MATIUS 24:2 - KITTA' MATANGKASA'

² Nakanamo Isa ri ke'nanga, “Nucini' ngasemmi anjo bangunanga? Assemmi angkanaya, manna se're batu talania' sallang ammantang assusung ri tampa'na, nasaba' lanirumbang ngasengi!”

MATIUS 24:2 Iomraidhean Croise

YEREMIA 26:18

“Ri wattunna Hizkia a'jari karaeng Yehuda, Na'bi Mikha battu ri Moresyet napabattui mae ri ra'yaka anne kana battua ri Batara Kaminang Koasaya, angkana, ‘Sion lanipa'jekoi rapang koko, Yerusalem la'jari pannambungang rumbangngang, siagang Bulu' Balla'Na Batara la'jari romangi.’

MIKHA 3:12

Lanri anjo kaja'dallannu, lanipa'jekoi Sion rapang koko, la'jari tambungang loroi Yerusalem, siagang la'jari romangi bonto Balla'Na Batara.

LUKAS 19:44

Lanaancurukko siagang sikontu bonenu; na tenanniakka manna sibatu batu tela lanakellai ammantang tassusung ri tampa'na, lanri tenana nanujampangi ri wattunna battu Allata'ala untu' ampasalamakko!”

2 PETRUS 3:11

Nasaba' yangasenna anjo sikammaya laniancuru' kammai anjo batena, antekammami batenu musti attallasa'? Jari musti nutangkasimi katallassannu ri dallekanNa Allata'ala, siagang mappilangngeri mako mae ri Ia,

PAPPICINI' 21:22

Tenai kucini' Balla'Na Allata'ala ilalang ri anjo kotaya, nasaba' ia Balla'Na Allata'ala iamintu KalenNa Batara, Allata'ala Kaminang Koasaya, siagang anjo Ana' Gimbalaka.