MIKHA 1:4 - KITTA' MATANGKASA'

⁴ Assolongi sikamma buluka irawa ri pala' bangkenNa kontui liling lalang pepe' a'rinraya; la'boroki buttana antama ri ka'bung-ka'bunga, rapang je'ne' irate bulu' a'lo'loro' naung.

MIKHA 1:4 Iomraidhean Croise

PAMMUJI 46:6

Ammantangi Allata'ala anjoreng, jari talapossokami anjo kotaya; laNatulungi ri wattu ammumbana alloa.

PAMMUJI 68:2

Ammentemmi Allata'ala ampasisa'la'-sa'laki musunNa, tau birisika ri Ia larimi battu ri dallekanNa.

PAMMUJI 97:5

Assolongi sikamma monconga sanrapang liling ri dallekanNa Batara, ri dallekanNa Batara, sikontu makoasaya ri sikontu linoa.

AMOS 9:5

Ta'goccangi buttaya siagang susai pandudu'na, lanri niseroi ri Batara Kaminang Tinggia siagang Kaminang Koasaya. Rapang Binanga Nil nai' naung je'ne'na, kammami anjo lanaiki ke'nanga nampa tu'guru'.

NAHUM 1:5

Annekkereki sikamma buluka ri dallekanNa; na bontoa assolong kabusu'mi Napakamma. Punna ammumba Batara, amme'bereki buttaya, linoa siagang sikontu pandudu'na annekkereki.

HABAKUK 3:10

Punna nacinikKi', ta'goccangi moncong-monconga naturung bosia battu ri langi' rapang nitumpa. Ammarrungi sa'ranna je'neka irawa ri buttaya, ta'gulung-gulung bombanga rapang a'jallo'.

HABAKUK 3:6

Punna ammantangKi', amme'bereki buttaya; punna anjanjangKi', gegereki bansaya napakamma malla'. Moncong-moncong salloa reppe'-reppe' kabusuki; bulu'-bulu' salloa a'jari lappara' todong, anjoremmi anjo ri bulu'-buluka Kioloa a'jappa baku' riolo dudu.

ZAKHARIA 14:4

Ri anjo alloa lammentengi ri Bulu' Zaitun, irayanganna Yerusalem. Nalanibage rua Bulu' Zaitun ri se'rea ka'bung lappara', appakkaramula battu iraya sa'genna kalau'. Tawaruanna anjo buluka la'gioki a'lampa wara', nabageruanna pole a'lampa timboroki.

PAPPICINI' 20:11

Le'baki anjo nia'mo kucini' se're empoang kala'birang; lompoi siagang keboki tanja'na anjo empoang kala'biranga siagang nia' tommi rate patanNa empoang ammempo. Lanynya'mi langika siagang buttaya battu ri dallekanNa, sa'genna tenamo nakacinikang.

HAKING-HAKING 5:4

Ri wattu a'lampanu battu ri Seir, o Batara, na Kibokoi daera Edom, ma'gioki buttaya, tassungkei passolongang langika, na natu'gurammo je'ne'na rammanga.