MATIUS 9:2 - KITTA' MATANGKASA'

² Battuna mange anjoreng, nia'mo se're tau peso' nierang rate ri katinroanga mae ri Isa. Nacini'na Isa antekamma lompona tappa'na ke'nanga, Nakanamo ri anjo tau pesoka, “Sa'barakko na'! Nipammopporammi dosa-dosanu.”

MATIUS 9:2 Iomraidhean Croise

KATO'BA 9:7

Umba, ningnganremo siagang a'rannu-rannu, inungi anggoro'nu numatte'ne-te'ne pa'mai'. Tena Napappisangkangi Allata'ala, ba'lalo Nakellai.

YESAYA 44:22

Kasalannu Kubongkai rapang rammang, dosanu Kupakabellai rapang saliu'. Ammotere' mako mae ri Nakke, saba' le'ba' mako Kupakabebasa'!”

MATIUS 14:27

Mingka linta'mi Isa appiali Nakana: “Sannangko! Teako mallakki. INakkejinne Isa!”

MATIUS 4:24

Tassiara'mi kabara'Na Isa mange ri pa'rasangang Siria, sa'genna pila' jaimi tau ambattui. Massing angngerammi ke'nanga tau garring. A'rupa-rupami tau garring siagang tau susa nierang mae ri Ia. Tau nisosoka ri setang, tau mate-mate jangang, tau peso', na maraengannaya, Naballei ngasemmi Isa sa'genna baji' memang silalonna.

MATIUS 6:12

Kipammopporangi dosa-dosana ikambe, Sangkamma napammopporammi ikambe tu salaya ri kalenna ikambe.

MATIUS 8:10

Nalangngere'na Isa kananna anjo perwiraya, teaimi sipato' lannasa'na. Nakanamo ri sikamma tau niaka amminawang ri Ia, “Teai sipato' anne taua. Tenanniakkapa le'ba' Kubuntulu' tau lompo kammaya anne tappa'na ri alla'na tu Israel!

MATIUS 8:16

Ri wattunna appakkaramulamo karuenga, jaimi tau nisoso' ri setang nierang mange ri Isa. Naporo sibukuji bawang kana Napau Isa naNabongkamo assulu' anjo setang-setanga battu ri yangasenna anjo tunisosoka ri setang, kammayatompa naNaballei ngaseng tommo sikontu tau garringa.

MATIUS 9:22

Anjo wattua assailemi Isa, naNaciniki anjo bainea. Siagang Nakanamo ri anjo bainea, “Sa'barakko na'! Lanri tappa'nu ri Nakke, a'jari baji' mako ri garrinnu!” A'jari baji' memammi silalonna anjo bainea.

MATIUS 9:5

Kereanga la'bi gampang: angkanaya ‘Nipammopporammi dosanu’, yareka angkanaya ‘Ambangungko nai' nu'jappa’?

MATIUS 9:6

Mingka kamma-kamma anne erokKa' ampa'buttiangko angkanaya makoasai Ana' Ma'rupataua ampammopporangi dosaya ri lino.” Nampa Nakana Isa ri anjo tau pesoka, “Ambangungko nai', angkaki katinroannu, siagang ammotere' mako!”

MARKUS 1:32

Karuenna, ri labunamo alloa, naerang ngasemmi taua sikamma tau garringa mae ri Isa siagang sikamma tau nasosoka setang.

MARKUS 10:49

Ammantammi Isa nampa Nakana, “Kioki mae.” Jari nakio'mi ke'nanga anjo tau butaya. Nakana ke'nanga ri ia, “Sannang mako! Ambangungko nai', Nasuro kiokko Isa!”

MARKUS 5:34

Nampa Nakanamo Isa ri anjo bainea, “O AnakKu, lanri tappa'nu ri Nakke, a'jari baji' mako! A'lampamako siagang salama'. Baji' sikali mako antu!”

MARKUS 6:50

ammarrang-marrammi ke'nanga napakamma malla'. Nasaba' nacini' ngasengi ke'nanga, siagang ta'bangka ngasengi ke'nanga anciniki. Mingka linta'mi a'bicara Isa ri ke'nanga Nakana, “Sannammako! INakke Isa. Teako mallakki!”

YOHANES 16:33

Kupau ngasengi anne mae ri kau, sollannu anggappa salewangang lanri asse're ngasengko siagang iNakke. Lasessako lalang ri linoa. Mingka jarreki pa'mai'nu! Le'ba'mi Kubeta anne linoa!”

YOHANES 2:25

Tena naparallu nipauang ri passala'na massing rupataua, lanri Naassenna ngaseng apa niaka lalang ri atinna rupataua.

YOHANES 21:5

Nakanamo Isa ri ke'nanga, “Ana'-ana', nia' juku'nu?” Appialimi ke'nanga angkana, “Tena.”

LAMPA-LAMPANA 14:9

Ammempomi anjo tau pesoka ampilangngeri Paulus a'bicara. Nacini'mi Paulus angkana tappaki anjo tau pesoka, jari akkullei niballei. Najanjammi Paulus anjo taua,

LAMPA-LAMPANA 19:12

Ebara'na, punna nierang passapunna yareka passikko' aya' le'baka napake Paulus mae ri tau garringa, akkullemi a'jari baji' taua, yareka assulu'mi roh ja'dalaka ri kalenna ke'nanga.

LAMPA-LAMPANA 23:11

Bangngi poleanna, nia'mi battu Batara Isa ri sa'rinna Paulus na Nakana, “Pakajarreki pa'mai'nu! Le'ba' mako a'jari sa'bingKu ri Yerusalem. Musti la'jari sa'bi tongko sallang ri Roma.”

ROMA 5:11

Ba'lalo la'biangampa pole, marannu tommi pa'maitta lanri kabajikanNa Allata'ala tete ri Batarata Isa Almasi. Nasaba' mannete ri Isa Almasi nanikasia'mo anjo passisambungang bajika siagang Allata'ala.

YAKOBUS 2:18

Gassingka nia' tau angkana, “Nia' tau tanjeng ri tappa'na siagang nia' todong tau tanjeng mae ri panggaukanna.” Lakukanamo ri ia, “Picinikiangsa' antekamma batena akkulle taua nikana tappa' mingka tena na'nyata lalang ri panggaukanna, nampa kupicinikiang todong lalang ri panggaukangku untu' ampa'nyatai angkanaya ma'nassa nia' tappakku.”