MATIUS 9:4 - KITTA' MATANGKASA'

⁴ Na anjo nawa-nawanna ke'nanga Naassengi Isa. Jari Nakanamo Isa ri ke'nanga, “Angngapa naja'dala' kamma batenu ngaseng appikkiri'?

MATIUS 9:4 Iomraidhean Croise

PAMMUJI 139:2

IKatte angngassengi sikontu panggaukangku; battu bellaKi' naKipahang pikkirangku.

PAMMUJI 44:21

Ebara' angkana tenamo nanynyomba ikambe ri Allata'ala, passangalinna appala' doammi ri allata'ala maraeng,

YEHEZKIEL 38:10

Nakana Batara Kaminang Tinggia ri Gog, “Anjo wattua lapparekko rancana ja'dala'.

MATIUS 12:25

Mingka Naassengi Isa nawa-nawana anjo tu Farisia. Jari angkanami Isa ri ke'nanga, “Punna nia' se're bansa ta'bage-bage nampa simusu-musu para ia, ma'nassa tena nalajarre' ammenteng anjo bansaya. Kammayatompa punna nia' tau lalang kota, yareka nia' tau lalang se're balla' ta'bage-bage nampa simusu-musu para ia, mattantu laancuruki.

MARKUS 12:15

Mingka Naassengi Isa angkanaya munapeki ke'nanga. Jari appialimi Isa Nakana, “Angngapa nuero' ampa'boyangA' kasalang? PicinikiangsA' se're doe' pera'.”

MARKUS 2:8

Anjo wattua Naasseng memammi Isa pikkiranna ke'nanga. Jari Nakanamo, “Angngapa nukkuta'nang kamma ngaseng lalang ri pa'mai'nu?

LUKAS 11:17

Mingka Naassengi Isa pattujunna ke'nanga. Jari Nakanamo ri ke'nanga, “Punna nia' se're bansa nata'bage-bage siagang assimusu-musu para ia taunna, mattantu tena nakkulle jarre' ammenteng anjo bansaya. Yareka se'rea balla', punna ta'bage-bage siagang assimusu-musu bonena, mattantu laancuruki bonena anjo ballaka.

LUKAS 5:22

Naassengi Isa anjo apa napakkuta'nanganga ke'nanga. Jari Nakanamo, “Angngapa nukkuta'nang kamma ngaseng lalang ri nyawanu?

LUKAS 6:8

Mingka Naassengi Isa pikkirang salana ke'nanga. Jari Nakanamo ri anjo tau mate sialia limanna, “Maeko anrinni ammenteng ri dallekang!” Ammentemmi anjo taua, nampa mange ri dallekang.

LUKAS 7:40

Jari Nakanamo Isa ri Simon, anjo tu Farisi patannaya balla', “Simon, Simon, nia' ero' Kupau ri kau.” Appialimi Simon nakana, “Iye' Pa' Guru, Kipaumi.”

YOHANES 16:19

Naassengi Isa angkanaya eroki ke'nanga akkuta'nang ri KalenNa. Jari Nakanamo, “Sumpaeng Kukana, ‘Sinampe' dudu mami natakkulleaMa' lanucini'; sinampe' dudu maMa' lakkulle nucini'.’ Iaka anjo passalaka massing nubicara?

YOHANES 16:30

nanaasseng ikambe angkanaya sikontu apa-apaya Kiasseng ngasengi, Batara. Tena naparallu taua ampakkuta'nangangi ri Katte. Iaminjo saba'na natappa'mo ikambe angkanaya iKatte battuKi' ri Allata'ala.”

YOHANES 21:17

Akkuta'nammi pole Isa makapintallunna ri ia, Nakana, “Simon, ana'na Yona, maka nukamaseangA'?” A'jari si'nami atinna Petrus, lanri pintallummi akkuta'nang Isa ri ia. Jari appialimi pole Petrus nakana, “O Batara, sikamma apa-apaya Kiasseng ngasengi Batara. Kiassengi angkanaya kukamaseangKi' Batara!” Nakanamo pole Isa ri ia, “Parakaimi gimbalakKu ngaseng.

YOHANES 6:61

Naassengi Isa angkanaya a'moko'-mokoki ana'-ana' gurunNa lanri anjo passalaka. Jari Nakanamo, “Kasi'rikangko lanri anjo kana-kanangKu?

YOHANES 6:64

Mingka nia' todong tau ri alla'nu tena natappa'.” (Naasseng memammi Isa battu ri pakkaramulanna angkana inai-nai taeroka tappa', siagang inai langngalle-bokoi.)

LAMPA-LAMPANA 5:9

Nakanamo Petrus ri ia, “Angngapa nusikongkolo' siagang bura'nennu ero' ancobai RohNa Batara? Pilangngerimi! Ammotere'mi tau mangea antarawangi bura'nennu. Lanaerang tongko ke'nanga assulu'.”

PAPPICINI' 2:23

Sikamma ana' gurunna laKubuno ngaseng tongi, sollanna nasadari ngaseng jama'aka angkanaya iNakkemi anne angngasseng ngasengi pikkiranna siagang nawa-nawanna rupataua. LaKubalasa' ngasengko situru' massing-massing panggaukannu.