MATIUS 8:2 - KITTA' MATANGKASA'

² Anjo wattua nia' tommo se're tau garring sala battu akkulantu' ri dallekanNa Isa angkana, “O, Bapa', punna Kierokangi akkulleKi' amballeia' ku'jari baji' ri garringku.”

MATIUS 8:2 Iomraidhean Croise

2 SAMUEL 3:39

Manna inakke anne nipilea' ri Allata'ala a'jari karaeng, mingka kamma-kamma anne tena kusa'ring kagassingangku. Anjo ana'-ana'na Zeruya teai sipato' palla'na. Takukulleai kukoasai ke'nanga. Dasi-dasi nanihukkung ri Karaeng Allata'ala anjo ke'nanga tau ja'dalaka, situru' panggaukanna ke'nanga.”

2 KARAENG-KARAENG 15:5

Nipa'jari garring salami ri Batara, na sa'genna mate, tena le'bakai a'jari baji' anjo garrinna. Nisa'laki ammantang ri se'reang balla' siagang tena nakkulle nagaukang sikamma tugasa'na. Jari ana' bura'nena niarenga Yotam amwakkeli ammarenta ri ra'yaka.

2 KARAENG-KARAENG 5:1

Anjo Naaman panglima tantarana tu Siria sannaka ningaina siagang nipakala'biri'na ri karaeng Siria. Nasaba' tete ri Naaman, nisarei pammetang ri Batara tantara Siria. Anjo Naaman panglima sanna' baranina, mingka natabai garring sala.

2 KARAENG-KARAENG 5:27

Lanri nutarimana anjo passarea, lanutarima tongi anjo garrinna Naaman. Ba'lalo sa'genna satunggu-tungguna sikamma jari-jarinu lanagappai anjo garringa!” Ri wattunna assulu' Gehazi battu anjoreng, anggappami garring sala, iamintu a'jari kebo' sikalimi bukkulenna.

PAMMILANGNGANG 12:10

Ri wattunna a'lampa anjo rammanga ambokoi KemaNa Batara, a'jari garring salami Miryam nicini'; kebo'mi bukkulenna sangkamma kapasa'. Ri wattunna assaile Harun mae ri Miryam, na nacini' angkanaya nitabami ri garring kammaya anjo,

MATIUS 10:8

Pakabaji'mi sikamma tau garringa; pabangung poleangi tau matea pakabaji'mi tau garring salaya, siagang bongkami sikamma setanga. Na anne Kusareangako, apa kupassareang bawang-bawanji ri kau ngaseng. Jari passareang bawang-bawang tommi mae ri taua.

MATIUS 13:58

Jari tenamo Naero' Isa appare' gau' appakalannasa' anjoreng, lanri tenana natappa' ke'nanga ri KalenNa.

MATIUS 14:33

Su'ju' ngasemmi ana'-ana' gurunNa Isa anynyomba ri Ia. Angkanami ke'nanga, “Ma'nassa tojeng, iKattemi Batara Ana'Na Allata'ala!”

MATIUS 15:25

Battumi anjo bainea su'ju' ri dallekanNa Isa angkana, “Kitulullaloa' tuang!”

MATIUS 18:26

Mingka su'ju'mi anjo ataya ri dallekanna anjo karaenga nappala' tulung angkana, ‘O Tuang, kikamaseangi atanta. Lanabayara' ngasenji atanta anjo inranna ngaseng.’

MATIUS 2:11

Antama'mi ke'nanga ri pammantanganna anjo Anaka. Nabuntulu'mi anjo Anaka siagang Maria amma'Na. Su'ju'mi ke'nanga anynyomba ri anjo Anaka. Nampa massing nasungke roko'-roko'na ke'nanga, namassing assare koro'bang, iamintu bulaeng, kamanynyang, siagang mur.

MATIUS 20:20

Le'baki anjo battumi bainenna Zebedeus siagang ana'-ana'na andallekang ri Isa. Su'ju'mi ri dallekanNa Isa. Nia' ero' napala'.

MATIUS 26:6

Ri wattunna nia' Isa ri Betania, ri balla'na Simon le'baka garring sala,

MATIUS 28:17

Nacini'na ke'nanga Isa anjoreng, su'ju'mi ke'nanga anynyomba ri Ia. Mingka nia' todong ri ke'nanga bata-bata.

MATIUS 28:9

Ti'ring nia'mi Isa ampappicinikangi KalenNa ri anjo bai'-bainea, siagang angkanami, “Salama'!” A'reppese'mi ke'nanga mange ero' anrakaki bangkenNa siagang ansombai Isa.

MATIUS 4:9

Nampa nakana billisika ri Ia, “Yangasenna anjo lakupassareang ngasengi mae ri Kau punna su'jukKo anynyomba mae ri nakke.”

MATIUS 8:1

Naungi Isa battu ri bontoa, najaimo tau ampinawangi.

MATIUS 8:25

Battumi ana'-ana' gurunNa akkiok-kio' anronrongi nakana, “Bapa', natujuki' bala, tulungi ana'-anatTa!”

MATIUS 9:18

Ri wattunna a'bicara Isa siagang ana'-ana' gurunna Yohanes Paje'ne', nia'mo sitau pamimping balla' sambayang battu. Akkulantuki ri dallekanNa Isa nampa nakana, “Silalonna mate ana' baineku. Mingka kuminasaiKi' naKimange ampadongkoki lima, sollanna attallasa' poleang.”

LUKAS 4:27

Kammayatompa ri jammang nia'na Na'bi Elisa, jai tau garring sala ri Israel. Mingka manna sitau battu ri ke'nanga tania' niballei ri Elisa. Passangalinna Naaman bawang, anjo tu niaka ri Siria.”

YOHANES 9:38

Nakanamo anjo taua, “Tappaka' Batara,” nampa su'ju' ri dallekanNa Isa.

LAMPA-LAMPANA 10:14

Appialimi Petrus nakana, “Tena, Batara! Tena le'bakapa' angnganre apa-apa haranga siagang ra'masaka.”

LAMPA-LAMPANA 10:25

Ri wattunna battumo Petrus, mangemi Kornelius anruppai, nasu'ju' ri dallekanna.

1 KORINTUS 14:25

La'jari singara'mi sikamma apa taccokkoa lalang ri atinna, sa'genna napakatuna kalenna, nampa anynyomba mae ri Allata'ala. Lamangakumi angkanaya ma'nassa nia' tojengi Allata'ala ri tangnga-tangnganu.

PAPPICINI' 19:10

Nampa su'ju'ma' ri dallekanna anjo malaekaka, ero' anynyomba ri ia; mingka nakanamo ri nakke, “Teako! Teako anynyombai ri nakke, mingka Allata'ala nusomba! Nasaba' inakke ata tonja' sangkamma ikau siagang sikontu sari'battannu anna'gala' jarreka mae ri biritta tojenga, Napabattua Isa!” Nasaba' iaminjo kasa'bianga mae ri Isa assarei taua pangngissengang untu' ampabattui biritta battua ri Allata'ala.