MIKHA 1:6 - KITTA' MATANGKASA'

⁶ Lanri kammanami anjo na Nakana Batara, “LaKupa'jari Samaria tambungang loro ri paranga, siagang tampa'na taua a'lamung poko' anggoro'. Rumbanganna anjo kotaya laKubuangi antama ri ka'bunga, siagang laKubongkara' kabusuki pondasina.

MIKHA 1:6 Iomraidhean Croise

2 SAMUEL 17:13

Punna lari antama' ri se'reang kota, sikontu ra'yatta langngallei otere' jai nampa nare'resang anjo kotaya nampa natu'gurang naung ri ka'bung kaminang a'reppeseka. Manna silisere' batu talania' ammantang irate ri anjo bontoa.”

2 KARAENG-KARAENG 18:10

Ri wattunna narapi'mo tallun taung nikurung, tu'guru'mi Samaria. Ri taung makaannang ammarentana Hizkia siagang ri taung makasalapang ammarentana Hosea ri Israel nakajariang anjo passalaka.

2 KARAENG-KARAENG 18:9

Ri taung makaappa' ammarentana Hizkia, iamintu ri taung makatuju ammarentana Karaeng Hosea ri Israel, battumi Salmaneser karaeng Asyur ambunduki siagang angkurungi Samaria.

2 KARAENG-KARAENG 19:25

Tenapaka nale'ba' nulangngere' angkanaya yangasenna anjo kajariang kammaya iNakke le'ba' anrancanakangi battu riolo memang? Nampa kamma-kamma anne iNakke anggaukangi. INakkemi assareko koasa untu' angngancuruki kota-kota niaka pattahanganna sa'genna a'jari kamma loro.

YESAYA 17:1

Nakana Batara, “Tenamo nala'jari kota anjo Damsyik, mingka la'jari pannambungang loro mami.

YESAYA 25:12

Sikamma tembo' pattahanganna Moab siagang tembo'-tembo' tinggina ke'nanga lanirumbangi nampa nipatappasa' naung ri buttaya sa'genna ancuru' sangkamma limbu'bu'.

YESAYA 25:2

Anjo kotaya le'ba'mi Kiancuru'; kota niaka balla' pattahanganna a'jari rumbangang. Balla' lompo nabangunga bansa maraenga cappu'mi, na tena nalanibangung poleang satunggu-tungguna.

YEREMIA 31:5

Lapparekko koko anggoro' ri moncong-monconna Samaria, siagang ia a'lamunga lanagappai rapponna.

YEREMIA 51:25

He Babel, ikau rapangko moncong ampanrakiai sikontu linoa. Mingka iNakke, Batara, angngewako. LaKupasintakko siagang Kugulungko nampa Kubalang parekangko nikanre ri pepe' a'jari au.

YEREMIA 51:37

Anne pa'rasanganga la'jari pannambungang loroi, tampa' paccokkoanna kongkong romanga. Mallaki nasa'ring taua anciniki, siagang manna sitau tania' ero' ammantang anjoreng.

YEREMIA 9:11

Nakana Batara, “LaKupa'jari rumbangngang Yerusalem tampa' paccokkoanna kongkong romanga. Kota-kota Yehuda la'jari sinoi, tampa' tenayamo nanipammantangngi.”

PIRAUNG 4:1

Bulaeng accillaka pi'lasa'mi tanja'na batu-batu Balla'Na Allata'ala tassiara'mi ri aganga.

YEHEZKIEL 13:14

Kuancu'-ancuruki sa'genna pundasina mami ammantang. Anjo temboka lanatujuko siagang lanabuno kabusukko. Na nuassemmo angkana iNakke Batara.

AMOS 5:11

Nujallakkangi tu kasi-asia siagang nurampasaki gandunna. Lanri kammana anjo talammantangnga mako lalang ri balla'-balla' ga'ganu, anjo le'baka nubangung. Tenamo nulangnginung anggoro' battu ri koko-koko anggoro' le'baka nulamungi.

AMOS 6:8

Naterassimi Batara Kaminang Koasaya siagang Kaminang Tinggia ampassareangi pappakainga' kammaya anne: “Birisiki nyawaKu mae ri katampoanna umma' Israel; tena nasannang nyawaKu mae ri sikamma balla' karaeng ga'gana ke'nanga. Ibukotana ke'nanga siagang sikontu bonena laKupassareangi mae ri musua.”

MIKHA 3:12

Lanri anjo kaja'dallannu, lanipa'jekoi Sion rapang koko, la'jari tambungang loroi Yerusalem, siagang la'jari romangi bonto Balla'Na Batara.

HABAKUK 3:13

A'dakkaKi' maju untu' allappassangi ummatTa siagang untu' ampasalamaki karaeng nipileTa. Kitunrung sa'genna tu'guru' pamimpinna tau dorakaya, Kibarrasa' sa'genna la'busu' sikontu tau amminawanga ri ia.

MATIUS 24:2

Nakanamo Isa ri ke'nanga, “Nucini' ngasemmi anjo bangunanga? Assemmi angkanaya, manna se're batu talania' sallang ammantang assusung ri tampa'na, nasaba' lanirumbang ngasengi!”