MIKHA 1:13 - KITTA' MATANGKASA'

¹³ Ikau ngaseng pandudu'na Lakhis, patabami jaranga ri kareta bunduka! Nupalembai dosa-dosa nigaukanga ri Israel sa'genna doraka tommo Yerusalem napakamma.

MIKHA 1:13 Iomraidhean Croise

PA'JARIANG 19:17

Le'baki anjo nakanamo kalase'renna anjo malaekaka, “Lariko, pasalamaki nyawanu! Teako assailei mae ri boko siagang teako ammantangngi ri lapparaka. Lariko nai' ri monconga, sollanna tena numate ngaseng todong!”

1 KARAENG-KARAENG 14:16

Lanibokoi Israel ri Batara lanri dorakanamo Yerobeam siagang a'jaria passabakkang nadoraka todong tu Israel.”

1 KARAENG-KARAENG 16:31

Tenapa nasukku' nasa'ring doraka sangkammaya nagaukanga Yerobeam, ia ba'lalo nabuntingi Izebel ana'na Karaeng Etbaal battu ri Sidon, siagang assambayangi mae ri Baal.

1 KARAENG-KARAENG 4:28

Massing-massing anjo bupatia, assare tongi gandung siagang rarame untu' kanre jaranna ngaseng Salomo, baji' najarang bae kammayatompa jarang karetaya. Kanrena anjo olo'-oloka nierangi mange ri bara-barana jaranga siganna'na naparalluanga.

2 KARAENG-KARAENG 18:17

Mingka anjo karaeng Asyur akkiringi battu ri Lakhis pasukang lompo untu' ambunduki Yerusalem. Anjo pasukanga nipimpingi ri tallu perwira tinggia pangka'na, iamintu sitau panglima, sitau paurusu' inungang, siagang sitau kapala pangawala'na karaenga. Ri wattunna battu ke'nanga mange anjoreng ri kotaya, angngallemi ke'nanga tampa' ri kokoa, iamintu niarenga Koko Penatu ri ampi'na solongang a'lo'loroka battu ri balang bageang iratea.

2 KARAENG-KARAENG 8:18

A'buntingi siagang ana'na Ahab, na kamma panggaukanna kaluargana Ahab, ia doraka tongi mae ri Batara sangkamma sikamma karaeng Israel.

2 PATTOTTORANG 11:9

Adoraim, Lakhis, Azeka,

2 PATTOTTORANG 32:9

Nia' siapa are sallona, ri wattunna nia' ija Sanherib siagang pasukanna ri Lakhis, akkirimmi tunisuro mange ri Hizkia siagang ra'ya'na iamintu tu Yehuda niaka ri Yerusalem, untu' ampabattui pasang kammana anne,

AYUB 39:10

Maka akkullei nusikko' nampa nupassai ampa'jekoangko? Maka akkullei nusuro angkaerangko kokonnu?

KALAPPASSANG 32:21

Nakanamo ri Harun, “Apa nagaukang ke'nanga mae ri kau sa'genna nulappassang ke'nanga doraka lompo?”

YESAYA 10:31

Larimi pandudu'na Madmena siagang Gebim.

YESAYA 36:2

Le'baki anjo nasuromi perwira tinggi tantarana battu ri Lakhis mange ri Yerusalem nirurungang ri tantara jai, untu' antuntuki sollanna mangaku nibeta Karaeng Hizkia. Battui ke'nanga ri anjo kotaya, angngallemi tampa' ri koko niarenga Koko Pasassa, ri ampi'na solongang allo'loranga je'ne' battua ri kollang bageang rateang.

YESAYA 37:8

Anggappai kabara' anjo perwira tantara Asyur angkanaya a'lampami karaenna ambokoi Lakhis na sitabang ambundu' siagang kota Libna, tena nabella battu ri anjo tampaka. Jari a'lampami mange anjoreng untu' assicini' siagang anjo karaenna.

YEREMIA 34:7

ri wattunna sitabang pasukanna karaeng Babel nia' battu ambunduki anjo kotaya. Nabunduki tongi ke'nanga kota Lakhis siagang Aseka, ruaya kota ammakea pattahangngang, attahanga ija ri Yehuda.

YEREMIA 4:29

Nilangngere'mi sa'ra jaina pasukang a'jaranga siagang angngeranga pana, nasiposoimo taua ri palaria. Romanga napantamakki ke'nanga, bulu' batua naambi'. Sikontu kotaya a'jari sino ngaseng, tenamo tau ero' ammantang anjoreng.

YEHEZKIEL 23:11

Oholiba, andi'naya, nacini' kabusuki anjo kajariang kammaya; mingka la'bi lompoangngangi balere'na na Ohola anggaukangi anjo a'gau' bawanga.

MIKHA 1:5

Yangasenna anjo lakajariangi lanri dorakai tu Israel siagang angngewai ri Allata'ala. Inai passabakkang nadoraka tu Israel? Sai Samaria ibukotana tonji? Inai passabakkang nanynyomba tu Yehuda ri barhalaya? Sai Yerusalem tonji?

YOSUA 10:3

Lanri kammana anjo nia'mo tau nasuro Adoni-Zedek mange ri Karaeng Hoham ri Hebron, Karaeng Piream ri Yarmut, Karaeng Yafia ri Lakhis, siagang Karaeng Debir ri Eglon, ampabattui anne pasanga,

PAPPICINI' 2:14

Mingka manna nakamma, nia' siapa are taKungaia ri kau ngaseng: Nia' siapa are jaina tau ri kau anturuki apa napangngajarranga Bileam. Bileam angngajaraki Balak antekamma batena antu'gurangi umma' Israel naung ri dosaya; iamintu nanyonyoki ke'nanga angkanrei kanre le'baka nipassareang mae ri barhalaya, siagang anggaukangi gau' bawanga.

PAPPICINI' 2:20

Mingka nia' Kukabattallang mae ri kau ngaseng: Nusarei pa'mai' Izebel, anjo baine nakanaya kalenna tunisuro ri Allata'ala. Jaimi atangKu le'ba' natipu siagang naajara' untu' a'gau' bawang siagang angkanrei kanre le'baka nipassareang mae ri barhalaya.