MATIUS 6:2 - KITTA' MATANGKASA'

² Jari, punna assareko passidakka mange ri tau kasi-asia, teako pau-paui mange ri tau maraenga, sangkamma sarroa nagaukang tau munapeka ri balla' sambayanga yareka ri tangngana aganga, lanri eroki nipalece ri taua. U'rangi angkanaya ia tommi anjo pappalecea a'jari pahalana ke'nanga. Pantaranganna anjo pappalecea tenamo pahala maraeng lanagappa.

MATIUS 6:2 Iomraidhean Croise

PAMMUJI 112:9

Lanabage-bagei barang-baranna, siagang assare passidakka mae ri tu kasi-asia; tuli nagaukangi bajika, lanri kammanami nakoasa siagang nipakalompo.

PAMMUJI 37:21

Tu ja'dalaka angnginrangi na tanapoterangnga, mingka tau bajika lammoro' pa'maiki assare.

PANGNGEBARANG 19:17

Annulung tau kasi-asi sanrapangi assare angnginrang ri Batara; Batara sallang lambalasaki.

PANGNGEBARANG 20:6

Jai tau nakana kalenna agang, mingka tau tenaya tojeng pamminrana, sukkaraki nigappa.

KATO'BA 11:2

Pantamaki modala'nu ri a'rupa-rupaya usaha; a'boyako usaha sipajai-jaina. Saba' parallui taua tutu, ri tenanapa natattuju balaya.

YESAYA 10:6

LaKukiringi Asyur mange ambunduki bansaKu a'bokoa ri Nakke siagang ampakanassuA'. LaKusuroi Asyur mange angngellaki, allukkaki siagang angngonjo'-onjokangi bansaKu rapang limbu'bu' ri aganga.”

YESAYA 58:7

Bagei kanrenu siagang tau cipuruka, tarimai sikamma tau tenaya balla'na ri balla'nu. Sarei care-care tau assolaraka, siagang teako tollaki sari'battannu punna parallu nitulung.

YESAYA 9:17

A'rinrai rapang pepe' kaja'dallanna ke'nanga na nakanre sa'genna cappu' rompo' katintinga. Rinrana rapangi romang akkanre, jai sikali nai' umbunna.

HOSEA 8:1

Nakana Batara, “Pasa'rai tanra bahayaya! Niaki musua ambunduki pa'rasangangKu rapang balangkoa' antamberoai apa lanakanrea! UmmakKu nadakkai parjanjiangKu siagang ke'nanga, siagang nabaliangi ajarang-ajarangKu.

MATIUS 15:7

Munape' ngasengko antu! Annaba sikalimi apa le'baka napau Na'bi Yesaya, ansero kana ngasengko angkanaya:

MATIUS 16:3

Na punna bari'basa', nanucini' rammanga le'leng nuassemmi angkana labattui bosia. Jari akkullei nuasseng la'bi riolo angkanaya labosi yareka talabosiai lanri akkullei nubatei ri langika. Mingka pammateina jammanga tanuassengai nubatei.

MATIUS 22:18

Mingka Naassemmi Isa pikkirang ja'dala'na ke'nanga. Jari Nakanamo ri ke'nanga, “E, tu munape'! Angngapa nuero' ampa'boyangA' sala?

MATIUS 23:5

Sikontu anjo apa nagaukanga ke'nanga poro ero'naja napappicini'-cinikang ri taua. Napakkunjung-kunjungiammi ke'nanga ammake soro'bang siagang juba turunga!

MATIUS 23:6

Nangai ke'nanga ammempo ri pammempoang kaminang bajika ri tampa' passua'-suarranga, yareka lalang ri balla' sambayanga.

MATIUS 24:51

Niba'jimi anjo palayanga ri karaenna sa'ge patea-teana, nampa nipela' antama' ri pammantanganna tau munapeka. Lasessa sikalimi siagang langngarru'-arru'mi ke'nanga angkarruki sarenna.”

MATIUS 5:18

U'rangi laloi! Angkanaya lalang nia'na ija langika siagang linoa, manna se're hurupu' yareka titti' kaminang ca'dina anjo atorang agamaya tena sikali lanipela' punna tenapa na'rupa ngaseng!

MATIUS 6:16

“Punna appuasako, teako pinra-pinrai tanja'nu a'jari susa, kamma tau munapeka. Anjo tau munapeka nangai napinra-pinra tanja'na a'jari kamma tau susa punna appuasai, lanri ero'na niasseng ri taua angkanaya appuasai. U'rangi angkanaya ia tommi anjo pahalana ke'nanga punna niassemmo ri taua angkanaya appuasai. Pantaranganna anjo tenamo nalanggappa pahala maraeng ke'nanga.

MATIUS 6:3

Mingka ikau ngaseng, punna assareko passidakka, teako paui ri tau maraenga sollanna tena tau maraeng angngassengi anjo passidakkanu.

MATIUS 6:5

“Punna assambayangko, teako sangkammai tau munapeka. Anjo ke'nanga nangai ammenteng assambayang lalang ri balla' sambayanga, yareka ri panyingkulu'na aganga, lanri eroki nicini' ri tau jaia. U'rangi angkanaya iatommi anjo pahalana ke'nanga punna nicini'mo ri tau jaia assambayang. Pantaranganna anjo, tenamo pahala maraeng lanagappa ke'nanga.

MATIUS 7:5

E, munape'! Pasuluki rolong anjo batu niaka lalang ri matannu, nunampa akkulle accini' baji' ampasuluki anjo limbu'bu' niaka lalang ri matanna parannu tau.

MARKUS 12:39

Nangai ke'nanga ammempo ri tampa'-tampa' tau nipakalompoa lalang ri balla' sambayanga yareka ri passua'-suarranga.

MARKUS 7:6

Appialimi Isa Nakana, “Ikau tu munape' ngasengko! Annaba sikali apa le'baka napau la'bi riolo Na'bi Yesaya ri wattunna nasero kana angkanaya, ‘Kammaminne kananNa Allata'ala, Anne taua poro bawana ngasenji anynyomba ri Nakke, mingka nyawana bella sikali ri Nakke.

LUKAS 11:41

Anjo bageang lalanganna mangko'nu siagang pirinnu, iaminjo musti nupassareang mae ri tu kasi-asia. Punna kammamo anjo batenu, ma'nassa la'jari tangkasa' ngasemmi ri kalennu.

LUKAS 11:43

Cilaka ngaseng mako ikau tu Farisia! Nasaba' nungai ammempoa ri tampa'-tampa' tu nipakala'birika lalang ri balla' sambayanga, siagang nungai punna nipakala'birikko ri taua ri pasa'-pasaraka.

LUKAS 12:33

Balukammi barang-barannu, nampa nupassareang ballinna mae ri tu kasi-asia. Appare' mako pammoneang doe' tenaya nalatoa, iamintu barang-barang lanibolika ri suruga. Anjo barang-baranga takkulleai tappela', nasaba' takkulleai nilukka' ri palukkaka, siagang takkulleai nipanraki ri kacoaka.

LUKAS 12:56

Ikau nungai ngasengi assara-saraia. Akkulle ngasengko ambatei kabattuanna bosia siagang bambang alloa punna nucini' langika siagang linoa. Apa saba'na natakkullea nubatei pammateina jammanga ri kamma-kammaya anne?”

LUKAS 13:15

Appialimi Isa Nakana, “Munape' ngasengko antu! Ri allo Pammari-marianga nalappassang ngasengi taua sapina yareka jaranna battu ri barana, nampa naerang assulu' untu' nasare je'ne' inung.

LUKAS 20:46

“Tutuko ri guru-guru agamaya. Nangai ke'nanga a'jappaya ammake juba la'bu, siagang nangai ke'nanga punna nipakala'biri' ri pasa'-pasaraka. Nangai ke'nanga ammempo ri pammempoang mala'birika lalang ri balla' sambayanga siagang ri passua'-suarranga.

LUKAS 6:24

Mingka cilaka ngaseng mako tau kalumanynyanga ri kamma-kammaya anne; nasaba' nukasia'mi apa-apa nungaia!

LUKAS 6:42

Antekamma lakkulle nukana ri sari'battannu, ‘Maeko sari'battang, nakupasulu' anjo baru'bu' kayua lalang ri matannu,’ na nia' kayu balo' lalang ri matannu tanucinika? He, munape'! Pasuluki rolong anjo balo' niaka lalang ri matannu. Punna assulu'mo, nampami labaji' paccini'nu, siagang nampami akkulle nupasulu' anjo baru'bu' kayu lalanga ri matanna sari'battannu.”

YOHANES 13:29

Nia' ri ke'nanga angkapangi, angkanaya nisuroi kutadeng Yudas mange ammalli apa-apa nikaparalluanga untu' anjo passua'-suarranga. Yareka nisuroi kutadeng Yudas assarei sike'de' doe' tu kasi-asia – nasaba' Yudas nisuro anta'galaki doe'na ke'nanga.

YOHANES 5:41

Tena naKu'boya pappalece battu ri rupataua.

YOHANES 5:44

Antekammako lakkulle tappa' punna erokko nipalece ri parannu tau, mingka taerokako a'boya pammuji battu ri Allata'ala Tenaya Ruanna?

YOHANES 7:18

Inai-nai assare pangngajarang battu ri kalenna, anjo tau kammaya kala'birang untu' kalenna naboya. Mingka inai a'boya kala'birang untu' Ia anjo assuroai, anjo tau kammaya tau lambusu', tena balle-balle lalang ri kalenna.

LAMPA-LAMPANA 10:2

Ia tau malla' ri Allata'ala. Sikontu bone balla'na tau anynyomba ngaseng mae ri Allata'ala. Jai tu kasi-asi bansa Yahudi natulung. Tuli appala' doangi ri Allata'ala lalang tallasa'na.

LAMPA-LAMPANA 10:31

Nakana ri nakke, ‘Kornelius! Natarimami Allata'ala pappala' doannu, siagang Nau'rangimi pa'mai' baji'nu.

LAMPA-LAMPANA 10:4

Najanjammi Kornelius anjo malaekaka, nateai sipato' malla'na. Nakanamo, “Apa kutadeng Karaeng?” Appialimi anjo malaekaka nakana, “Nitarimami ri Allata'ala sikamma pappala' doannu siagang pa'mai' baji'nu, kammayatompa Nau'rangiko Allata'ala.

LAMPA-LAMPANA 11:29

Jari assamaturu'mi sikamma tau tappaka ri Isa, ero' appikatu sumbangang mae ri sikontu sari'battang niaka ammantang ri Yudea; massing appikatumi ke'nanga situru' pakkullena.

LAMPA-LAMPANA 24:17

Le'baki pirang taung are kubokoi Yerusalem, ammotere'ma' mange anjoreng angngerang doe' bantuang mae ri bansaku, siagang ero' angngerang koro'bang mae ri Allata'ala.

LAMPA-LAMPANA 9:36

Anjoreng ri Yope, nia' sitau baine, niarenga Tabita. Ia tau tappa' ri Isa. (Lalang bicara Yunani arenna nikana, Dorkas, battuanna jonga.) Tuli nagaukangi apa-apa bajika, nanatulung tu kasi-asia.

ROMA 12:8

Tau niaka pakkullena untu' ampakajarreki paranna tau, musti napakajarre' tojeng-tojengi paranna tau. Tau niaka pakkullena untu' assarei apa-apanna paranna tau, musti lammoro' pa'maiki, situru' siratannaya assare ri paranna tau. Tau niaka pakkullena untu' ammimping, musti ammimping tojeng-tojengi. Tau niaka pakkullena untu' ampappicinikangi pangngamaseanna mae ri paranna tau, musti napappicinikangi anjo pangngamaseanna situlusu' pa'mai'na mae ri paranna tau.

1 KORINTUS 13:3

Manna pole kupassidakkang ngaseng sikontu apa-apangku mae ri tu kasi-asia, siagang kupassareangi kalengku nitunu, mingka tena kumangngamaseang ri parangku tau, yangasenna anjo a'jari tena sikali ngasemmo matu-matunna.

GALATIA 2:10

Se'reji bawang pappala'na ke'nanga mae ri kambe, iamintu parallui niparhatikang tu kasi-asia. Na inakke teai sipato' sannanna nyawaku anggaukangi anjo kammaya.

EFESUS 4:28

Tau biasaya a'lukka' musti napammarimi a'lukkaka. Nampa musti anjamami sollanna nagappa pattallasanna siagang lambusu'; siagang nakkulle nutulung tau kakuranganga.

1 TESALONIKA 2:6

Teai todong lanri ero'na ikambe nipalece ri taua, baji' nabattu ri kau yareka battu ri tau maraenga. Sikontutojenna salaku tunisuroNa Almasi, akkullei ikambe annuntu' apa-apa mae ri kau.

1 TIMOTIUS 6:18

Pakaingaki ke'nanga nanapa'nyata kabajikanga, namasarro anggaukangi apa-apa bajika, lammoro' pa'maiki siagang nangai assare-sarea apa-apa.

FILEMON 1:7

Pangngarimangnginnu mae ri sikontu umma'Na Allata'ala, sari'battang, napakarannui pa'maikku siagang napakalompoi sumangakku! Tassaleori ngasemmi sikontu Umma'Na Allata'ala lanri ikau.

IBRANI 13:16

Teako takkaluppai a'gau' baji' siagang situlung-tulung, nasaba' iaminne kammaya koro'bang-koro'bang ampakasannangai atinNa Allata'ala.

1 PETRUS 4:11

Inai-nai appabattu biritta, musti napabattui biritta battua ri Allata'ala; inai allayani ri paranna tau, musti allayani situru' kagassingang battua ri Allata'ala; sollanna ilalang yangaseng-ngasenna, akkullemi nipakala'biri' Allata'ala tete ri Isa Almasi. Iami Makoasa siagang siratanga nipakala'biri' sa'genna satunggu-tungguna. Aming.

1 SAMUEL 15:30

Appialimi Saul angkana, “Dorakama'. Mingka kitulunga' bapa', ammotere' maki' siagang inakke sollangku akkulle assambayang ri Karaeng Allata'alata. Lalang kammana, kipakalompoma' ri dallekanna sikamma pamimpinna bansaku siagang ri dallekanna sikontu tu Israel.”