MIKHA 1:16 - KITTA' MATANGKASA'

¹⁶ He tu Yehuda, polongi uu'nu salaku tanra susa mae ri ana'-ana'nu nukamaseanga. Cukkuruki ulunnu sa'genna a'gondolo' rapang jangang-jangang pakanre bakkea, nasaba' laniengkaki ana'-ana'nu mange ri butta pammelakkanga.

MIKHA 1:16 Iomraidhean Croise

2 KARAENG-KARAENG 17:6

iamintu ri makasalapannamo taung ammarenta Hosea, naempoimi Salmaneser Samaria. Nampa naengka' tu Israel salaku tunitahang mange ri Asyur. Sipa'gang battu ri ke'nanga nitampakkangi ri kota Halah, sipa'gang maraengannaya ri ampi'na Binanga Habor ri daera Gozan, nampa sipa'gang pole ri kota-kota niaka ri pa'rasangang Madai.

AYUB 1:20

Nampa ammentemmi Ayub na nakekke' pakeanna tanra susana. Nacukkuru'mi ulunna, nampa su'ju' na nakana,

YESAYA 15:2

Pandudu'na Dibon angngambiki nai' ri buluka untu' mange angngarru' ri tampa' panynyombanga ri rewata-rewataya. Pandudu'na Moab si'nami angkarruki kota Nebo siagang Medeba. Nacukkuruki uu'na siagang janggo'na tanra susana ke'nanga.

YESAYA 22:12

Anjo wattua laNasuro ngasengko Batara Kaminang Tinggia siagang Kaminang Makoasaya angngarru' siagang appiraung, ancukkuruki uu'nu siagang ammake kaeng karung.

YEREMIA 16:6

Sikamma tau kalumanynyanga siagang tau kasi-asia ri anne pa'rasanganga lamatei natena tau antarawangi ke'nanga. Tena manna sitau lansessai kalenna yareka anggondoloki ulunna salaku pammatei ri kasusaanna ke'nanga.

YEREMIA 4:8

Lanri kammana, angngarru' siagang appiraung mako, ammake mako kaeng karung tanra susanu. Lanri a'rinra-rinrana larroNa Batara tenapa nammono' battu ri Yehuda.

YEREMIA 47:5

Tu Gaza nitujui ri susa lompo; pandudu' Askelon a'jari rapangi tau pepe. Siapapi sallona tu Filistin tassesaya tulusu' lasi'na?

YEREMIA 6:26

Nakana Batara ri umma'Na, “Ammakeko pakeang karung nampa anggulung-gulungko ri aua. Susa tukamateang mako siagang angngarru' mako pacce nyawanu, rapang tau appiraunga angkarruki ana' sitau-tauna, nasaba' ti'ring labattumi tulammanrakia ambundukiko.”

YEREMIA 7:29

Nakana Batara, “He pandudu' Yerusalem, susa mako! Polongi uu'nu nampa nupela'! Akkelongko kelong-kelong karru' irate ri coppo'-coppo' buluka, nasaba' iNakke, Batara larro siagang Kusorongboko ngasengko.

PIRAUNG 2:19

Ambangungko ma'mole-mole tuntung bangngi untu' akkio' ampasuluki bone atinnu ri Batara. Palaki sollanna Mangngamaseang ri ana'-ana'nu naallea cipuru' takkaluppaya ri tunggala' panyingkulu'na aganga.

AMOS 7:11

Napaui angkanaya lamatei karaenga lalang pa'bundukang, siagang ma'nassa laniengkaki bansa Israel mange ri pammelakkanga, bellaya battu ri pa'rasangang kalenta.”

AMOS 7:17

Nakana Batara angkanaya la'jari pasundalaki bainennu ri agang-agang kotaya, siagang sikamma ana'nu lanibunoi lalang pa'bundukang. Buttanu lanipa'bage-bageangi mae ri tau maraenga, nampa ikau kalennu lamateko ri pa'rasanganna tau tenaya natappa' ri Batara. Pandudu'na Israel ma'nassa laniengkaki mange ri pammelakkanga, bella battu ri pa'rasangang kalenna.”

AMOS 8:10

Sikamma passua'-suarrannu laKupinrai a'jari kasusaang, siagang kelong-kelonnu a'jari karru'. LaKupa'jariko ikau ancukkuruki kalennu siagang ammakeko kaeng karung tanra si'na. Rapangko anrong mangge angkarruki kamateanna ana' sitau-tauna. Anjo alloa lakala'busangi a'jari allo sanna' appakasi'nana pa'mai'.”

PAOLE 28:41

Langgappako ana'-ana' bura'ne siagang baine, mingka niallei ke'nanga salaku tunitahang lalang ri bunduka, sa'genna tappela'mi ke'nanga battu ri kau.