'bu umuru'nu ri pa'rasangang ba'leanna Binanga Yordan, tenayamo nasallo nanupammantangngi.

PAOLE 4:26

Tapporo langika siagang linoa a'jari sa'bi anne alloa angkanaya punna tena numannuruki mae ri nakke, tasalloami nu'lanynya' battu ri butta nupammantangngia ri ba'leanna anjo Binanga Yordan. Tasalloako lammantang anjoreng, lanri laniancuru' taba sikaliko.