MATIUS 4:8 - KITTA' MATANGKASA'

⁸ Nampa nierang pole Isa ri billisika nai' ri moncong tinggi dudua, nampa nipicinikiang sikontu kakaraenganna siagang kakalumanynyanganna linoa mae ri Ia.

MATIUS 4:8 Iomraidhean Croise

ESTER 1:4

Annambulang sallona napappicini'-cinikang karaenga kakalumanynyangnganna ri balla' karaenga siagang kalompoang kakaraenganna.

ESTER 5:11

Nampa akkana borromo Haman ri ke'nanga siagang napattampo-tampoammi kakalumanynyangnganna, jaina ana' bura'nena, porena empoang natarimaya battu ri karaenga, kammayatompa bellana tinggina pangka'na napagawe-pagawe maraengannaya.

DANIEL 4:30

kukanamo, “Ciniki, tamaka heba'na kota Babel. Inakke ambangungi a'jari ibukota negara, untu' ampa'butti kakoasangku siagang kagassingangku, kala'birangku siagang kalompoangku!”

PAMMILANGNGANG 23:3

Nampa nakana Bileam mae ri Balak, “Ammenteng maki' ri ampi'na koro'bang nitununa karaengku. Lalang kammana anjo a'lampa' mange anciniki apaka ero'ji Batara angngaganga' sibuntulu' yareka tena. Sallang lakupaui mae ri kau sikontu apa Napaua Batara mae ri nakke.” Jari a'lampami Bileam kale-kalenna mange ri coppo'na se'reang bulu',

MATIUS 16:26

Nasaba' apa matu-matunna nagappa ngaseng taua anne linoa punna latappela' katallassanna? Maka akkullei anjo katallassanga nipassambe apa-apa maraeng?

MATIUS 4:5

Le'baki anjo, nierammi pole Isa ri billisika mange ri Yerusalem, kota matangkasaka, nampa niboli' irate ri tompo'na Balla'Na Batara.

YOHANES 5:20

Nasaba' lanri NakamaseanNa Manggea Ana'Na, jari iaminjo naNapicinikiang ngaseng sikontu apa Nagaukanga. Ba'lalo Napicinikiangi pole panggaukang-panggaukang la'bi lompoanganga, sa'gennu lannasa' ngaseng.

1 PETRUS 1:24

Nia' tattulisi' lalang ri Kittaka angkanaya, “Sikontu rupataua sanrapangi ruku', sikontu kalompoanna sanrapangi bunga ruku'. Punna kalumeng rukuka, ru'rusu' tommi bunganna;

PAPPICINI' 11:15

Nampa napasa'ra tarompe'na malaeka' makatujua; na nia'mo nilangngere' ri suruga sa'ra-sa'ra sannaka lompona, angkanaya, “Kamma-kamma anne nia'mi lalang limanNa Batarata siagang Karaeng Mappasalama' Napa'janjianga kakoasanga untu' ammarenta ri anne linoa, iamintu Karaeng Mappasalama' Napa'janjianga. Lammarentai sa'genna satunggu-tungguna!”