MATIUS 8:5 - KITTA' MATANGKASA'

⁵ Ri wattunna battu Isa ri Kapernaum, nia'mo se're perwira surudaduna Roma mange ambuntuli, ero' appala' tulung.

MATIUS 8:5 Iomraidhean Croise

MATIUS 11:23

Kammayatompa ikau tau niaka ri Kapernaum! Gassingka nukana lanipakatinggiko nai' ri suruga? Tena! Passangalinna lanipelakko antama' ri naraka! Nasaba' ka'de' anjorengi ri kota Sodom le'ba' nigaukang anjo gau'-gau' appakalannasaka, mattantu nia' iji kota Sodom sa'genna kamma-kamma anne!

MATIUS 27:54

Malla'mi komandanna surudadua siagang sikamma surudadu niaka anjagai Isa, ri wattunna nacini' ta'ge'goso' buttaya siagang yangasenna anjo kajarianga. Nakanamo ke'nanga, “Ma'nassa Ana'Na tojeng Allata'ala anne Taua!”

MATIUS 4:13

Nabokoimi Nazaret, nampa mange ammantang ri Kapernaum, ri birinna Tamparang Galilea, ri daera Zebulon siagang Naftali.

MATIUS 9:1

Nai'mi Isa ri biseanga, nampa a'limbang anta'leang ammotere' mange ri kamponNa.

MARKUS 15:39

Anjo perwira surudadua niaki ammenteng ri dallekanna salli'Na Isa ri wattunna mate Isa. Nacini'mi antekamma batena mate Isa. Nakanamo anjo perwiraya, “Ma'nassa Ana'Na tojeng Allata'ala anne taua!”

MARKUS 2:1

Siapa are allo ribokoanganna, ammotere'mi Isa mange ri Kapernaum. Tassiara'mi kabaraka angkana niaki ri balla'.

LAMPA-LAMPANA 22:25

Mingka ri wattunna le'ba'mo nisikko' Paulus nampa lanicambo', nakanamo Paulus ri anjo perwira niaka ammenteng anjoreng, “Maka akkullei nicambo' bansa Romaya punna tenapa nale'ba' niadeli?”

LAMPA-LAMPANA 23:17

Akkio'mi Paulus sitau perwira nampa napauang angkana, “Erang sai anne turungkaya mae ri komandanga, nia' ero' napabattu mae ri komandanga.”

LAMPA-LAMPANA 23:23

Le'baki anjo akkio'mi anjo komandanga rua perwira, nampa nakana ri ke'nanga, “Appasadiako ruambilangngang tantara kammayatompa tujupulo tantara padongko' jarang, siagang ruambilangngang tantara angngeranga poke, nampa a'lampa memangki' ri tette' salapang anne bangngia mange ri Kaisarea.

LAMPA-LAMPANA 27:13

Anjo wattua battu timboroki anginga siagang lammai nisa'ring battuna. Jari nakana ana'-ana' kappalaka akkullemi ke'nanga assombala' pole. Jari assombala'mi ke'nanga antulakkangi birinna Pulo Kreta.

LAMPA-LAMPANA 27:31

Mingka nakanamo Paulus ri anjo perwiraya siagang sikamma anjo tantara niaka ri kappalaka, angkana, “Punna tammantanga anjo ana'-ana' kappalaka anrinni ri kappalaka, tena ngaseng nulasalama' battu ri anne bahayaya.”

LAMPA-LAMPANA 27:43

Mingka nipisangkai ke'nanga ri perwiraya, lanri ero'na napasalama' Paulus. Nasuro ngasemmi tau akkullea a'lange a'lumpa' rolong naung nampa a'lange mange ri birinna bontoa;

LAMPA-LAMPANA 9:38

Anjo Yope tena nasiapa bellana battu ri Lida. Jari nalangngere'na tau tappaka ri Yope angkana niaki Petrus ri Lida, nia'mo rua tau nasuro ke'nanga mange ambuntuli Petrus. Appasammi ke'nanga ri Petrus angkana, “Akkaro-karoki' battu mae.”