MATIUS 8:6 - KITTA' MATANGKASA'

⁶ Nakanamo anjo perwiraya, “O, Bapa', garringi pajamaku ri balla'. Sanna'mi sessana, attinro mami rate ri katinroanga lanri peso'mi.”

MATIUS 8:6 Iomraidhean Croise

MATIUS 4:24

Tassiara'mi kabara'Na Isa mange ri pa'rasangang Siria, sa'genna pila' jaimi tau ambattui. Massing angngerammi ke'nanga tau garring. A'rupa-rupami tau garring siagang tau susa nierang mae ri Ia. Tau nisosoka ri setang, tau mate-mate jangang, tau peso', na maraengannaya, Naballei ngasemmi Isa sa'genna baji' memang silalonna.

MATIUS 8:7

Nakanamo Isa, “ErokKa' a'lampa mange amballei, sollanna a'jari baji'.”

MATIUS 9:2

Battuna mange anjoreng, nia'mo se're tau peso' nierang rate ri katinroanga mae ri Isa. Nacini'na Isa antekamma lompona tappa'na ke'nanga, Nakanamo ri anjo tau pesoka, “Sa'barakko na'! Nipammopporammi dosa-dosanu.”

LAMPA-LAMPANA 10:7

A'lampanamo anjo malaeka' a'bicaraya mae ri Kornelius, nakio'mi Kornelius rua palayanna ri balla', siagang sitau tantara pangawala' baji'na.

LAMPA-LAMPANA 8:7

Nasaba' assulu'mi roh ja'dalaka ammarrang kodi battu ri tau jai nasosoka setang, lanri nabongkai Filipus assulu'. Jai tommi tau peso' siagang tau tempang niballei na'jari baji'.

LAMPA-LAMPANA 9:33

Anjoreng, assibuntulu'mi siagang sitau bura'ne, niarenga Eneas. Anjo taua pesoki, na sagantuju taummi tambangung-bangunga battu ri katinroanna.

KOLOSE 3:11

Kale'bakkanna allanynya'mi sikontu passimmaraenganna tu Yahudia siagang bansa-bansa maraenga, yareka tu nisunnaka siagang tu tenaya nisunnaki; tenamo passimmaraengang ri bansa battu-battua siagang tau bambalaka; tenamo passimmaraengang ri tu a'jari ataya siagang tu bebasaka; nasaba' Almasimi a'jari yangaseng-ngasenna. Asse're ngasemmi ke'nanga lalang ri Almasi!

KOLOSE 4:1

Ikau ngaseng a'jari pinggawaya! Paralluko a'gau' tojeng siagang adele' mae ri palayang-palayannu. U'rangi angkanaya nia' todong se're pinggawanu ri suruga.

1 TIMOTIUS 6:2

Sikamma ata tu Karistenga pinggawana, takkulleai tanajampangia pinggawana lanri sangkammaji ke'nanga para tu Karisteng. Ba'lalo musti nalayani la'bi bajiki pole pinggawana ke'nanga, nasaba' anjo pinggawa nalayani bajika julu tappa'na tonji nikamaseanga. Yangasenna anne musti nupangngajarrangi siagang nupappakaingakkangi.

FILEMON 1:16

Kamma-kamma anne teaimi poro pajama-jamannu bawang; mingka la'biangampa pole. A'jarimi paranta tu Karisteng sannaka nikamaseanna. Nasaba' sanna' lompona todong matu-matunna mae ri nakke; la'biangampa pole mae ri kau, tantu la'bi lompoangangi matu-matunna. Baji' na'jari pajama-jama, kammayatompa na'jari sari'battang lanri Batara!