MATIUS 7:5 - KITTA' MATANGKASA'

⁵ E, munape'! Pasuluki rolong anjo batu niaka lalang ri matannu, nunampa akkulle accini' baji' ampasuluki anjo limbu'bu' niaka lalang ri matanna parannu tau.

MATIUS 7:5 Iomraidhean Croise

MATIUS 22:18

Mingka Naassemmi Isa pikkirang ja'dala'na ke'nanga. Jari Nakanamo ri ke'nanga, “E, tu munape'! Angngapa nuero' ampa'boyangA' sala?

MATIUS 7:3

Angngapa nakkulle nucini' limbu'bu' niaka lalang ri matanna parannu tau, mingka batu niaka lalang ri matannu tanucinikai?

MATIUS 7:4

Antekamma lanukana ri parannu tau, ‘Mae kupasulukangko anjo limbu'bu' niaka lalang ri matannu,’ nania' batu lompo lalang ri matannu?

MATIUS 7:6

Teako assarei barang matangkasa' mange ri kongkonga, sollanna tena na'giling ri kau ambakkaiko. Tea tongko assarei mutiara mange ri bawia, sollanna tena naonjo'-onjokangi anjo mutiaraya.”

LUKAS 12:56

Ikau nungai ngasengi assara-saraia. Akkulle ngasengko ambatei kabattuanna bosia siagang bambang alloa punna nucini' langika siagang linoa. Apa saba'na natakkullea nubatei pammateina jammanga ri kamma-kammaya anne?”

LUKAS 13:15

Appialimi Isa Nakana, “Munape' ngasengko antu! Ri allo Pammari-marianga nalappassang ngasengi taua sapina yareka jaranna battu ri barana, nampa naerang assulu' untu' nasare je'ne' inung.

LUKAS 4:23

Jari Nakanamo Isa ri ke'nanga, “Mattantu lanupakei anne pangngebaranga ri Nakke angkanaya, ‘O dottoro', balleimi rolong KalenNu, nampa Nuballei tu maraenga. Gaukammi ri kampong KalenNu anjo gau'-gau' appakalannasaka, nilangngereka kabara'na Nugaukang ri Kapernaum.’ ”

LUKAS 6:42

Antekamma lakkulle nukana ri sari'battannu, ‘Maeko sari'battang, nakupasulu' anjo baru'bu' kayua lalang ri matannu,’ na nia' kayu balo' lalang ri matannu tanucinika? He, munape'! Pasuluki rolong anjo balo' niaka lalang ri matannu. Punna assulu'mo, nampami labaji' paccini'nu, siagang nampami akkulle nupasulu' anjo baru'bu' kayu lalanga ri matanna sari'battannu.”

LAMPA-LAMPANA 19:15

Mingka nakanamo roh setanga ri ke'nanga, “Kuassengi anjo Isa, kammayatompa kuasseng tongi anjo Paulus; mingka ikau anne, inai ngasengko?”