MATIUS 4:2 - KITTA' MATANGKASA'

² Patampulo allo patampulo bangngi tamangnganrea Isa, sa'genna cipuru'mi.

MATIUS 4:2 Iomraidhean Croise

1 KARAENG-KARAENG 19:8

Ambangummi Elia, nampa angnganre siagang angnginung. A'jari gassimmi nasa'ring, siagang akkullemi a'jappa patampulo allo sallona mange ri Moncong Sinai, tampa'na le'ba' ampa'nyatai KalenNa Allata'ala.

KALAPPASSANG 24:18

Napatulusu'mi Musa angngambi' sa'genna antama' ri anjo rammanga. Patampulo allo patampulo bangngi ammantang Musa anjoreng.

KALAPPASSANG 34:28

Patampulo allo patampulo bangngi ammantang Musa anjoreng siagang Batara; na lalanna anjo wattua tena nangnganre siagang tena nangnginung. Anjo kana-kana parjanjianga, iamintu Sampulo ParentaNa Allata'ala, nitulisiki ri anjo batua.

MATIUS 21:18

Ammukona bari'basa', lalang a'jappana ammotere' mange ri kotaya cipuru'mi Isa.

MATIUS 25:35

Nasaba' ri wattungKu cipuru' nusareA' kanre, ri wattungKu turere nusareA' je'ne inung. Ri wattungKu a'jari tau battu-battu nualleA' nupariballa'.

MATIUS 25:42

Nasaba' ri wattungKu cipuru' tanusareA' kanre; ri wattungKu turere tanusareA' je'ne' inung.

MARKUS 11:12

Ammukona, sitabanna a'jappa ke'nanga assulu' battu ri Betania, cipuru'mi Isa.

LUKAS 4:2

Ammantammi anjoreng patampulo allo sallona, niso'ri ri Billisika. Patampulo alloi tamangnganrea apa-apa. Sa'genna cipuru'mi Nakasia'.

YOHANES 4:6

Anjoreng nia' se're bungung, niarenga bungung Yakub. Sanna' mangnganna Isa napakamma pa'jappang. Jari assengkami ammempo ri birinna anjo bungunga. Anjo wattua kira-kira tette' sampulo anrua ri alloa.

PAOLE 18:18

Battu ri bansana tonji ke'nanga laKukiring sitau na'bi sangkammaya ikau mae ri ke'nanga. LaKupaui mae ri ia apa mustia napau, nampa napabattu mae ri anjo bansaya sikontu apa Kuparentakanga.

PAOLE 9:18

Nampa su'ju'ma' pole sikalipi ri dallekanNa Batara irate ri coppo'na monconga patampulo allo siagang patampulo bangngi, tamangnganre tangnginung. Nakugaukang anjo kammaya lanri doraka mako mae ri Batara nasaba' nugaukannamo apa ja'dalaka ri dallekanNa, sa'genna a'jari larro.

PAOLE 9:25

Kuassengi angkanaya ero' tojeng-tojengi Batara angngancurukko. Jari su'ju'ma' ri dallekanNa Batara patampulo allo patampulo bangngi,

PAOLE 9:9

Angngambikka' nai' ri anjo buluka untu' annarima batu parjanjiang Napareka Batara siagang ikau. Patampulo allo siagang patampulo bangngia' ammantang irate ri anjo monconga tangnganre tangnginung.