MATIUS 7:11 - KITTA' MATANGKASA'

¹¹ Manna antekamma ja'dala'nu mingka angngasseng tonjako assare apa-apa baji' mae ri ana'-ana'nu. La'biangampa pole Manggenu ri suruga, ma'nassa laNasarena apa baji' mae ri tau appalaka ri Ia.

MATIUS 7:11 Iomraidhean Croise

PA'JARIANG 6:5

Naciniki Batara antekamma ja'dala'na sikamma rupataua ri lino. Tuli ja'dala'na ngaseng pikkiranna ke'nanga.

PA'JARIANG 8:21

Sannammi pa'mai'Na Batara angngaraki rasa mabau'na anjo koro'banga, na Nakanamo lalang ri pa'mai'Na, “Tenamo nalaKutunrai anne linoa lanri panggaukanna rupataua; Kuassengi angkanaya battu ri wattu lolonaiji naja'dala'mo pikkiranna anjo rupataua. Tenamo nalaKuancuru' pole sikontu apa-apa attallasaka sangkamma anne apa beru le'baka Kugaukang.

2 SAMUEL 7:19

Ba'lalo la'biangngang naanjo Kigaukanga, o Batara Kaminang Tinggia; le'bakKi' appare' janji ri passala'na jari-jariku untu' wattu labattua. Siagang Kipappicinikangi anjo passalaka mae ri nakke, manna nainakke anne poro tau biasaja' bawang, o Batara Kaminang Tinggia.

AYUB 15:16

Sarroangampa rupatau panraka siagang ra'masaka, angnginunga kaja'dallang sanrapang angnginung je'ne'.

PAMMUJI 84:11

Bajikangngangi sialloa ri BallatTa nasisa'bu allo ri tampa' maraenga. Kualleangangi a'jaria pajaga ri pakke'bu' lompona Balla'Na Allata'alaku naia ammantanga ri balla' tau ja'dalaka.

PAMMUJI 85:12

Lattimboi battu ri butta nyawa tamamminrana rupataua, lattoaki kaadelanNa Allata'ala battu ri langi'.

PAMMUJI 86:15

Mingka iKatte, o, Batara, Allata'ala mangngamaseang siagang manynyayang, sa'bara', la'bi pangngamaseang siagang majarre'.

PAMMUJI 86:5

IKatte bajikKi', o, Batara, Kingai ampamopporangi taua, tau appala' doanga mae ri Katte tuli Kikamaseangi siagang pangngamaseang alla'bi-la'bia.

YESAYA 49:15

Appialimi Batara, angkana, “Maka akkullei se'rea amma' angkaluppai ana'na, siagang tanasayangnga ana' kalenna? Manna pole na nakaluppai, mingka iNakke tena nalaKukaluppaiko!

YESAYA 63:7

Eroki kukabarrang pangngamaseanNa Batara lanri sikontu gau'Na kumammuji ri Ia. Allumpa-lumpai bateNa ambarakkaki umma'Na, lanri nia'na pangngamaseanNa na tena la'busu'na anjo pangngamaseanNa.

YEREMIA 17:9

Atinna rupataua takkulleai nikira-kira kaminang cara'de' ri yangasenna niaka siagang sanna' sikalia garrinna.

YEREMIA 33:14

Nakana Batara, “Lanarapiki sallang wattunna naKurupai janji le'baka Kupare' siagang Israel siagang Yehuda.

HOSEA 14:2

He bansa Israel, ammotere' mako mae ri Karaeng Allata'alanu! Passabakkang dosanu nutappeccoro' siagang tu'guru'.

MIKHA 7:18

Tena Allata'ala sangkammanTa, o Batara, ampammopporangai dosana umma' nipileNa niaka tassesa. Tena Kituli lalarro; kabalekanna, sannangi nyawaTa ampappicinikangi pangngainTa tenaya sanggana.

MALEAKHI 1:6

Nakana Batara Kaminang Koasaya mae ri sikamma imanga, “Se'rea ana' napakalompoi manggena, siagang se'rea palayang napakalompoi karaenna. INakke anne Manggenu ngaseng; mingka apa saba'na natena nupakalompoA'? INakke anne pinggawanu; mingka angngapa natena numalla' mae ri Nakke. Nuhina-hinaiA', mingka akkuta'nangko angkana, ‘Antekamma batena ikambe anghinaKi?’

MATIUS 23:9

Siagang teako akkio' ‘Bapakki’ manna ri nai, nasaba' se'reji Bapa'nu, iamintu Bapa'nu niaka ri suruga.

MATIUS 7:10

Yareka assare ulara' punna appala' juku' ana'na?

YOHANES 3:16

Nasaba' lanri Nakamaseang duduna Allata'ala rupataua ri lino, sa'genna Napassareammo Ana' sitau-tauNa, sollanna inai-nai tappa' ri Ia tena nalapanra', passangalinna lanagappai katallassang sitojennaya siagang mannannunganga.

ROMA 3:19

Kamma-kamma anne niassemmi angkanaya sikamma anjo tattulisika lalang ri hukkung-hukkung agama Yahudia, tattuju mae ri sikamma tau niaka irawangang pamarentahanna anjo hukkung-hukkunga. Lanri kammana, tenamo sitau akkulle appare' alasang siagang akkullei nituntu' ri Allata'ala sikontu bonena linoa.

ROMA 3:9

Jari, maka la'bi bajikangangi empoanta ikatte tu Yahudia na empoanna bansa-bansa maraenga? Tena sikalia! Le'ba'mi kupau angkanaya, baji' tu Yahudi yareka tu battua ri bansa-bansa maraenga, nikoasai ngasemmi ri dosaya.

ROMA 8:32

Manna ana' KalenNa tena todong Nakadarangi, passangalinna Napassareammi untu' kaparalluanta ngaseng; maka talaNasareaki' sikamma kaparalluanta maraenganga?

GALATIA 3:22

Mingka nia' tattulisi' lalang ri Kittaka angkanaya nikoasai ngasemmi sikontu rupataua ri dosaya. Lanri kammana, anjo passare nipa'janjianga nipassareangi mae ri tau tappaka, lanri tappa'na ke'nanga mae ri Isa Almasi.

YAKOBUS 1:17

Sikontu passare bajika siagang hadia sukkuka, sangnging battu ngaseng ri suruga, nipaturunga ri Allata'ala, ampa'jariai sikontu apa-apa singaraka ri langika. Iami Allata'ala tamamminraya, tenaya Nammoli' bayang-bayang lanri pamminroanna apa-apaya.

1 YOHANES 3:1

Coba sai cini'! Teai sipato' Nakamaseanta Allata'ala, sa'genta niareng ana'-ana'Na Allata'ala; na kamma memang tongi, ikatte anne ana'-ana'Naki' Allata'ala. Iaminjo saba'na natena napahangki' anne lino ja'dalaka, nasaba' anne linoa tanaassengai Allata'ala.

1 YOHANES 4:10

Iaminne pangngamaseanga: Teai ikatte le'ba' angkamaseangi Allata'ala, mingka Allata'ala angkamaseangki' siagang Nasuroi battu Ana'Na sollanna tete ri Ia nanipammopporang dosa-dosata.