MATIUS 7:16 - KITTA' MATANGKASA'

¹⁶ Battu ri panggaukanna ke'nanga akkulle nuasseng nubatei. Takkulleai romang-romang akkatintinga a'rappo anggoro'; siagang takkulleai rompo'-rompo' akkatintinga a'rappo ara.

MATIUS 7:16 Iomraidhean Croise

PANGNGEBARANG 20:11

Battu ri panggaukanna anaka nakkulle niasseng apaka bajiki siagang lambusuki gau'na.

MATIUS 12:33

“Sollanna akkulle baji' rapponna, parallui coppong se'rea poko'-poko'. Punna tacopponga se'rea poko'-poko', tena todong nalabaji' rapponna. Battu ri rapponnai nicini' antekamma copponna yareka tenana nacoppong se'rea poko'-poko'.

MATIUS 7:20

Kammatommi anjo sikamma na'bi-na'bi palassua. Akkullei nuasseng nubatei battu ri panggaukanna.”

GALATIA 5:22

Mingka, punna nipimping ri RohNa Allata'ala taua, iaminne wassele'na: sikamaseangi ke'nanga, rannui, assiamaki, sa'baraki siagang lammoro' pa'maiki, bajiki ri paranna tau, majarreki,

YAKOBUS 2:18

Gassingka nia' tau angkana, “Nia' tau tanjeng ri tappa'na siagang nia' todong tau tanjeng mae ri panggaukanna.” Lakukanamo ri ia, “Picinikiangsa' antekamma batena akkulle taua nikana tappa' mingka tena na'nyata lalang ri panggaukanna, nampa kupicinikiang todong lalang ri panggaukangku untu' ampa'nyatai angkanaya ma'nassa nia' tappakku.”

YAKOBUS 3:12

Anjo poko' araya, sari'battangku ngaseng, takkulleai a'jari zaitun rapponna; kammayatompa anjo poko' anggoroka takkulleai a'jari la'ba je'ne'na.

1 SAMUEL 24:13

Kiassengi anne paruntu' kana salloa angkanaya, ‘Ia kaja'dallanga tau ja'dalakaji bawang anggaukangi.’ Lanri kammana anjo, taerokai atanta ampa'risiki'.