MATIUS 26:40 - KITTA' MATANGKASA'

⁴⁰ Le'baki anjo, ammotere'mi mae ri ana'-ana' gurunNa tallua. Mingka narapikangi attinro ke'nanga. Nakanamo ri Petrus, “Maka takkulleako angngagangA' a'jaga manna sinampe'ja?

MATIUS 26:40 Iomraidhean Croise

1 KARAENG-KARAENG 20:11

Appialimi Ahab angkana, “Pauangi Karaeng Benhadad angkana tantara sitojennaya nampami akkulle nakana pore kalenna punna le'ba'mo a'bundu', teai ri tenanapa nale'ba' a'bundu'.”

KELONG MALA'BIRI' 5:2

Attinroa', mingka tattinroai nyawaku. Langngereki, a'de'deki pakke'bu' tanringku. Sungkeia' pakke'bu', andi', tanringku, bodobangkengku, nakate'neanga pa'maikku; basai ulungku napakamma saliu', uukku rassi atti'na saliu' bangngia.

MATIUS 25:5

Na talintaka battu anjo bunting bura'nea. Jari appakkaramulami ta'do'do' ngaseng anjo tuloloa, sa'genna attinro.

MATIUS 26:35

Appialimi Petrus nakana, “Manna pole lasikamateangki', mingka tena sikali nakuero' ansassaliKi'!” Kammayatompa ana'-ana' gurunNa maraenga akkana kamma ngaseng tommi.

MATIUS 26:38

Nakanamo ri ana'-ana' gurunNa, “Sanna' si'nana Kusa'ring pa'maikKu, kamma Kusa'ring tau lamatea. Ammantang mako anrinni anrurungangA' a'jaga-jaga.”

MATIUS 26:41

A'jaga-jaga mako siagang appala' doang mako, sollanna tena nanukasiaki paccobaya. Ero' memanji nyawaya anggaukangi tojenga, mingka tamakkulleai tubua lanri lammana.”

MATIUS 26:43

Le'baki anjo ammotere'mi pole, nanarapikang pole ana'-ana' gurunNa attinro, lanri ta'do'do' duduna ke'nanga.

MARKUS 14:37

Le'baki anjo ammotere'mi Isa, na Narapikang ana'-ana' gurunNa attinro. Nakanamo ri Petrus, “Simon attinroko? Poro se'reji jang natena nukkulle a'jaga?”

LUKAS 22:45

Le'baki appala' doang, ammotere'mi Isa mae ri ana'-ana' gurunNa. Narapikammi ana'-ana' gurunNa attinro ngaseng napakamma sanna' ngaseng mangnganna.

LUKAS 9:32

Anjo wattua attinroi Petrus siagang agang-aganna. Mingka ti'ring ambangummi ke'nanga, na nacini'mo ke'nanga accaya Isa, ammenteng siagang anjo tau ruaya.

HAKING-HAKING 9:33

Ammuko bari'basa' punna ammumbami alloa, pata'bangkami nanubunduki anjo kotaya. Na punna assulu' Gaal siagang taunna ero' angngewako iamintu kasampatang baji mae ri ikau untu' ambunduki'.”