MATIUS 26:4 - KITTA' MATANGKASA'

⁴ A'bicarami siagang a'boyami akkala' ke'nanga, antekamma nakkulle najakkala' cokko-cokko Isa, nampa nabuno.

MATIUS 26:4 Iomraidhean Croise

PA'JARIANG 3:1

Ia ularaka iami kaminang cara'de' ri sikontu olo'-olo' Napareka Karaeng Allata'ala. Akkuta'nangi anjo ularaka mae ri anjo bainea angkana, “Apaka ma'nassa tena tojeng Nakellaiko Allata'ala angkanrei anne sikontu rappo-rappo niaka ri kokoa?”

PAMMUJI 2:2

Assamai ambangung sikamma karaenna lino na situju sikamma pinggawaya mangngewa ri Batara karaeng nipileNa.

PANGNGEBARANG 24:15

Teako sangkammai tau ja'dalaka, assikongkoloki untu' angngellaki tau lambusuka siagang anrampasaki balla'na.

MATIUS 12:14

Mingka a'lampami anjo tu Farisia, nampa sikongkolo' a'boya akkala' ero' ambunoi Isa.

MATIUS 23:33

E, ikau ngaseng tau ja'dalaka siagang sossorang tau ja'dalaka! Antekamma lakkulle nuliliang hukkunganga ri naraka?

MARKUS 14:1

Ruangallo mami na allo Paska siagang allo Passua'-suarrang Roti Tenaya Nammake Pa'gambang. A'boyami akkala' imang-imang kapalaya siagang guru-guru agamaya sollanna akkulle najakkala' cokko-cokko siagang nabuno Isa.

YOHANES 11:53

Anjo alloa appakkaramulami pamarentana tu Yahudia assikongkolo' ero' ambunoi Isa.

LAMPA-LAMPANA 13:10

nampa nakana, “He, ikau paballe-balle lompoa, ana' tu sannaka ja'dala'na! Ikaumi musunna sikontu apa-apa bajika. Angngapa nutaeroka ampamari anrompa-rompai ero'Na Allata'ala untu' ampasalamaki rupataua?

LAMPA-LAMPANA 7:19

Anjo karaenga napare' karek-karenammi bansata, siagang sanna'mi nakapallakkina boe-boeta. Napassami boe-boeta ampelaki ana'-ana' lolona punna lassu' sollanna nibawang-bawangngang na mate anjo ana' loloa.

2 KORINTUS 11:3

Mingka ranggaselai pa'maikku, gassingka nigodai pikkirannu sa'genna tenamo nujarre' ri janjinnu mae ri Almasi. Sangkamma todong Hawa riolo, nigoda tongi ri kacara'dekanna ularaka.