MATIUS 3:9 - KITTA' MATANGKASA'

⁹ Teako akkapangi angkanaya lakkullei nuliliang hukkunganNa Allata'ala lanri nukanana kalennu sossorannako Abraham. U'rangi angkanaya, manna anne batu-batua, akkulle tongi Napa'jari Allata'ala sossoranna Abraham!

MATIUS 3:9 Iomraidhean Croise

YEHEZKIEL 33:24

“He tau, anjo sikamma tau ammantanga ri rumbanna kota-kotaya ri butta Israel nakanai, ‘Abraham anggappai anne sikontu buttaya, padahala' ia poro kale-kalennaji bawang. Ikatte anne jaiki', jari anne buttaya ikatte pata.’ ”

MARKUS 7:21

Nasaba' battu lalammi, iamintu battu lalang ri nyawana, ammumba ngaseng pikkirang-pikkirang kodia nakkulle taua a'gau' sala, a'lukka', ammuno,

LUKAS 12:17

Appakkaramulami appikkiri' anjo tu kalumanynyanga nakana, ‘Tenamo tampa' lakupammoliki wassele'na tanaku. Apa akkalakku kamma-kamma anne?’

LUKAS 16:24

A'gorami anjo tau kalumanynyanga angkioki Abraham nakana, ‘O, Pa' Abraham! Kikamaseang laloa'. Kisuro sai Lazarus ambasai karemenna antama' ri je'neka nampa naung mae ambassai lilaku. Teai sipato' sessana kusa'ring ammantang lalang ri anne pepeka!’

LUKAS 19:40

Appialimi Isa Nakana, “Patappaki angkanaya: punna a'mereki ke'nanga, la'gora-gorai anne batu-batua.”

LUKAS 3:8

Pappicinikammi rolong lalang ri panggaukannu, angkanaya ma'nassa toba' mako battu ri dosa-dosanu! Teako angkanai kaboe-boenu anjo Abraham. U'rangi angkanaya: Manna anne batu-batua akkulle tongi Napa'jari Allata'ala sossoranna Abraham!

LUKAS 5:22

Naassengi Isa anjo apa napakkuta'nanganga ke'nanga. Jari Nakanamo, “Angngapa nukkuta'nang kamma ngaseng lalang ri nyawanu?

LUKAS 7:39

Nacini'na anjo tu Farisi patannaya balla' appakamma anjo bainea, nakanamo lalang ri nyawana, “Punna na'bi anne Taua, tantu Naassengi angkanaya baine apa anjo baine anjamayai; tantu Naassengi angkanaya anjo bainea, baine sanna' jaina dosana!”

YOHANES 8:33

Nakanamo ke'nanga, “Ikambe anne sossorannaki' Abraham. Tenale'bakapaki' ikatte nipare' ata ri tu maraenga! Apa nataba kananNu naNuangkana, ‘Nula'jari maradeka?’ ”

YOHANES 8:37

Memang, Kuassenji angkanaya sossoranna ngasengko Abraham. Mingka ero' ngasengko ambunoA', lanri taerokako antarimai ajarangKu.

YOHANES 8:53

Punna kalenna Abraham matemi, kammayatompa na'bi-na'bia mate ngaseng tommi, inaiKo antu? Maka lompongangKo na Abraham boena ikambe?”

LAMPA-LAMPANA 13:26

Sossoranna ngasengko Abraham. Siagang sikamma sari'battang maraenganga anrinni anynyombai mae ri Allata'ala! Napabattumi Allata'ala mae ri katte anjo kabara' kasalamakkanga;

LAMPA-LAMPANA 15:14

Beru le'baki napakasingara' Simon, antekamma uru-uruna Allata'ala amparhatikangi bansa-bansa maraenga, lanri ero'Na Allata'ala ampile todongi bansa maraenga a'jari umma'Na.

ROMA 4:1

Jari punna kamma, apa lanikana ri passala'na Abraham, boena bansata? Antekamma pangalamanna?